hósdagur 30. juli 2020síða 9

FRÍGGJADAGUR 31. JULI 2020 SOSIALURIN 59 9 - Tað er ein misskiljing, at føroyska felagið P/F Havborg eigur skipið, sigur Tummas Justinussen VILMUND JACOBSEN Týsdagin bar norska heimasíðan - itromso.no - tíðindini um skipið, Arctic Lion, sum hevði tikið sjógv inn og lá við slagsíðu í Breivika í Noregi. Gjørt varð burt­ur úr arbeiðnum at tøma skip­ið fyri sjógv og tetta lekan, sum skipið hevði fingið. Tá heimasíðan bar tíðindini, vóru løgregla og sløkkilið á staðnum, og her var eisini onkur sleipi­bátur, sum royndi at halda skipinum at bryggjuni. Ventilur lak sjógv Løgreglan hevði fingið boð um lekan klokkan 13.48, og sum tíðin gekk varð manningin fingin í land, men so seint sum klokkan 15 henda dagin, var skiparin fram­vegis umborð. Roynt varð at tøma skipið, og síðan skuldu kav­arar niður at tetta lekan. Áðrenn pumpingin munandi nakað serligt, hevði Arctic Lion lagt seg rættiliga nógv í bak­ borðs­síðu. Heimasíðan visti eisini at siga, at hendingin ikki hevði elvt til nakra dálking, men fyri at tryggja umhvørvi, vórðu olju­girðingar lagdar út, um tað skuldi hent, at skipið koppaði. Vaktleiðarin í økinum, Kjetil Aasebø, visti at siga, at Arctic Lion hevði 120 rúmmetrar av diesel og fimm rúmmetrar av smyrj­i­olju. Sum seinnaparturin leið, fekst tamarhald á lekanum, og tað vísti seg, at tað var ein ventilur sum lak. Tá hesin var tett­ur, og skipið var komið upp aftur á rættkjøl, varð átakið í Brei­vika avblást. Fyrrverandi Havborg Norska heimasíðan - itromso. no - skrivaði eisini, at Arctic Lion hevur heimstað í St. Pætursborg í Russlandi, men at tað er før­ oyska reiðaríið Havborg, sum eigur skipið. Heimasíðan segði seg hava roynt at fingið við­ merk­ingar frá reiðaranum, Kaj Johannessen, men at reiðarin er í summarfrí og tískil ikki var tøk­ur til viðmerkingar. Nú í summar eru tvey ár síðan, at P/F Havborg í Leirvík seldi skipið við sama navni til felagið, Defa Fishing, í St. Pætursborg, og Tummas Justinus­sen sigur, at tað er ein mis­skilj­ing, at tað framvegis er felagið, P/F Havborg, sum eigur skipið. - Tá vit seldu Havborg, kendi eg ikki reiðaríið og fólkini aftan fyri fyritøkuna, men síðan sølu­ na eru vit komin at kenna eigar­ ar­nar væl. Tummas Justinussen heldur, at bland er komið í hjá norsku heimasíðuni, tí seinni keypti felagið hjá Kaj Johannesen rætt­indini hjá P/F Havborg, men hetta var væl eftir, at Defa Fish­ ing hevði keypt Havborg, sum nú kallast Arctic Lion. Bloytt í regni VILMUND JACOBSEN - Lítið hugaligt at standa her á bryggjuni í Hesti í oysandi regni, serliga tá Teistin er hálv­an tíma seinkaður. Soleiðis skrivar ein kvinna á Face­book, sum um dagarnar vitjaði í Hesti. Hon heldur fyri, at eitt lítið hálvtak kundi Tórshavnar kom­muna kanska unt hest­ fólki og ferðafólki annars. - Ella - er tað ov nógv at biðja um? verður spurt. Lagt verður aftrat, at tað er upp­gávan hjá Tórshavnar kom­munu, sum eisini fevnir um Hest, at fáa eitt hús á bryggjuni, har fólk kunnu sleppa undir tak og kanska eisini sleppa á wc. - Eg veit, at fólk hava sent skrivliga áheitan til Tórs­ havnar kommunu um hetta, men har hendir einki, leggur lesarin aftrat. VILMUND JACOBSEN Fyrr í summar gjørdist greitt, at P/F Havborg hevur gjørt sátt­mála við Tersan Shipyard í Turkalandi um nýggjan verk­ smiðjutrolara, sum í fyrstu atløgu skal brúkast til rækju­ fiskiskap. Frystilastin verður á 2.250 rúm­metrar, sum svarar til um­ leið 1000 tons. Kaj Johannessen er stjóri í sam­takinum Farcod, sum eitt nú eigur P/F Havborg og P/F Enni­berg. Skipsteknisk AS í Noreg hevur teknað og projekterað verk­smiðjutrolaran í tøttum sam­starvi við reiðaríið, og ný­ bygningurin fer at kosta umleið 400 miljónir krónur at byggja. Havborg byggir nýtt Fyrrverandi Havborg við slagsíðu í Noregi Her liggur Arctic Lion, fyrrverandi Havborg, í Breivik í Noregi við stórari slagsíðu