hósdagur 30. juli 2020síða 18

FRÍGGJADAGUR 31. JULI 2020 SOSIALURIN 59 18 ÁRNI GREGERSEN 16.september í fjør tók hendan sam­gongan við valdinum, og Bárð­ur á Steig Nielsen var valdur samgonguleiðari og løg­ maður. Ein av uppgávnum hjá løg­ manni er at halda røðu í tingi­ num, tá ið Løgtingið verður sett ólavsøkudag. Tá skal hann greiða frá, hvat landsstýrið ætlar at fremja í komandi tingsetu, og hann skal eisini siga, hvussu støð­an annars er í landinum. Røðan kannn lesast í sínari heild aðrastaðni í blaðnum, eins og viðmerkingar frá andstøðuni, men her er ein partur av tí, sum løgmaður nevndi. Slagið undir vangan kom óvart á okkum Bárður á Steig Nielsen, løgmaður, helt sína fyrstu ólavsøkurøðu -- Tað kom óvart á føroyingar, tá ið korona breyt út, og vit fingu fyrstu smitaðu fólkini í Føroyum í byrjanini av mars. Løgmaður, sum saman við sam­gonguni, tók við valdinum 16.september í fjør, helt sjálvur fyri í nýggjársrøðu síni, at alt sá bjart út, tá ið hugt var inn í 2020. Virksemið í landinum var stórt, og tað gekk væl sum heild, men knappliga kom korona til okk­ara, og føroyingar vóru part­ ur av alheims farsóttini. - Best sum sólin skein sum bjartast, gjørdist luftin  grim og grá – og veðrið skifti, segði løgmaður í síni fyrstu ólav­søku­ røðu.  - Tað var ódnarróður. Men ára­lagið var framúr, semja var um kósina – og øll somul settu á, alt tey vóru ment – fólk, vinna og myndugleikar. Og samgonga og and­støða arbeiddu væl saman. - Gamlaárskvøld hevði eingin okkara droymt um, hvussu illveðrið fór at herja hetta várið, segði løgmaður í dag. Løgmaður segði, at hann fram­vegis ikki ivast í, at vit før­oyingar fara at klára hesa av­bjóðing, sum vit hava fingið av korona, tí vit standa saman og hava eitt sterkt vinnulív, sum megnar at koma gjøgnum kreppu­na. Løgmaður boðar frá politiskum broytingum Bygnaður og skipanir skulu broyt­ast, og tað privata skal bjóða tí almenna av -- At tora at stýra vil siga, at ein torir at hyggja at nýggjum leið­ um – og at nýggju loysnum. Í ólavsøkurøðu síni boðaði løg­maður frá, at nú skulu broytingar gerast í føroyska sam­felagnum. Skipanir, sum ikki virka nóg væl og sum ikki geva nóg góð úrslit, skulu skiftast út við aðrar skipanir. - Privata vinnan skal kunna bjóða tí almenna av, har tað er til fyrimunar fyri borgaran, og nakrar av almennu tænastunum verða útveittar, um tað er ein fyri­munur fyri føroyingin, segði løg­maður. Hann segði, at tað er ikki upp­gávan hjá tí almenna at reka privat partafeløg. Tí eiga summi partafeløg at einskiljast, og viðvíkjandi øðrum skal ein jøvn kapping tryggjast millum tað almenna og tað privata. - Skulu vit framhaldandi vera í fremstu røð, mugu vit politikarar skapa røttu karmarnar, góðar arbeiðsumstøður og menning. Tað skal bæði vera rúm fyri hugflogi og fjølbroytni, segði Bárður á Steig Nielsen, løg­ maður. Umskipa ella avtaka fleiri ráð og nevndir Ráð og nevndir verða eftirhugd – sumt verður umskipað og annað verður avtiki -- Løgmaður segði í røðu síni, at  fólk í dag vilja hava handling. Tos fremur ikki broytingar. Tí boðaði hann eisini frá, at landsstýrið fer at hyggja at ráðum og nevndum hjá tí al­ menna. Hann segði, at tað sum ikki virkar eftir ætlan verður annaðhvørt tikið av ella um­ skipað. Hann vísti eisini á, at tað ræður um nýhugsan og grønar loysn­ir. Millum annað tí verður eitt vakstrarforum – ein nýggj nevnd – sett á stovn, sum skal birta undir nýhugsan, íverk­ setan, grøanan vøkstur og væl­ ferð. - Talgildu Føroyar er eitt ítøki­ligt dømi um nýhugsan og íverk­setan, sum kann tryggja spenn­andi vitanararbeiðspláss - og skumpa undir enn størri bú­skaparvøkstur, segði hann.   Hevur sent ES-forkvinnu bræv um nýggja avtalu Løgmaður umrøddi okkara uttan­ríkis­politisku støðu og møgu­ligar broytingar í ríkis­ felags­skapinum -- Í ólavsøkurøðu síni boðaði løg­ maður frá, at hann hevur sent nevndarforkvinnuni í ES bræv, har hann sigur, at Føroyar ynskja eina nýggja avtalu. Í røðu síni gjørdi hann var við, at føroyingar hava samhandil við øll tey stóru londini í heimi­ num, sum USA, Russland og Kina, men at ongin skal ivast í, at Føroyar annars eru partur av vestur­heiminum. - Ríkisfelagsskapurin hev­ur seinastu árini staðið órørd­ur. Eingin menning. Eing­in fram­ burð­ur. Men kon­fronta­sjónir og ósemjur, segði løgmaður.   - Vit skulu sjálvandi røkja okkara egnu áhugamál. Tí er neyðugt at beina burtur allar uttanríkispolitiskar forðingar í viður­skiftunum við Danmark.   - Við sitandi landsstýri verður nýggj kós sett ímóti meira semjusøkjandi tíðum. Fyrsta ólavsøkurøðan hjá Bárði á Steig Nielsen løgmanni Korona fylti nakað, men løgmaður boðaði eisini frá, at privata vinnan skal sleppa at taka sær av almennum uppgávum, og at rudddast skal upp í ráðum og nevndum