hósdagur 6. august 2020síða 15

FRÍGGJAGUR 7. AUGUST 2020 SOSIALURIN 60 15 Eftir fleiri mán­að­ ir uttan koronu­ smittu er hon nú aft­ur av álvara í landinum ÁRNI GREGERSEN Nú ólav søkan fór aftur um bak utt­an, at vit hildu øll tilmælini frá myndugleikunum, óttaðust fak­fólk, at koronasmittan fór at taka seg uppaftur. Tað gjørdi hon so fyrr í vikuni, tá ið fyrst tveir tilburðir vóru stað­festir, sóðani 14 og so á leið 30 í gjár. – Haldi vit kunnu siga, at smitt­an er blussað uppaftur, sig­ ur Bjarni á Steig, yvirlækni, sum eis­ini er ráðgevii hjá heils­u­verk­i­ num. Hann vísir tó samstundis á, at vit ongantíð fyrr hava gjørt so nógv­ar kanningar og tað kann gera, at smittutølini eru so høg. Tilsamans vóru 1600 royndir gjørd­ar mikudagin. Tað er nógv tað hægsta talið av royndum, sum higartil eru gjørdar. Hægsta talið av smittaðum er annars frá 16. mars, tá ið 19 smittutilburðir vóru staðfestir. Fylg tilmælunum Løgmaðuur hevur havt fyrsta tíð­inda­fundin, síðani smitan aft­ ur fór at gera um seg. Fyrst og fremst mælti hann okkum til at halda tilmælini frá mynd­ug­leik­ u­num um reinføri og frástøðu. Hann mælti eisini skeink­i­ støð­u­num til at steingja og segði, at FSF hevur tikið avgerð um, at fót­bólts­dystir verða spældir utt­ an áskoðarar. Løgmaður mælti okkum eis­ ini til at hugsa okkum væl um, til dømis tá ið vit fara til handils. – Vit royna at sleppa undan at steingja landið aftur, men vit fylgja sjálvandi støðuni neyvt, sig­ur hann. Skeinkistøðini hava longu boð­að frá, at tey ikki fara at lata aft­ur, bert eftir einari áheitan frá løgmanni. Landsstýrismaðurin við vinnu­málum, Helgi Abrahamsen, hev­ur heimild at lata skeink­i­ støð­ini aftur um støðan krevur tað. – Men tað fari eg ikki at gera. Vit fylgja sjálvandi støðiuni, men eg beit ikki at siga nú, hvat skal til fyri at eg fari at brúka heim­ ild­ina at steingja skeinkistøðini, sig­ur Helgi Abrahamsen. Ikki imponeraður Serlæknin í umfarssjúkum, Sha­ hin Gaini er ikki imponeraður av, hvussu handfaringin av kor­ on­ausmittuni hevur verið í Før­ oyum. Hann sigur seg rokna við, at hann kennir orsøkina til, at so nógv eru smittað nú: – Kombinatiónin av at okkara politikkarar ikki ynsktu eitt turistfrítt ár 2020 (tvs. sóttarhald 14 dagar fyri øll ferðandi til Føroyar) og tað, at man hevur loyvt "Super Spreader Events" (náttarlív, konsertir, festivalar, ítrottaráskóðarar og m.a. ólav­ søkan) eru sannlíkar orsøkir til, at vit nu hava eina aðru bylgju COVID-19 í Føroyum. Hetta skrivaði hann á sínum face­bookvanga í gjár, tá 14 nýggir til­burðir vórðu staðfestir. Hann legg­ur afturat, at 14 tilburðir svara til einar 1400 tilburðir í Dan­mark. Pál Weihe, professari, sigur, at vit beint nú eru í eini bíðistøðu, tí vit ikki vita hvussu útbreidd smitt­an er í Føroyum. Tí eiga vit at vera sera ansin. – Tað merkir, at vit eiga at av­ lýsa veitslur, og vit eiga ikki at fara til stór ítróttartiltøk, har vit sita tætt. Tá vit fara til handils, eiga vit at vera varsom, og vit eiga at ganga við munnbindi, tá vit ferðast í bussum og skipum, sig­ur Pál Weihe. Hann vónar, at vit aftaná næstu viku síggja, um tað ber til at lok­al­isera smittuna, ella um hon er spjadd um alt samfelagið. – Vit eru í einari bíðistøðu og mugu uppgeva tað sosiala lívið. Hend­an fasan kemur at taka hesa vik­una og næstu. Tá vita vit, hvar vit flóta. Men vit vita ikki, hvar vit eru beint nú, og tí mugu vit vera sera varsom, sigur Pál Weihe. Hetta er galdandi í okkara priv­ata lívi og í okkara ar­beið­s­ lívi, leggur professarin afturat. STØRSTA SMITTUTALIÐ Í EINUM SAMDØGRI Bárður Nielsen, løgmaður, á tíðindafundinum, sum landsstýrið hevði boðið fjølmiðlunum til mikudagin