hósdagur 30. juli 2020síða 7

FRÍGGJADAGUR 31. JULI 2020 SOSIALURIN 59 7 VILMUND JACOBSEN N ú ólavsøkan er løgd aftur um bak, er greitt, at al­men­nu tilmælini um frá­ støðu í nógvum førum ikki eru hildin, soleiðis sum myndug­ leikarnir í Føroyum hava mælt til – og ikki minst løgdu stóran dent á, nú ólavsøkan stundaði til. Longu, tá ólavsøkan varð sett tíð­liga seinnapartin týsdagin, var nógv fólk á Vaglinum og um mid­náttarleitið ólavsøkukvøld, tá vanligt er at hava felagssang, var rættiliga pakkað við fólki. Hóast midnáttarsangurin al­ ment var avlýstur, møttu fólk í stór­um tali upp á Vaglinum at syngja, og at síggja til var lítið - ella einki - hugsað um fjarstøðu hesa løtu. Michael Boolsen, fúti og for­ maður í farsóttarnevndini í Før­ oy­um, heldur tað vera keði­ligt, at fólk ikki hildu seg til til­mælini um, hvussu vit skuldu halda ólavsøku í ár, tó at nógv hevur verið gjørt fyri, at fólk í stórum tali ikki skuldu savnast í mið­ býn­um. Fútin er onga løtu í iva um, at tað, sum er hent um ólavsøkuna við stórum mannamúgvum í miðbýnum og kring um á skeinkistøðum, økir munandi um vandan fyri, at smittan aftur fer at breiða seg. - Hetta er ikki tað, vit vónaðu, men nú kunnu vit bara vóna, at vit eru heppin og sleppa undan smittu­spjaðing, sigur Michael Bool­sen, fúti. Føroyar hava verið koronu- fríar í meira enn tríggjar mánaðir og tey, sum eru smittað, hava øll verið ferðafólk og útlendskir sjómenn. Fólk tóku risiko Tað byrjaði annars so væl tíð­liga ólavsøkukvøld, tá skip­að varð fyri fólkafundi á Doktara­grund, har øll, sum vóru við til av­ markaða tiltakið, bóru masku, og økið varð deilt upp við bondum. Men, tá leið móti midnátt ólavsøkukvøld, streymaðu fólk í stórum tali oman í býin og oman á Vaglið, har tey sungu úr skerda sang­heftinum. Rættiliga nógv fólk var í býnum, og her sást lítið til, at tilmælini um frástøðu vóru tikin í serliga stórum álvara, tó at korona-farsóttin framvegis hong­ur yvir okkum sum ein hóttan. Pál Weihe, serlækni og ráð­ gevi, ásannar, at risiko’in er tikin, og her vendist ikki aftur. Eins og fútin, heldur hann tað vera spell, at fólk savnaðust í so stór­um tali, at ikki bara til at halda tilmæltu frástøðuna. - Gjørt er gjørt, og nú mugu fólk, sum vóru í býnum á ólav­søku – og onnur við, sum kunnu hava verið fyri smittu - vera árvakin og venda sær til kommunulækna, um tey fáa sjúku­eyðkenni, sigur ráðgevin. Vónandi eru vit heppin Pál Weihe heldur tað vera ógvu­ liga umráðandi, at fólk ikki gloyma veruleikan - at korona- far­sóttin á ongan hátt er av, og at fólk framvegis venda aftur til tann veruleika, at neyðugt er at fylgja almennu tilmælunum um frá­støðu, reinhald og kanning, um tað vísir seg, at fólk fáa sjúku­eyðkenni. - Nú skulu vit vóna, at vit eru so heppin, at eingin verður smittaður, hóast vit tóku risiko’ina, men tað vita vit ikki við vissu, fyrr enn ein tíð er frá­ liðin. Tað er greitt, at vandin lúrir undir slíkum umstøðum, sum vit hava sæð á myndum um ólavsøkuna. Talan kann bæði vera um útlendingar, sum bera smittu, men talan kann saktans eisini vera um føroyingar, sum bera smittu við sær heim. Pál Weihe leggur dent á, at tað, sum vit nú kunnu og mugu gera, er, at fólk - hvør í sínum lagi – framvegis fylgja almennu til­ mælunum og lata okkum kanna, um illgruni er um smittu. - Fáa vit, sum dagarnir ganga, eitt nýtt útbrot við koro­na- smittu, mugu vit sum best og eins og áður royna at smittu­ spora og avbyrgja, sigur Pál Weihe. - VIT TÓKU - VIT TÓKU RISIKO’INA RISIKO’INA Á ÓLAVSØKU Á ÓLAVSØKU - Tað er spell, at so mong ikki hildu seg til almennu tilmælini, men nú skulu vit vóna, at eingin verður smittaður, hóast vit tóku risiko’ina. Tað vita vit ikki, fyrr enn ein tíð er fráliðin. Tað er greitt, at vandin lúrir undir slíkum umstøðum, sum vit sóu um ólavsøkuna. Talan kann bæði vera um útlendingar, sum bera smittu, men talan kann saktans eisini vera um føroyingar, sum hava borið smittu við sær heim til Føroya, sigur Pál Weihe