hósdagur 9. juli 2020síða 8

FRÍGGJADAGUR 10. JULI 2020 SOSIALURIN 54 8 PERSÓNSØGA hevur hon eisini verið virk­in í næm­ingaráðnum og sam­starvs­ nevndini á Glasi, Amnesty og ung­ dómspolitikki. – At vera virkin á hendan hátt gevur innlit í samfelagsviðurskifti, sum ein annars ikki fær í ger­andis­ degn­um. Og hóast tað til tíðir kann gerast nógv, hevði eg ikki viljað verið hesar upplivingarnar fyri­uttan, tí tað er heilt víst ein fyri­munur. Tá eg eri virkin, verði eg eisini motiverað til at gera meir, sigur hon síðani. Framtíðin Áðrenn Ida á Reynatúgvu byrjaði á miðnámi, hevði hon sett sær sum mál, at hon skuldi hava nóg góð skoðsmál til at sleppa inn at lesa altjóða handil og politikk á Copenhagen Business School. Til tað kravst eitt miðaltal á 11,8. Og hóast tann útbúgvingin ikki longur er hægst á ynskilistanum hjá Idu, er hon ovurfegin um, at hon megnaði at røkka málinum og meir aftrat. – Eg setti eitt ítøkiligt mál, sum eg hevði í huga alla tíðina. Eg eri enn áhugað í útbúgvingini, men eg veit eisini, at eg tími alt møguligt annað. Eg tími at arbeiða við fólki, og eg eri áhugað í arkitekturi, sálarfrøði og matgerð, sigur hon spent, nú hon uttan iva sleppur at velja og vraka, tá hon um eitt ár eftir ætlan fer at lesa víðari í Danmark. – Eisini droymi eg um at taka eitt semestur á einum øðr­um uni­ versiteti í einum heilt øðr­um landi. Kanska á einum Ivy Leage skúla í USA ella í eini øðrvísi mentan í millum annað Suðuramerika ella Asia, sigur hon frá. – Ætlanirnar eru nógvar, og eg veit ikki enn, hvar eg endi, men eg eri so glað fyri, at hurðarnar standa opnar, sigur Ida á Reyna­ túgvu, sum nú longu er farin ein roynd­artúr við Norrönu sum tæn­ari. Komandi árið ætlar hon nevni­liga at brúka uttanfyri skúla­stovuna og til arbeiðis. – Eg havi arbeitt sum tænari, síðani eg var 14 ára gomul, og eg tími tað væl. Tað er stuttligt at servis­era. Eg haldi møguliga á um­borð á Norrönu, ella finni eg eitt annað arbeiði, áðrenn eg flyti til Keypmannahavnar um eitt ár, sig­ur hon. Framhald frá síðu 7 Ætlanirnar eru nógvar, og eg veit ikki enn, hvar eg endi, men eg eri so glað fyri, at hurðarnar standa opnar Vilt tú hava góð skoðsmál? Tá hon verður spurd, um hon hevur góð ráð til teirra, ið ynskja at fáa høg skoðsmál á miðnámi, sigur hon heilt einfalt, at tað besta er at gera, sum lærarin sigur. – Mítt besta og einfaldasta ráð er at gera skúlatingini og at fylgja við í tímunum. Man má fylgja við alla tíðina, tí so hevur man eitt gott grundarlag og er við í tí, sum fer fram. Tað er altso ikki so torført ella strævið at lesa hasa stuttsøguna og kanska greina hana eisini, sum tú fekst til uppgávu at gera, sigur hon. – Og hevur tú onkrar lærugreinar, sum eru meir avbjóðandi, ger so meir við júst tað fakið. Eg havi til dømis ongantíð dugað so væl rokning, men eg fór so heim og roknaði allar uppgávurnar umaftur og vandi tær eyka nógv. Tað er í veruleikanum bara venjing og arbeiði, tí man kann duga alt, um man setur sær tað fyri, leggur Ida á Reynatúgvu aftrat.