hósdagur 2. juli 2020síða 9

FRÍGGJADAGUR 3. JULI 2020 SOSIALURIN 52 9 – Trygt at lata síni børn í vøggustovu Um vøggustovan Stella Maris í Havn skal liva upp til bygningskrøv og brunatrygd skulu 10 til 16 milliónir krónur nýtast upp á bygningin. Stovnurin verður tí stongdur – tó ikki fyrr enn um tvey ár. – Tað er tó trygt at lata síni børn í vøggustovuna, sigur Gunvør Balle, forkvinna í mentamálanevndini í kommununi FRANTS JENSEN FRANTS@SOSIALURIN.FO S tarvsfólk og foreldur hava fingið boð um, at tey børnini, um byrja á vøggustovu í Stella Maris í august, eru tey seinastu, ið verða tikin inn. Kommunan sigur samstundis, at fleiri nýggj vøggustovupláss verða skipað á øðrum stovnum. Í miðbýnum verður verandi skúli í Kongagøtu gjørdur um til dag­stovn og lagdur aftrat Mið­ stovn­inum. Býlingshúsið vesturi á Flat let­ ur eisini nýggja vøggustovu upp eftir summarfrítíðina. Grundgevingin fyri, at Stella Maris steingir, er sambært komm­ ununi, at ”bygningurin krev­ur stóra høvuðsumvæling og er ikki longur tíðarhóskandi til dag­stovna­ virksemi. Bygningskrøv gera, at tað samstundis verður neyð­ugt at lækka talið á plássum”. Lýkur ikki brunakrøv Forkvinnan í mentamálanevndini í Tórshavnar kommunu, Gunvør Balle, vísir á, at tað er ein samlað meting, sum ger, at vøggustovan steingir. – Stella Maris er ein lítil rakstr­ areind, og vit royna at hava størri eindir. Metingar siga, at fyri at liva upp til bygningskrøv og brunakrøv í dag, skulu umbyggingar gerast fyri einar 10 til 16 milliónir krónur. Út frá eini samlaðari meting, hava vit valt at steingja stovnin, sigur Gunvør Balle. Men tá ið bygningurin ikki lýk­ ur brunakrøv, er so trygt at hava hann opið tvey ár afturat? – Ja, tað er trygt. Nakað av um­ vælingum eru gjørdar, og barna­ talið er lækkað, so tað er trygt. Tey nýggjastu brunakrøvini í BK17, vóru sera hørð. Stella Maris er ikki tann einasti stovnurin, sum ikki lýkur hesi krøvini. Tað eru fleiri bygningar kring landið, ið ikki lúka krøvini. Men tað tekur tíð at gera broytingar. Við teimum broytingum, vit hava gjørt, so er tað trygt, sigur Gunvør Balle. Úr 43 niður í 35 børn Stella Maris var ikki bygt sum vøggu­stova. Sambært leiðaranum á stovninum, Charlottu á Váli Ol­ sen, er húsið gamalt og ikki gjørt í stand í fleiri ár. – Tað eru fleiri trygdarkrøv og annað, ið verða sett í dag, og tað kostar nógv at gera alt hetta. Fyrr brúktu vit eisini loftið, men sein­ asta árið hava vit ikki nýtt loftið, sig­ur Charlotta á Váli Olsen. Hon vísir á, at av tí sama er talið av børnum á stovninum minkað úr 43 niður í 35. Trygt at lata síni børn í Stella Maris Tá ið foreldur herfyri vórðu kunnað um støðuna viðvíkjandi at bygningurin treingir til fleiri um­vælingar, millum annað tí at brunakrøvini eru so nógv, vóru tað onkur av teimum, sum setti spurnartekin við, um tað er trygt hjá foreldrum at lata síni børn í vøggu­stovu á Stella Maris kom­ andi tvey árini. Beinta Dalbø, leiðari í barna- og ungdómsdeildini hjá Tórshavnar kom­munu, vísir aftur, at tað er ótrygt at lata børnini í vøggustovu í Stella Maris. – Eg vari av tí námsfrøðiliga virk­seminum á stovnunum í kommununi, og tað námsfrøðiliga virk­semi er trygt. Tað er ikki ótrygt at lata síni børn í vøggustovu í Stella Maris, sigur hon. Hon vísir á, at barnatalið er niður­lagað, tí at krøvini eru, at vøggu­stovubørn skulu hava tríggjar fermetrar pr barn. – Fyri okkum hevur tað alt at siga, at tað er trygt hjá foreldrum at lata síni børn á allar stovnar í kommununi, og at tað er trygt hjá starvsfólkunum. Vit meta eisini, at tað er trygt, at lata síni børn í Stella Maris komandi tvey árini, sigur Beinta Dalbø. Stovnsleiðarin vísir eisini aftur, at tað er ótrygt at lata síni børn í vøggustovuna. – Tað er ikki ótrygt at lata síni børn koma á Stella Maris, sigur Charlotta á Váli Olsen. Bara blaðungar gentur Brynhild Olsen er eitt av umboð­ unum í foreldraráðnum í vøggu­ stovuni. – Dóttirin er júst givin á Stella Maris, og tí fari eg ikki at nýta tann stovnin í framtíðini. Eg havi ikki upplivað, at tað er ótrygt at lata sítt barn í vøggustovuna. Tað, sum eg hinvegin haldi vera ótrygt, er, at á onkrari stovu hava bara blaðungar gentur arbeitt í longri tíð og eingin vaksin. Tað var ikki gott nokk, sigur Brynhild Olsen. Vøggustovan Stella Maris letur aftur um tvey ár. Mynd: Álvur Haraldsen