hósdagur 27. august 2020síða 26

FRÍGGJADAGUR 28. AUGUST 2020 SOSIALURIN 63 26 TRÓNDUR ARGE – TÓRSVØLLUR F ýra spælarar eru úttiknir hesa­ferð, ið ikki hava verið á A-landsliðnum áður. Talan er um Daniel Johan­sen, Heðin Hansen, Dan í Soylu og síðani Heri H. Mohr, ið allir koma úr HB. Harafturat hevur Håkan Ericson úttikið Tórð Thomsen, Sonna Ragnar Natte­stad, Gunnar Vatnhamar og Andreas Lava Olsen, ið allir hava verið burtur frá lands­ liðnum í styttri og longri tíðar­ skeið. Millum teirra, sum ikki eru á landsliðnum hesa ferð eru Jóan Símun Edmundsson, Gilli Rólants­son, Ári Mohr Jónsson, Patrik Johannesen, Árni Frederiks­berg og til seinast Atli Greger­sen, ið er givin. Rembingar í føroysku landsliðsleguni Tað eru rembingar í føroysku lands­liðsleguni. Eftir átta ár við Lars Olsen og einum lítlum toymið, er tað nú fyrrverandi U21-landsliðsvenjarin hjá Svøríki, Håkan Ericson, sum sam­an við sínum 19 mans toym­ ið, ið stendur á odda fyri lands­ lið­num. Hetta telur eisini um­ sting­arfólk, læknar og onnur hjálpar­fólk, men toymið kring eina landsliðsúttøku hevur ongan­tíð verið størri. Umframt Håkan Ericson eru Eli Hentze, hjálparvenjari, Magni Mohr, kropsligur venjari, Andras Gango, málmansvenjari, Jógvan Martin Olsen, Sigfríður Skaale Clementsen, Áki Johansen og Pætur Smith Clementsen, sum allir hava sínar uppgávur í samband við ein landsdyst. Har­til er eisini sálarligur venjari settur, sum skal arbeiða við spælarunum. Talan er um svenska Igor Ardoris. Vit hava arbeitt við einum brutto­hópi, sum telur 47 spælar­ ar. Magni Mohr hevur ringt runt til spælarar, og fingið greiðu á skaðastøðuni hjá hesum spælarunum. Út frá tí hava vit valt 23 spælarar, sigur Håkan Ericson Lava er løgna valið Seinasti spælarin at blíva kunn­ gjørdur á tíðindafundinum er Andreas Lava Olsen. Maðurin, sum ikki er til at rokna út á vølli­ num. - Eg vænti at tað verða nakrar meiningar um seinasta spælaran hjá okkum. Soleiðis byrjar Håkan Ericson úttøkuna av Andreasi Lava Olsen. Hann er helst mest óvæntaða navnið í hópinum, tí hann hvørki spælir ella venur regluliga. - Andreas Lava Olsen er ein spælari, sum hvørki spælir fast ella spælir í 90 minuttir, tá hann spælir. Eg hugsi her um ein heilt serligan leiklut til ein spælara, sum kann hótta mótstøðuliðið og renna í djúpt­ ina við ferð. Hann er ikki ein stíl­reinur spælari, men hann er ein spælari, sum kann gera ting, ið ikki nógvir aðrir kunnu. Mín vón er at gera Andreas Lava Olsen til ein fastan mann í lands­liðshópinum, um hetta riggar. Vit gera eina roynd saman við honum, tí eg vænti at vit fáa nyttu burturúr einum spælara sum honum, sigur lands­liðsvenjarin um úttøkuna av 32 ára gamla leirvíkinginum, og leggur afturat: - Hann er eisini úttikin við einum framtíðarsjónarhorni, tí til HM-undankappingina koma vit at verja nógv. Tá havi eg sæð, at tað onkuntíð hevur verið torført at koma úr “skotgrøvini”. Tí leiti eg eftir einum spælara, sum kann halda fast í bóltinum og keypa liðnum tíð. Til tað haldi eg at Andreas Lava Olsen er tann besti til tað. Hartil er hann skjótur fyrstu tíggju til fimtan metarnar. Tað er eitt sindur óvan­ligt fyri ein so stóran spælara, umframt