mikudagur 22. desember 2004síða 10

10 Nr. 247 - 24. desember 2004 Jólini eru í hondum. Fyri hvørt ár, sum gongur, tykist tað, sum alt meira verður gjørt burturúr hesi høgtíð. Jólini eru høgtíðin, har familja og serstakliga børnini eru í miðdeplinum. Tað kann bert vera gott, men ikki skerst burt, at ein ávísur vandi er í øllum jólavasanum. Foreldur eru strongd, familjubúskapurin er strongdur og jólaboðskapurin hevur lyndi til at hvørva í meldrinum. Tað kann tí vera gott at steðga eitt sindur á at lata frið falla yvir sinnið og at hugsa eitt sindur um, hvat alt hetta snýr seg um. Jólini snúgva seg um ein friðarboðskap og ein gleðiboðskap. Hugsa vit um støðuna í heiminum sum heild, so liggur tað tungt við friðinum. Hesir seinastu dagarnir hava verið teir blóðugastu í Irak, síðan innrásina. Ófriður, regional kríggj, yvirgangur, hungur og hall eru gerandiskostur í heiminum, nú vit halda jól. Hetta er ein døpur mynd og hon verður ikki ljósari av at hugsa um, at tað yvirhøvur eru børn, ið líða mest undir hesum viðurskiftum. Men glottar eru eisini at hóma í myrkrinum. Í hesum døgum eru fimtan ár síðan, at friður fekst í Mocambique. Hesin friður hevur hildið og bú- skapurin blómar, hóast fólkaræði enn tíverri bert er eitt eiti. Vit kundu nevnt aðrar glottar við, men lat fara. Nóg mikið er at nevna, at tað tykist sum ST styrknar í hvørjum og alt meira tekur ábyrgd, har tað er neyðugt. Í hesum høpi skal verða mint á, at Føroyar nú fáa størri uttanríkspolitiskar heimildir. Vit eiga tí at átaka okkum størri ábyrgd, har tørvur er á neyðhjálp og stuðli til ST í kreppuraktum økjum. Føroyar eru eitt av heimsins ríkastu londum og eiga vit at deila okkara ríkidømi við tey, sum minni hava. Vit kunnu ikki sita við góðari samvitsku mitt í okkara yvirflóð og líta at, meðan eit nú børn í túsundatali árliga doyggja í hungri. Latum okkum nýta jólahalguna til at hugsa um, hvussu eitt land sum Føroyar best kan hjálpa einum heimi í svárari neyð. Við hesum í huga kunnu vit fyrireika okkum til at taka ímóti gleðiboðskapinum um heimsins frelsara, sum varð borðin í heim í einum fjósi í Betlehem fyri meira enn tveytúsiund árum síðani. Í Betlehem er lítil friður hesi jól og vit kunnu tí eisini í bønum okkara leggja eitt gott orð inn fyri hendan stað og alt Miðeystur, har ófriðurin og neyðin eru størri enn nakrantíð áður í søguni. Vit eiga samstundis ikki at gloyma at takka fyri, at vit kunnu liva í friði í her Føroyum. Hetta er ein stór og rík gáva, sum vit til dagligt kanska ikki geva okkum nógv far um. Við hesum orðum ynskja vit lesarum og viðskiftafólkum okkara eini gleðilig jól. DAGSINS MEINING Sosialurin Friður á jørð VIÐMERKINGAR Sosialurin Stovnaður: 1927 Ábyrgdarblaðstjóri: Jan Müller jan@sosialurin.fo Blaðstjóri: Eirikur Lindenskov eirikur@sosialurin.fo Fíggjarleiðari: Tóki Højgaard toki@sosialurin.fo Marknaðardeild: lysing@sosialurin.fo Jonhard Hammer jonhard@sosialurin.fo Teresa Jensen teresa@sosialurin.fo Hjørdis Gregersen hjordis@sosialurin.fo Blaðfólk: Áki Bertholdsen aki@sosialurin.fo Eyðun Klakstein eydun@sosialurin.fo Edvard Joensen edvard@sosialurin.fo Vilmund Jacobsen vilmund@sosialurin.fo Solby Eliasen solby@sosialurin.fo Magnus Gunnarsson maggi@sosialurin.fo Páll Holm Johannesen pall@sosialurin.fo Terji Nielsen terji@sosialurin.fo Anna V. Ellingsgaard anna@sosialurin.fo Eydna Skaale eydna@sosialurin.fo Ítróttur: Jákup Mørk jakup@sosialurin.fo Terji Nielsen terji@sosialurin.fo Myndamenn: Álvur Haraldsen alvur@sosialurin.fo Jens Kristian Vang jensk@sosialurin.fo Sosialurin í Norðoyggjum: Postsmoga 231 Nólsoyar Pálsgøta 1, 700 Klaksvík tel. 458686 fax 458687 e-post: klaksvik@sosialurin.fo Sosialurin í Suðuroy: tel. 375364 fax 375464 tel. 220727 e-post: aki@sosialurin.fo e-post: dagfinn@sosialurin.fo Sosialurin í Eysturoy: Postsmoga 143, Saltangará tel. 447820 fax 449520 tel. 228909 e-post: vilmund@sosialurin.fo Sosialurin í Vágum: 360 Sandavágur tel. 333820, 220507 fax 333720 e-post: edvard@sosialurin.fo e-post: vagar@sosialurin.fo Uppseting/prent: Uppseting: Føroyaprent Prent: Prentmiðstøðin Útgevari: Sp/f Sosialurin Avgreiðsla: Mán.