hósdagur 23. juli 2020síða 6

FRÍGGJADAGUR 24. JULI 2020 SOSIALURIN 58 6 her. Í fyrsta lagi ætla vit, at tað skal vera ein konteynari, sum vit kunnu beklaga og innrætta. Tað gevur jú eitt gott útgangspunkt til at síggja, hvat vit kunnu byggja víðari har frá, fortelur Edvard. Eingin avgerð er tikin um, hvussu leingi tey halda fram at reka Maggie’s, men tey vita ið hvussu er, at Lamaland skal ikki vera ein barr, tí tað passar ikki til konseptið. Keyptu lama Laman í Nólsoy er 14 ára gomul, og hon hevur verið víða um í Før­oyum hesi árini. Hon kom av fyrstan tíð til Leynar, og so fór hon til Hvalbiar í nøkur ár. Síðani fór hon til Sandavágs, og nú er hon so í Nólsoy, har hon er ímyndin av nýggja Lamalandinum. Lamaævintýrið byrjaði, tá Edvard einaferð var í Peru saman við nøkrum kammeratum. Hann sendi eina mynd til Barbaru av sær sjálvum, meðan hann stóð við einari lama, og skrivaði so fyri stuttleikar, at tey burdu fingið sær eina lama. – So ein dagin kom ein lama til sølu á Facebook, og tá smekkaði Barbara til og keypti hana, sigur Edvard og hyggur at Barbaru, sum fer at flenna, tá hon minnist hetta. – Eg eri øgiliga góð við djór og havi altíð fingist nógv við djór. Ikki so eksotisk djór sum lama, men meira hund, kettu og seyð, sigur hon. Sleppa ikki at fáa fleiri lamur Laman hjá Edvard og Barbaru er tann einasta laman í Føroyum. Og sum tað sær út nú, so verður hetta eisini tann síðsta. Stóra ynskið hjá Edvard og Barbaru er at fáa fleiri lamur í Lamaland, men tað kunnu tey ikki orsakað, tí tað er í stríð við lógina. – Vit hava sett okkum í sam­ band við myndugleikarnar, tí vit vilja jú gjarna hava fleiri lamur. Men vit hava bara fingið noktandi svar. Øll klyvjadjór sleppa ikki at innflytast, sambært lógini, tí mann er bangin fyri smittuvanda, greiðir Barbara frá. Ein lama er eitt floksdjór, sum merkir, at hon trívist best saman við øðrum lamum. Men hendan laman er nærum púra einsamøll. Tó so hevur hon ein flokk, sum hon plagar at fylgjast við - nevni­ liga gæsnar. Men eigararnir halda, at laman hevur brúk fyri at føla seg vera partur av einum flokki av sínum egna slag. Barbara og Edvard halda snøgt sagt, at tað er for galið, at tað ikki skal bera til at fáa fleiri lamur. – Í flestum londum í Europa hevði hetta ikki verið lov, tí har hevur laman rætt til at vera í flokki við øðrum lamum. Tað er ein etiskur spurningur, um hon sum floksdjór sleppur at ganga einsamøll. Men tað sleppur mann opinbart í Føroyum, tí hendan djóraverndarlógin er ikki galdandi her, av tí at vit ikki eru í ES. Tað er keðiligt, at tað skal vera so, siga tey og vísa á, at tað væl ber til at innflyta slangur og eiturkoppar, sum tey halda vera ironiskt. Men dreymurin um at fáa fleiri lamur er ikki uppgivin, og tey fara at gera sítt til, at laman fær fleiri av sínum slag rundan um seg. Strandferðslan er stóra avbjóðingin Tað er ikki bara sum at siga tað at føra sínar stóru ætlanir út í lívið. Tí tað krevur bæði tíð, orku og pengar. – Tað er avbjóðandi at reka nakað vinnuligt á einari oyggj sum Nólsoy í mun til í Havnini, sigur Barbara. Serliga er tað ferðasambandið millum Havnina og Nólsoynna, sum er avbjóðandi. Sum nú er, arbeiða