hósdagur 25. juni 2020síða 30

6 Í sløk fimm ár hevur kanningarstovan Thetis arbeitt á føroyska marknaðinum. Fyrst og fremst veitir Thetis tænastur til útflutningsvinnuna. Talan er um at gera royndir av tí sum verður útflutt og gera skjøl, sum marknaðurin tekur fyri góðar vørur. Skjøl, sum staðfesta at vøran líkur altjóða krøv um reinføri og so framvegis. Men í seinastuni sæst fyritøkan meir og meira á breddamum, tí herfyri gjørdi Thetis avtalu við myndug­ leikarnar um, at starvsstovan hjá fyritøkuni skal taka royndir av øllum ferðafólkunum, sum koma til Føroya um flogvøllin. – Landsstýrið vendi sær til okkara og spurdi um hetta var ein uppgáva, sum vit kundu loysa og sjálvandi kunnu vit tað, sigur Marita Debess Magnussen, stjóri á Thetis. – Uppgávan krevur sjálvandi nakað av okkum, men tað er fyrst og fremst at fáa tingini at spæla saman. Sjálvt tað at poda fólk og gera royndirnar er kanska ikki so torført, men tað er hin parturin – at syrgja fyri at hava nóg mikið av fólki á flogføllinum, skráseta royndirnar og fáa tær á starvsstovurnar, so kanningarnar kunnu gerast sigur hon. Samstarv Thetis hevur ikki áður fingist við júst slíkar royndir. Tí er eisini farið í samstarv við Amplexa, har Hans Atli Dahl er stjóri. Amplexa hevur gjørt slíkar royndir í Grøn­ landi í nakrar mánaðir. – Hans Atli Dahl kom til okkara og hjálpti til at seta alt upp og fekk í samstarvi við okkum gjørt metoduna, sum vit nú arbeiða eftir, sigur stjórin í Thetis. Sum nevnt var Thetis upprunaliga sett á stovn sum ein starvs­stova, sum fyrst og fremst veitir tænastur til vinnuna og kommunur. TEKSTUR ÁRNI GREGERSEN Tænastur til vinnuna men nú kanna tey eisini fólkaheilsuna Thetis stendur fyri at kanna tey fólk, sum í hesum koronadøgum koma um flogvøllin – kortini fyllir tænastan til útflutningsvinnuna mest