hósdagur 23. juli 2020síða 7

FRÍGGJADAGUR 24. JULI 2020 SOSIALURIN 58 7 EYÐUN KLAKSTEIN S ea Shepherd leiðarin Paul Wat­son ætlar at gera nýggjar herferðir, sum skulu raka føroyskan út­flutn­ing og ferðavinnu. Tað boðar hann frá í einum posti á facebook. Sea Shepherd hevur í meira enn 35 ár stríðst ímóti før­oy­ skum grindadrápi, og felags­ skapurin hevur gjøgnum árini gjørt ymisk átøk ímóti før­oy­ing­ um. Seinastu tíðina hevur lítið verið at hoyrt til Paul Watson og Sea Shepherd, men eftir grindadrápið í Suðuroy í farnu viku hevur Paul Watson aftur gjørt vart við seg. – Vit mugu vera eirindaleys í okkara stríði at steðga ræðuliga grinda­drápinum í Føroyum, skrivar Watson í einum ágang­ andi uppslagi, har hann kallar grindadrápið sjúkt og bar­bar­ iskt. – Vit mugu nýta eitthvørt høvi at fáa søguna um grindadrápið út í miðlar kring heimin, sigur hann. Áhaldandi Sea Shepherd hevur síðan áttati árini verið mest áhald­ andi andstøðingurin í móti før­ oyska grindadrápinum. Felags­ skap­urin, sum kanadiumaðurin Paul Watson hevur staðið á odda fyri øll árini, hevur sjey ferð­ir havt átøk við skipum í Før­oyum. Fyrstu ferð var í 1983, og samanbrestir millum um­ hvørvisfólk og løgreglufólk vóru longu miðskeiðis í 1980’unum. Í 2014 og og 2015 hevði Sea Shep­herd rættiliga umfatandi og ágangandi herferðir í Føroyum. Sea Shepherd hevði bæði skip, skjótt­gangandi bátar og fólk á landi. Hesi bæði summur vóru merkt av Sea Shepherd sum ongantíð áður – ella síðan. Lógarbroytingar høvdu við sær, at mynduleikarnir skjótari og harðari kundu steðga átøkum í móti grindadrápum, og eftir at fólk vórðu handtikin, og hald varð lagt á bátar, hevur Sea Shepherd ikki verið í Før­oyum við skipum. Hinvegin sigur bretska deildin hjá Sea Shep­ herd, at tey á hvørjum ári senda fólk til Føroya at fylgja við grindadrápinum og senda upp­ lýsingar, myndir og video heim. Bæði Grindamannafelagið og myndugleikar hava seinastu árini hildið, at ágangurin ímóti grindadrápinum er nógv linkaður, men ongar ábendingar eru um, at føroyingar fáa frið at drepa grind í ár ella komandi árini. Sea Shepherd hevur brúkt ymiskar framferðarhættir til at stríðast ímóti grindadrápi, men júst fjølmiðlar hava spælt ein týðandi leiklut – serliga seinnu árini. Sea Shepherd hevur fylgt væl við í Føroyum, og felagsskapurin hevur síðani spjatt myndir og video av grindadrápi á sínum miðl­um og hevur roynt at fing­ ið aðrar miðlar sum bløð, sjón­ varpsrásir og tíðindasíður at viðgera grindadrápið og vísa blóðugu myndirnar. Nýggj átøk Sea Shepherd hevur gjøgnum árini eisini roynt at fingið út­ lendskar fyritøkur at boykotta før­oyskar vørur, og teir hava eisini roynt at lagt forðingar í vegin hjá føroyskari ferðavinnu. Nú sigur Paul Watson, at Sea Shep­herd veruliga skal fara í hernað ímóti føroyingum, og tað skal gerast við at raka føroyska bú­skapin. –  Nú er tíðin komin at vit aftur fara undir herferðir ímóti Før­oyum. Vit skulu boykotta før­oyskar fiskavørur, serliga laks, og vit skulu eisini boykotta før­oyska ferðavinnu, sigur Paul Wat­son. – Vit skulu áhaldandi leggja trýst á føroyingar allastaðni, har vit kunnu, so vit kunnu steðga eirinda­leysa grindadrápinum. Líkt er tí til, at Sea Shepherd – eftir eitt lítið time-out frá grinda­drápinum – veruliga fer at leggja trýst á føroyingar aftur. Hesa­ferð skal tað ikki gerast við at leggja upp í grindadráp í Før­ oyum, men vit at leggj upp til boykott av føroyskum út­flutn­ ingi og av ferðavinnu. WATSON ER AFTUR STRÍÐSFÚSUR – Nú skulu vit aftur í hernað ímóti føroyingum, sigur Paul Watson, sum ætlar at raka føroyskan fiskaútflutning og ferðavinnu hart – Vit skulu áhaldandi leggja trýst á føroyingar allastaðni, har vit kunnu, so vit kunnu steðga eirindaleysa grindadrápinum, sigur Paul Watson