fimm manns umborð á Ternuni í senn, og ferjan tekur tí 95 ferðandi hvønn túrin. Men verður ein maður settur aftrat, kann ferðafólkatalið økjast upp í 294 fólk. Hetta verður ikki gjørt í summar, tí Strandferðslan sigur seg vilja halda korona-tilmælið um frástøðu. – Óansæð um mann skyldar uppá korona í ár, so er tað ikki bara í ár. Líka síðan ferðavinnan byrjaði at vinda upp á seg hevur hetta verið ein trupulleiki, sigur Barbara. – Ja, tann ævigi bardagin, vit í Nólsoy hava, er bardagin við SSL. Tað er nokkso ergiligt, sigur Edvard. Barbara og Edvard halda, at tað tykist sum, at Strandferðslan altíð hevur onkran umskyldning fyri, hví tað ikki kann lata seg gera at seta ein eyka mann, soleiðis at til ber at fáa fleiri fólk út í oynna í einum. Missa kundar At talið av ferðandi er so avmarkað umborð ger, at ferðafólk kunnu rokna við at standa eftir á Bursa­ tanga í Havn, tí tað ikki er pláss fyri teimum umborð á Ternuni. Í ár er avgerð tó tikin um at sigla eykatúrar, tá tørvur er á tí, men hetta er ikki nóg mikið, halda nóls­ oy­ingarnir. – Veruleikin er tann, at vit hava mist selskap uppá yvir 100 fólk, sum skuldu koma út at fáa sær at eta. At missa so nógv fólk ein dag hevur nógv at siga fyri eina so lítla fyritøku sum okkara. Hevði tað verið øðrvísi, so hevði tað kunnað bjargað okkum veturin, sigur Edvard. – Fyri tveimum vikum síðani avlýsti ein bólkur á 25 fólk, tí tey høvdu spurt seg fyri hjá Strand­ ferðsluni, sum so hevði sagt teim­um, at tað ikki er sikkurt, at tey sleppa við Ternuni, fortelur Barbara. – So er tað, at mann hugsar: hví kann mann ikki tryggja teimum tað? sigur hon spyrjandi. – Fólk troyttast av hesum Avmarkaða talið av ferðandi um­ borð á Ternuni ávirkar motiva­ tión­ina hjá nólsoyingum at reka ferðavinnuvirksemi. – Líka síðan ferðavinnan byrj­ aði at blomstra, so hava nóls­ oyingar roynt at verið ein við­ spælari í ferðavinnuni. Her hava verið trý ymisk mat- og skeinki­ støð. Men tað hevur verið nakað so avbjóðandi við Strandferðsluni frá fyrsta degi, sum ger, at fólk troyttast. Um mann skal avlýsa selskap aftaná selskap og ikki kunna taka ímóti so nógvum fólk­ um, sum mann egentliga kundi, so blívur tað jú eitt sindur stríggið, sigur Barbara og Edvard nikkar samdur. – Visit Faroe Island selir jú Før­oyar í heilum og roynir at fáa ferðafólk at koma til Føroya. Vit royna at lofta hesum og vilja fegin hava fólk til Nósloyar. Men allíkavæl er tað ikki vist, at tey yvirhøvur sleppa við Ternuni, sum jú eigur at vera tað mest ein­ falda, sigur Edvard. – Annars fungerar ferða­sam­ bandið fínt alt árið runt. Men um summarið eru tað hesar avbjóð­ ingar, tá tað snýr seg um at taka ímóti ferðafólki, leggja tey aftrat. Ein lívsstílur sum tey elska Eingin ivi er um, at Barbara og Edvard hava nógv jørn í eldinum, hóast tey ikki hava eitt arbeiði frá 8-16. Tey hava nokk meira at gera enn tey flestu, men tey stórtrívast. – Tað eru nógvir tímar, sum fara í hetta, men vit gera tað, sum vit tíma. Hetta er ein lívsstílur, sigur Edvard. – Ja, vit royna at fáa tað besta burturúr teimum møguleikunum, vit hava. Vit reka barr og hava eitt sindur av landbúnaði, flennir Barbara. Framhald frá síðu 5