hósdagur 3. september 2020síða 22

FRÍGGJADAGUR 4. SEPTEMBER 2020 SOSIALURIN 64 22 TEMA: Umhvørvi Umhvørvi VILMUND JACOBSEN F innbogi Joensen er eitt kent navn í Vestmanna, men hann er eisini kend­ ur kring um Føroyaland fyri sín ómetaliga stóra áhuga fyri náttúru, umhvørvi og vøks­ tri. Í 22 ár var hann í starvi hjá Vest­manna kommunu sum um­ sjónarmaður. Síðan var starvið hjá honum í eini 12 ár at vera “grøni” maðurin í kommununi, sum tað hevur verið rópt, og síðan hann gavst í føstum starvi vegna aldur, nú hann næstu ferð fyllir 73 ár, passar hann viðarlundina oman fyri skúlan og ítróttarhøllina í Vestmanna. Hesa viðarlund gróðursetti Finnbogi Joensen saman við børn­unum í Vestmanna fyri júst 30 árum síðan. Áðrenn hin 9. mai í 1990, tá arbeiði at gróðurseta trø byrjaði, var einki, sum kundi kallast viðarlund í Vestmanna, og heilt frá byrjan hevur hann dugað at fingið børnini við í hetta arbeiði, soleiðis at flestu í kommununi í dag kenna seg at eiga lut í hugnaligu viðarlundini, sum er eitt prýði fyri bygdina. Byrjaði á berum Tað er neyvan at taka munnin ov fullan at siga, at uttan Finnboga Joensen, sum primusmotori og samskipara av hesum velduga arbeiði, hevði eingin viðarlund verið í Vestmanna í dag. - Tað er stuttligt at hava gjørt hetta saman við børnunum og soleiðis okkara eftirkomarum, har trø í viðarlundini í nógv ár vórðu skrásett sum ognarbræv hjá næmingunum. Í dag eru størstu trøini í viðarlundini einar 10-12 metrar høg. Vit byrjaðu við 3000 fermetrum, og nú er viðarlundin einar 20.000 fermetrar. Seinasta lendið, sum er keypt aftrat til viðarlundina, er einar 1600 til 1800 fermetrar og soleiðis, sum árini eru gingin, er viðarlundin vaksin niðan eftir og niðan við Gjógvará. Sjálvur var Finnbogi Joensen, sum er útbúgvin timburmaður, eisini við til at byggja skúla og ítróttarhøll í Vestmanna, og tað var á lendinum, sum tá var eftir, at arbeiðið at gróðurseta trø byrjaði. - Skúlin og ítróttarhøllin, sum vórðu bygd samstundis, vórðu tikin í brúk í februar GRØNI MAÐURIN SUM HEVUR TÆNT UMHVØRVINUM Í 30 ÁR - Skapanarverkið er so fantastiskt, og tað er okkara uppgáva at fara væl um og ikki niðurbróta verkið. Tað er okkara ábyrgd at verja jørðina, og vit kunnu øll gera mun við okkara íkasti. Hugburðurin millum fólk - og serliga millum børn og ung - er broyttur. Yngra ættarliðið er bevíst um, at vit mugu verja náttúruna, og eg ivist onga løtu í, at tað verða børn og ung, sum eru í dag, ið fara at broyta heimin til tað betra, sigur Finnbogi Joensen í Vestmanna