at hann hevur prógv­að, at hann er stinnur fram­manfyri málinum. Eg veit at hann er farin um tey 30, men hetta er ein roynd at síggja um vit kunnu flyta spælarar, við at til­passa spæl og leiklut til ein ávísan spælara, samstundis sum vit arbeiða við at menna partar av spælinum hjá honum, so hann passar inn í okkara spæl, sigur landsliðsvenjarin. Einasti beinleiðis áleyparin, sum er við í hópinum, er Klæ­ mint A. Olsen. -Hann er ein reindyrkaður áleypari, sum eg haldi skoraði hat­trik í mjørkanum. Eg sá tað ikki, men fekk at vita at hann skoraði, sigur Håkan Ericson við einum brosi um mjørkadystin hjá NSÍ móti Barry Town Uni­ ted. Fleiri nýggj andlit Tað eru eisini nógv nýggj nøvn, og nøvn, sum ikki hava verið at sæð á A-landsliðnum, sum koma upp á skermin aftanfyri tann altíð so væl klædda Håkan Ericson. Hann byrjar við einum smíli og fegnast um, at hann endiliga sleppur at velja sín fyrsta landsliðshóp. Føroyska landsliðið skuldi spæla móti Dan­mark og Andorra í mars mán­aði, men dysturin móti Dan­mark bleiv útsettur, og dysturin móti Andorra avlýstur. Eisini skuldi Føroyar spæla móti Íslandi og møguliga Gibraltar í juni, men dysturin móti Íslandi bleiv avlýstur, meðan seinni venj­ingardysturin ongantíð bleiv endaliga avtalaður. Longu millum málverjarnar er eitt kent navn, sum vit ikki hava sæð í eina tíð. Tórður Thom­sen hevur havt eitt fram­ úr kappingarár í NSÍ, og hevur yvir­hálað ársins málverja frá í fjør, Kristian Joensen. Lands­ liðs­venjarin sigur eisini, at nú verður byrjað á nýggjum. - Tá tú ert nýggjur, so byrja vit við null. Eg veit væl at Gunn­ ar Nielsen hevur spælt næstan allar dystirnar, men eg havi eisini sæð avrikini hjá eitt nú Teiti og HB í ár. Eg haldi at allir trígg­ir skulu fáa ein møguleika. Gunnar fær ikki bara plássið, um hann ikki eisini vísur tað til venj­ing her, sigur Håkan Eric­ son. Nýggir menn í verjuni Tað er ongin Atli Gregersen at stýra í verjuni. Tað er stór­ ir skógvar at fylla sigur nýggi landsliðsvenjarin, sum hev­ur fleiri nýggj nøvn í verju­parti­ num. -Tað eru stórir skógvar at út­ fylla eftir Atla Gregersen. Eg havi verið og heilsa upp á hann og hann útstrálar eisini leiðara­ eginleikar Eg havi mínar tankar um hvør kann taka yvir og stýra, og havi tosað við onkrar, men tá ein leiðari gevst mugu aðrir taka við, sigur Håkan Ericson Millum nýggju nøvnini eru Heðin Hansen og Daniel Johan­ sen úr HB, og so er Sonni Ragnar Natte­stad aftur á landsliðnum eftir ein longri steðg. - Heðin Hansen kann bæði spæla í miðverjuni og á verju­ kenda miðvøllinum. Hann hevur spælt væl fyri HB í ár, og A-landsliðið: Håkan Ericson tók øll á bóli, tá hann kunngjørdi sín fyrsta landsliðshóp. Fýra nýggir spælarar hava fingið landsliðsboð – allir úr HB - og Andreas Lava Olsen er aftur á landsliðnum. Håkan Ericson sigur, at hetta er ein hópurin, sum er úttikin serstakt til at spæla móti Malta og Andorra HÅKAN ERICSON HÅKAN ERICSON TÓK ØLL Á TÓK ØLL Á BÓLI BÓLI – LAVA Á – LAVA Á LANDSLIÐIÐ LANDSLIÐIÐ Tá tú ert nýggjur, so byrja vit við null. Eg haldi at allir tríggir skulu fáa ein møguleika. Gunnar fær ikki bara plássið, um hann ikki eisini vísur tað til venjing her