hósdagur 23. juli 2020síða 5

FRÍGGJADAGUR 24. JULI 2020 SOSIALURIN 58 5 hava barr- og matstovuvirksemi, sigur Barbara. Stóri dreymurin er tó enn at hava okkurt at bjóða í teirra egna staði. Maggie’s er tí eisini ein máti fyri unga parið at fáa nakrar roynd­ir, sum tey kunnu taka við sær, tá ordilig gongd einaferð kem­ur í Lamaland. Hetta er bara byrjanin Fyri fýra árum síðani var einki her á stykkinum; bara bøur. Men við tíðini hava Barbara og Edvard fingið tað til tað, sum tað er í dag - sjálvt um projektið er langt frá at vera liðugt. Longu nú hava tey høsnarhús og ríkt djóralív á stykkinum. Tey hava grivið veitir, soleiðis at dunnurnar hava ein hyl at halda til í, og so hava tey eisini nakrar veltir, har tey velta alt frá radisum til vælsmakkandi átuligt ókrút at brúka til matgerð. – Vit droyma um at hava fleiri ordiligar veltir og nokk av djórum, so vit kunnu vera sjálvbjargin og liva av tí. Vit hava millum annað snakkað um at fáa okkum geitir og kalkunir, sigur Edvard. – Um vit kunnu blíva sjálv­bjarg­ in, so hevði tað verið fantastiskt. Men hetta krevur nógva tíð og orku, tí hvør veit og hvør hylur verð­ur gravaður við hond. Tað krevur eisini nógva vitan, og vit hava enn nógv at læra, fortelur Barbara. – Men vit hava goða tíð og læra eitt sindur í senn. Hetta er lang­ tíðarprojekt, og vit hava ongan skund. Vit eru enn bara í byrj­ unar­stadiinum av dreyminum hjá okkum, siga tey. Vilja bjóða fólki til Lamaland Meðan alt landið lá lamið í vár orsakað av koronafarsóttini fingu Barbara og Edvard nógv burturúr á stykkinum, tí tá var lítið at gera í Maggie’s. Tey hava eitt nú stoypt eina grund, har teirra nýggja sauna, sum beint nú stendur á kai­ini, skal vera. Saunain skal vera við síðuna av reyða hitapottinum, sum longu er komin uppá pláss. Ætlanin er at lukka alt hetta økið av, soleiðis at djórini ikki sleppa til har, og so økið kann brúkast sum okkurt slag av frítíðarstaði við hitapotti, sauna og grill, har mann kann hugna sær. – Vit ætla, at hetta skal vera fyrsta stigið til at bjóða fólki inn til Lamaland. Men tað er enn rætti­liga nógv, sum skal gerast, áðrenn tað verður klárt til tað, siga tey. Tey vóna eisini at kunna hava okkurt slag av sølustaði her úti. – Ætlanin er at fáa eitt høli út her í heyst, soleiðis at vit kunnu hava eitt hugnaligt frítíðarøki Lamaland skal og frítíðarstað Edvard er 31 ára gamal, og Barbara er akkurát blivin 30. Edvard er havnarmaður men flutti út til Nólsoyar fyri fýra árum síðani til Barbaru, sum er uppvaksin í Nólsoy. Líka síðan ferðavinnan byrjaði at blomstra, so hava nólsoyingar roynt at verið ein viðspælari í ferðavinnuni. Her hava verið trý ymisk mat- og skeinkistøð. Men tað hevur verið nakað so avbjóðandi við Strandferðsluni frá fyrsta degi, sum ger, at fólk troyttast Framhald á síðu 6