hósdagur 3. september 2020síða 16

FRÍGGJADAGUR 4. SEPTEMBER 2020 SOSIALURIN 64 16 ANNIKA KUNOY IM Burturkaststigin – IRF hevur sett sær seriøsar grønar visiónir, og vit arbeiða framhaldandi við at flyta okkum upp eftir burturkaststiganum. Vit vilja menna okkum á grønu kósini. Hjá okkum er tað altavgerandi, at ting í størri mun gerast tilfeingi ístaðin fyri at vera burturkast. Vit vilja í størsta mun endurvinna okkum úr burturkastinum ístaðin fyri at brenna okkum burturúr tí, sigur Súsanna Berg, umhvørvisleiðari hjá IRF. Tað mesta av tí, sum verður endurvunnið verður sent av landinum, har tað verður til nýggja vøru. – Vit royna at flyta so nógvar vørubólkar sum gjørligt frá niðastu stigunum, sum er tyrving og brenning, upp til endurvinning, sigur Súsanna Berg, umhvørvisleiðari hjá IRF. – Tað, sum í dag verður endur­vunn­ið, verður sent av landinum. Tað krevur til­ rættisleggjan, tí tað skal savnast inn, pakkast í bingjur, og tað, sum er komið skeivt, skal skiljast frá. Vit arbeiða fram ímóti at flyta sum mest upp eftir burturkaststiganum, so vit brenna og tyrva sum minst, sigur Súsanna Berg. – Tað kostar eisini at brenna og at tyrva. Øll stigini kosta á ein ella annan hátt. Eisini kann IRF selja endurvinningartilfar, so sum jarn og metallir. Tað er tí einki, sum talar ímóti, at man flytir seg upp eftir burturkaststiganum, sigur hon. – Fyri flestar vørur dálkar tað minni at flyta vøruna til útlandið og selja hana, enn tað kostar at framleiða eina nýggja vøru. Pappír kann til dømis endurnýtast tíggju ferðir, og kostnaðurin av flytingini verður tí skjótt spardur inn aftur í útláti, sigur Súsanna Berg. Hon greiðir frá, at hvørjaferð pappír verður endurvunnið, minkar góðskan eisini. Eitt dømi er ein eggjapakki, har tað sæst, at pappið hevur verið endurnýtt fleiri ferðir. Pappír sum ikki kann endurvinnast meir verður síðani brent, og hitin verður nýttur til fjarhita. Jarn og metal kann endurnýtast fleiri ferð. Tí leggur IRF seg eftir at allir endurvinningarbólkar so sum pappír, plast og jarn samanlagt ikki eru ein útreiðsla fyri IRF og borgarin. Prísurin fyri ymisku bólkarnar broytist nógv og ofta. ANNIKA@SOSIALURIN.FO IRF: VISJÓNIN ER GRØN – IRF hevur sett sær seriøsar grønar visiónir, og vit arbeiða framhaldandi við at flyta okkum upp eftir burturkaststiganum. Vit vilja menna okkum á grønu kósini. Hjá okkum er tað altavgerandi, at ting í størri mun gerast tilfeingi ístaðin fyri at vera burturkast. Vit vilja í størsta mun endurvinna okkum úr burturkastinum ístaðin fyri at brenna okkum burturúr tí, sigur Súsanna Berg, umhvørvisleiðari hjá IRF FAKTA • Reint pappír • Reint papp • Fartelefonir • Leidningar • Elektronikkur • Spariperur og ljósrør • Bilvrak • Jarn og metal • Bleytt vøruplast • Sodavatnsfløskur og blikk • Stórsekkir • Aliringar og fóðurslangur • Akkumulatorar og battaríir • Nótir, trol og gørn • Spillolja TIP: Súsanna Berg greiðir frá, at tað eru mong, ið koyra blikk og fløskuproppar í tann gráa posan, ið er til húsarhaldsrusk, tí tey ikki hugsa um, at jarn og metal kann endurvinnast. TEMA: Umhvørvi Umhvørvi