hósdagur 25. juni 2020síða 46

22 32 ára gamla, Kristina Roest, er nevndarforkvinna í IRF, og tað er sum býráðslimur í Tvøroyrar kommunu, at hon hevur nevndarsessin og eisini formanssessin í felagsskapinum. Hon er gift og eigur tvey børn. Hennara borgarliga starv er sum málsviðgeri hjá Taks. Vit hava skift orð við ungu kvinnuna, og vit hava eisini sett henni nakrar spurningar. Heilt av tilvild Men, hvør var so leiðin hjá ungu kvinnuni upp í býráðspolitikk og til nevndarformanssessin í IRF? - Tað var heilt av tilvild, at eg varð uppstillað til býráðs­ val í Tvøroyrar kommunu. Hetta var als ikki nakað, eg hevði gingið og hugsað um, hóast eg kanska viðhvørt havi avgjørdar meiningar um eitt hvørt. Hon vísir á, at sum flestum kunnugt, hevur polit­iska støðan í Tvøroyrar kommunu verið spent í nøkur ár og hesin dagurin, tá uppstillingarlistarnir skuldu lat­ast inn, var einki undantak. - Tað var bara ein tíma, áðrenn listarnir skuldu latast inn, at ein góður vinmaður kon brestandi inn um hurðina. Tivandi og uppøstur, minnist eg, at hann rópti: ”Kristina, tú mást stilla upp…!” Kristina Roest sigur, at hon og maðurin hugdu bara púra býtt at hesum manni og skiltu ikki heilt, hvat hetta gekk út uppá. - Í stuttum fingu vit so at vita, at borgarstjórin í Tvøroyrar kommunu var í gongd við at gera ein nýggjan lista, tann sonevnda kommunulistan, og at hann í hesum sambandi tørvaði stillarar og valevni. Hon vísir á, at løtu seinni ringdi telefonin, og tá var tað borgarstjórin við somu boðum og tað næsta, sum Kristina Roest visti, var, at nú var hon vorðin uppstillað til býráðsvalið í Tvøroyrar kommunu. - Henda nýggja avbjóðing vísti seg at vera sera áhugaverd, og eg valdi at taka ímóti henni fult og heilt. Trupulleikin var bara, at eg var uppstillað á tí skeiva listanum, tí eftir, at vit vórðu vald, gekk samstarvið á kommunulistanum bara ein og skeivan veg. Bjóða seg fram Kristina Roest sigur, at tá hon hyggur í bakspeglið, var tað kortini ikki so løgið, at samstarvið ikki riggaði, tí kommunulistin varð mannaður eftir einum tíma, hóast eingin var vitandi um, hvat veruliga endamálið við listanum var. - Tíðin vísti okkum, at einstøku áhugamálini vóru Hon er 32 ára gomul og forkvinna í nevndini í IRF - Eftir mínum tykki hevur tað als ongan týdning, hvørt tað eru kvinnur ella menn, sum sita í formansskapinum í IRF. Eg eri sum forkvinna væl móttikin av øllum, og eg stórtrívist í starvinum, sum bæði er læruríkt, avbjóðandi og spennandi, sigur Kristina Roest TEKSTUR VILMUND JACOBSEN