hósdagur 3. september 2020síða 21

FRÍGGJADAGUR 4. SEPTEMBER 2020 SOSIALURIN 64 21 ber til at fáa plantur at veksa, sum ikki uttan víðari fáast at veksa í Føroyum, og eisini ber til við einum vakstrarhúsi at leingja um vakstrarsesongina, tí umstøðurnar at gróðurseta og at gera annað fyrireikingararbeiði gerast so nógv betri, leggur hann aftrat. Formelt varð tað á aðal­fundi í Eigarafelagnum í Tórs­byrgi í 2018, at ætlanin við urta­garðs­ virk­semi, vakstrarhúsi og grønmetisframleiðslu í Tórs­ byrgi varð einmælt samtykt. Tað merkir, at íbúgvarnir, sum eru umleið 70-80 fólk, eru við í hesi verkætlan. - Eg haldi, at tað, sum vit hava gjørt higartil við eitt nú plantukassum og nú eisini vakstrarhúsinum, bert er byrjanin. Her eru nógvir møguleikar kring um í um­ hvørvinum. Eitt er, hvat kann fáast burtur úr teimum møgu­ leikum, vit longu hava og sum nú koma við nýggja vakstr­ ar­húsinum. Annað er, hvat kann gerast úti og kanska í umhvørvinum, har vakstrar­ húsið nú verður bygt, sigur Jón Kragesten. Sosialur týdningur Jón Kragesten vísir á, at í fyrireikingunum til verk­ætlan­ ina komu Boða­nes­heimið og Lágar­garður eisini uppí. Tað er nevni­liga soleiðis, at matrikulin, sum vakstrarhúsið verður bygt á, er trídeilt millum heimini bæði og Tórsbyrgi. - Hetta hevur eisini latið upp fyri nýggjum møguleikum, eitt nú við, at verkætlanin fær eitt størri øki at virka á. Umframt at fleiri avtakarar kunnu vera til grøn­metisframleiðsluna, hava vit eisini hugsað, at fólkini á ellis­heimunum á einhvønn hátt kunnu gerast partur av hesum – sosialt og á annan hátt. Verkætlanarleiðarin sigur, at tað var saman við leiðarunum á ellisheimunum báðum, at komið varð ásamt um, hvar vakstr­ar­ húsið skuldi standa. - Tað gjørdi góðan mun, at verk­ætlanin í byrjanini fekk til­lutaðar 75.000 krónur í um­ hvørvis­stuðli frá Tórshavnar kommu­nu. Seinni hava vit so fingið 170.000 krónur aftrat frá kom­mununi, umframt 210.000 krón­ur frá Búnaðargrunninum. Jón Kragesten vísir á, at tá so stórur partur av verkætlanini er sjálvboðið arbeiði, hava tey higar­til bara brúkt einar 150.000 krón­ur. Goldið er enn ikki fyri el- veitingina, og nú kemur so eisini takið, sum fer at kosta einar 120.000 krónur. Bæði inni og úti Verkætlanin í Tórsbyrgi fevnir um tvey sløg av virksemi - plantu­vøkstur innandura í vakstrarhúsi og so plantur, sum veksa uttandura í føroyska veður­lagnum. - Ein týðandi partur av verkætlanini er at eyg­ leiða, skráseta og lýsa fram­ ferðarhættir og arbeiðsgongdir, sum eitt nú val av plantum, forspíring, røkt, heysting, nýtslu og annað. Jón Kragesten sigur, at málsetningurin er, at vitan­ in, sum verður savnað í virk­ seminum, skal verða alment at­komilig, og ætlanin er at leggja viðkomandi kunning út á heimasíðuna hjá Tórsbyrgi. - Í tann mun, tað ber til, er ætlanin at skipa so fyri, at verkætlanin í Tórsbyrgi kann gerast fyridømi og upp­lýs­ ingarkelda hjá einstaklingum, granna­løgum, skúlum og dag­ stovnum, sigur Jón Kragesten, sum leggur aftrat, at ætlanin eisini er, at verkætlanin í ávísan mun verður eitt slag av gransk­ ing. Um leiðina fram til, har verkætlanin nú er komin, vísir hann á, at hóast Tórshavnar kommuna skjótt játtaði um­ hvørvisstuðulin, skuldi tað kort­ini vísa seg, at nógv formlig viður­skifti skuldu fáast upp á pláss, áðrenn farast kundi í gongd. - Vakstrarhúsið skuldi fyrst staðsetast, men eitt heilt ár skuldi ganga við nógvum sam­ skifti og fundum, áðrenn enda­ ligu loyvini vóru komin á pláss, nevniliga mánadagin hin 1. juli í 2019. Tá varð eisini beinanvegin farið í gongd við grevstur og planering. Alt tilfarið, sum kom Hundsarabotni við stórum lastbili, varð við hjól­børu koyrt oman í nýggja grøn­metis­dalin í Tórsbyrgi, leggur verk­ætlan­ar­ leiðari aftrat.