hósdagur 13. august 2020síða 10

FRÍGGJADAGUR 14. AUGUST 2020 SOSIALURIN 61 10 HEILSA Soleiðis fáa vit Føroyar koronufríar upp á 14 dagar Frysta vit samfelagið og leggja allar sosialar aktivitetir á hillina í 14 dagar, so er væl hugsandi, at vit verða koronafrí um 14 dagar sambært Pál Weihe, professara í fólkaheilsu HERGEIR STAKSBERG V it eru nú í tí keðiligu støðu, at vit hava eina spjað­ing av korona­ virus í samfelagnum. Og ongin veit, hvussu útbreidd sjúk­an er. Vónin er, at talið fer at fella. Vit vóna eisini, at tey fólk­ini landslæknin hevur biðið fara í sóttarhald, eru tey sum eru smittað, men tað kunnu vit ikki vita sambært Pál Weihe. – Tað kunnu framvegis vera fólk, sum ganga glað og fró úti á gøt­uni og smitta onnur, uttan at vita tað. Og tað er tað, sum er so ólukku­ligt við koronu í mun til aðrar sjúkur, at tú kann vera frískur og uttan symptomir, men fram­vegis smitta onnur. Tá tú hevur influensa, so veitst tú, at tú ert sjúkur, men tað keðiliga við kor­onu er, at tú kann verða frískur og smitta onnur, uttan at kenna teg sjúkan, sigur Pál Weihe. Nú tá vit ikki vita, um tað eru nakr­ir smittuspjaðarar, sum ganga runt í okkara samfelag uttan at tey sjálvi vita tað, so hevur Pál Weihe sett sær sjálvum spurningin: Hvat kunnu vit gera nú? – Jú, vit kunnu “frysta” sam­ fel­agið komandi 14 dagarnar, og ikki fleiri mánaðir fram. Hvussu fáa vit steðga virusinum at hoppa frá fólki til fólk? Jú, vit kunnu siga, at aftan á arbeiðstíð, so fara vit heim til okkara húski, og vera bara har. Og tað merkir ikki, at tú bara skal vera innandura, tú mást gjarna fara út og ganga ein túr, men halt teg til tína familju, tín hjúnarfelaga, tíni børn og tak eina pausu frá øllum sosialum aktivitetum úti í samfelagnum, sigur Pál. At vit skulu skrúva niður fyri okkara sosialu aktivitetum merkir ikki, at nú skulu vit øll gevast við at arbeiða. – Far endiliga til arbeiðis, men syrg fyri at arbeiða í frá­ støðu. Tað ber væl til at flyta skrivstovumøblar runt, so vit fáa ta neyðugu frástøðuna. Í summ­ um førum kanst tú arbeiða heim­ anífrá, og arbeiðir tú sum hand­ verk­ari, so ber eisini til at halda frá­støðu. Tú skalt hugsa: “Nei, eg fari ikki í kantinuna at hugna mær. Eg taki heldur matpakka við og eti einsamallur”. Við øðrum orðum: Teir komandi fjúrtan dag­ar­nar er onki annað á skránni enn títt privatlív og títt arbeiði. Tú fert ikki til fitness, tú fert ikki á barr, tú fert ikki út at eta, tú fert ikki til føðingardagar ella jarðarferðir. Hetta skal síggjast sum eitt koll­ekt­ivt sóttarhald, har vit leypa alt sosialt felagslív yvir í 14 dagar. Klára vit tað, so trúgvi eg, at vit kunnu fáa Føroyar koronafríar aft­ur um 14 dagar. Ein fortreyt er tó, at vit framhaldandi testa við landa­markið og eggja fólki til at lata seg kanna sætta dag, sigur Pál at enda.