hósdagur 2. juli 2020síða 3

FRÍGGJADAGUR 3. JULI 2020 SOSIALURIN 52 3 ÍSF má koma við í málið um stórhøll – Eg fari ikki bara at tosa við Sjóvar ella Havnar kommunu um eina stórhøll, har hondbóltslandsdystir kunnu spælast. Hetta er eitt mál, sum eg fari at tosa við ÍSF um, sigur Jenis av Rana, landsstýrismaður við mentamálum FRANTS JENSEN FRANTS@SOSIALURIN.FO F yri tveimum vikum síðani meldaðu strandingar út, at teir ætla at byggja eina stórhøll á Strondum. Borg­ar­stjórin í Havn, Annika Ol­ sen, var skjót at vísa á, at ein stór­ høll er partur av ætlanunum við Stóru­tjørn, og at hon væntaði, at ein tí­lík høll kann takast í nýtslu um trý ár. Í síðstu viku royndu strandingar aftur, nú við kommunustýrinum í rygginum, sum gav tilsøgn um, at kommuna vil rinda 30 prosent av kostnaðinum. Samstundis segði kommunan: – Vit hugsa okkum eitt býti, har ið Sjóvar kommuna rindar 30% og landið rindar 70%. Eingin umsókn komin Men landsstýrismaðurin, sum umsitur ítróttin, hevur ikki fingið nakran fyrispurning ella áheitan frá strandingum um játta pening til eina tílíka stórhøll á Strondum. – Eg havi hoyrt um ætlanina í fjølmiðlunum, men eg havi ikki fingið nakra umsókn ella áheitan um málið. Men tað havi eg heldur ikki fingið viðvíkjandi høllini, sum tosað hevur verið um at byggja við Stórutjørn. Eg veit ikki, um nakað er komið áðrenn mína tíð, men eg havi ikki hoyrt um tað, sigur Jenis av Rana. Dialog við ÍSF Um ein umsókn kemur, so fer lands­stýrismaðurin at taka málið upp, men so verður ÍSF eisini tikið við í ætlanirnar. – Eg fari ikki at viðgera eitt so stórt mál við bara eina kommunu. Hetta er eitt mál, sum hevur nógv at siga fyri fleiri ítróttargreinar og tey einstøku sersambondini, og tí mugu vit eisini hava ein dialog við ÍSF um málið. Vit mugu hugsa hetta sum ein størri pakka innan tað ítróttarliga, sigur landsstýrismaðurin. Felags loysn Jenis av Rana heldur ikki tað vera í lagi, at hondbóltslandsdystir ikki kunnu spælast í Føroyum, tá ið Føroyar hava heimavøll, men at teir mugu spælast í Danmark. – Tað er sera óheppið, at neyðugt er at spæla uttanlands. Vit mugu finna eina felags loysn, og tí er neyðugt at tosa við ÍSF um málið. Tað er har, tað má loysast, og ikki bara at finna eina loysn við eina einstaka kommunu, sigur Jenis av Rana. Vit hava ikki meining um staðseting – Vit hava ikki nakra meining um, hvar ein stórhøll skal staðsetast, men vit vilja av fullum huga stuðla áræðinum at fara í gongd, sigur Petur Mittún, aðalskrivari í ÍSF FRANTS JENSEN FRANTS@SOSIALURIN.FO Føroysku hondbóltslandsliðini kunnu ikki í undankappingum spæla sínar heimadystir í Før­ oy­um. Tað heldur aðal­skrivarin í ÍSF vera eina vanlukku. – Tað er sera óheppið fyri hvørja undankapping, ja, fyri hvønn dyst, at vit ikki kunnu spæla á heimavølli. Tað er ein van­lukka fyri føroyskan ítrótt, sigur Petur Mittún. Og tí heldur hann, at tað hevur skund at fáa eina stórhøll, ið lýkur altjóða krøv, so at til ber at spæla heimadystirnar í Føroyum. – Tað má og skal koma upp á pláss – ongantíð ov skjótt, sigur aðalskrivarin. Vísa vælvilja í verki ÍSF hevur tó ikki verið í ítøki­ lig­um samskifti við politiska myndug­leikan um at fáa eina stór­høll í Føroyum. – Formliga hava vit ikki tosað um tað. Tað er tó kanska nevnt í onkr­um práti. Vit gleðast um, at Sjóvar kommuna og Tórshavnar kommuna arbeiða við ætlanum um eina tílíka høll, og vit vilja stuðla hesum ætlanum. Vit gleð­ ast um alt, sum kann betra um um­støðurnar hjá føroyskum ítrótti, og føroyskur ítróttur hev­ ur stóran tørv á eini tílíkari høll, sig­ur Petur Mittún. Hann vísir á, at støðan er eitt sindur tann sama sum við fót­ bóltshøllum. – Har hevur verið tosað um tað í fleiri ár, men enn er ikki so nógv hent. Vit gleðast um áræði, sum kommunur vísa, og vit vóna, at tað skjótt verður veruleiki við eini stórhøll. Vit hoyra, at al­ mennu myndugleikarnir vísa eini stór­høll vælvilja – nú er at vísa tað í verki, sigur Petur Mittún. Jenis av Rana, landsstýrismaður Petur Mittún, aðalskrivari í ÍSF