hósdagur 13. august 2020síða 9

FRÍGGJADAGUR 14. AUGUST 2020 SOSIALURIN 61 9 Datt og breyt armin At standa á skateboardi er ikki vandaleyst, og hetta má Baldur ásanna í dag. Í summ­ ar var hann ein túr á stóru rampini í Fælledparkini í Keyp­manna­havn, og tá hendi tað, sum ikki má henda. Hann datt á skate­boardinum og fekk stóran skaða í armin. Beinini í arminum stungu út, og hann endaði á Ríkis­sjúkrahúsinum. Hann var fastandi í fleiri tímar, áðrenn hann slapp framat at blíva opereraður. Hann fekk tvær stengur inn í armin og fekk greið boð frá læknanum um, at hann ikki mátti gera nakran ítrótt í tríggjar mánaðir, tí hann má ikki detta og órógva steng­urnar í arminum. 3. oktober sleppur hann at skatea aftur. – Tað er rotið ikki at sleppa at skatea so leingi. Men eg gleði meg til í oktober, so kann eg skatea aftur, sigur Baldur Holm. Tað var annars ætlanin, at hann g jøgnum Zoo skuldi luttaka í einari kapping í Íslandi nú í august. Men hetta mátti ú t ­s e t a s t til desem­ b e r m á n a ð , av tí at hann breyt armin. Framleiðir hip-hop tónleik Men Baldur hevur ikki verið in­aktivur í tíðini, meðan hann hevur verið skaddur. Hann hev­ur nevniliga framleitt tónleik, og hetta er nakað, hann hevur fingist við leingi eftir hondini. – Eg plagi at gera hip-hop á telduni, og onkuntíð havi eg fingið ein vinmann at rappa. Mær dámar væl at gera beats, sigur Baldur Holm, sum hevur eitt lítið heimastudio við midi- keyboardi og launchpad. Vil liva av tí Baldur plagar at siga "the world is my playground", tí mann kann skatea allastaðni. Hann ivast ikki í, hvat tað besta er við at standa á skateboardi: – At føla seg frían. Man be­høvist ikki at hugsa um nakað, meðan mann stendur á skateboardinum, sigur hann. Stóri dreymurin er at blíva pro­fessionellur skateboardari. – Eg ætli mær runt um alla verðina at skateboarda. Eg droymi um at kunna liva av at skate­boarda, sigur Baldur. Skateboarding vinnur fram Eitt, sum Baldur Holm gongur høgt uppí, er, at fáa fleiri børn áhugað í hesari ítróttargrein. Tí tað hevur ikki verið so vanligt í Føroyum seinastu árini, men nú er tað við at broytast. Síðan street-handilin Útilív - sum í dag er stongdur aftur - lat upp fyri nøkrum fáum árum síðani, er nógv meira fokus komið á skate­ boarding í Føroyum. – Í 2004-08 var skateboarding nokkso stórt í Føroyum, men so steðgaði tað. Men nú sær mann, at fleiri eru byrjað at skatea, so tað er gott, sigur Baldur Holm, sum vónar, at enn fleiri børn og ung fáa eyguni upp fyri hesum. 11 ára gamli Baldur hevur í hes­um sambandi eina áheitan til løg­mann og føroyskir politik­ar­ ar­nar annars. – Eg og nakrir aðrir skatearar halda, at tað er keðiligt, at løg­ maður heldur, at tað er nokk við bara fótbólti og hondbólti. Vit siga, at vit vilja hava meira. Klintring, skateboard og par­ ko­ur. Í Føroyum er til dømis eing­in parkourhøll. Vit vóna, at politikararnir vilja byggja fleiri hallir, so vit kunnu skatea meira í Føroyum, sigur Baldur Holm. PATURE@SOSIALURIN.FO Frida Jónsdóttir Andreasen og Baldur Holm við sínum nýggja bretti, sum hann hevur fingið frá Zoo MYND: ZOO - SKATE, CLIMB & BMX