-frí. 8-16 Argjavegur 26, Tel. 341800, Fax 341801 Postadressa: Postboks 76, 110 Tórshavn E-mail: post@sosialurin.fo lysing@sosialurin.fo lysingartorg@sosialurin.fo varp@sosialurin.fo Blaðið verður prentað mánadag-fríggjadag klokkan 1400 Lýsingar Freistir: Tekstlýsingar Størri lýsingar Lýsingartorgið Heilsanir Týsdagsblaðið Mán.kl. 10 Frí. kl. 15 Frí. kl. 12 Frí. kl. 12 Mikudagsblaðið Týs. kl. 10 Mán. kl. 15 Mán. kl. 12 Mán. kl. 12 Hósdagsblaðið Mik. kl. 10 Týs. kl. 15 Týs. kl. 12 Týs. kl. 12 Fríggjadagsblaðið Hós. kl. 10 Mik. kl. 15 Mik. kl. 12 Mik. kl. 12 Leygardagsblaðið Frí. kl. 10 Hós. kl. 15 Hós. kl. 12 Hós. kl. 12 Størri lýsingar, sum nógv arbeiði stendst av, mugu vera inni í góðari tíð og áðrenn ásettu freistir. Framíhjápláss má umbiðjast í góðari tíð. Stødd: Ein heil síða í Sosialinum er 254 mm breið og 346 mm í hædd. Breiddin á einum teigi er 39mm og rúmið millum teigarnar er 4mm. Innsent tilfar Fult navn skal vera undir innsendum tilfari. Innsendar greinar, har blaðleiðsl- an ikki er kunnað um bústað og telefonnummar, verða ikki settar í blaðið. Innsent tilfar Av tí at vit fáa rættuliga nógv innsent tilfar sendandi – meira enn vit fáa í blaðið – hevur blaðleiðslan verið noydd at gjørt nakrar avmarkingar. Enn sum áður skal fult navn skal vera undir øllum innsendum greinum – annars verða tær ikki prentaðar. Harnæst tilskila vit okkum rætt til at ikki at taka við tilfar, sum eisini er sent øðrum bløðum ella hevur verið prentað aðrastaðni. Drúgvar greinar – greinar sum eru longri enn áleið 5.500 tekn, verða raðfestar lægri, og koma bert í blaðið, um pláss er fyri teimum. Tað er ein fyrimunur um vit fáa tilfarið umvegis teldupost ella á diskli. Ragnar Magnussen Nevndarlimur í Suður- streymoyar Tjóðveldisfelag Í Sosialinum 21. desem- ber og í Dimmu 21. des- ember hevði Finnur Helmsdal eina við-merk- ing, sum hann nevnir Høgni Hoydal og moral- urin. Viðmerkingarnar tóku partvís støði í eyka- flokstingi Tjóðveldisfloks- ins leygardagin 18. des- ember. Í viðmerkingingini verður undirritaði eisini nevndur. Tí hesar viðmer- kingar. Eitt av málinum, sum var til viðgerðar á Eykaflokstingi Tjóðveldisfloksins, var at seta eina útihýsingargrein í lógir floksins, sum gevur møguleika fyri at útlima ein lim, sum áhaldandi mótarbeiðir flokkinum og hansara virksemi. Ein av teimum fyrstu at taka orðið, tá ið hetta málið kom fyri, var Finnur Helmsdal. Og tað var ikki við mýkindum. Hann nevndi fleiri fólk við navni og skuldsetti tey m.a. at vera viljaleys amboð í hondum formansins. Røða Fins var so óndsinnað og ljót, at tærnar krimpaðu seg í skónum. Áhoyrararnir vóru í fyrstu atløgu lam- slignir, men komu líðandi fyri seg og fóru at rópa buhh. Sjálvur hevði ikki ætlað at tikið orðið í hesum máli. Men aftaná røðuna hjá Finni mátti eg biðja um orðið. Tá ið eg so fekk orð- ið, spurdi eg heilt einfalt Finn, hvaðani hann bygdi sín politikk á. Eg helt fram og segði, at Finnur Helms- dal møtir ikki upp á lima- fundum, hann møtir ikki upp á aðalfundum, hann møtir ikki upp á floks- ella eykaflokstingum. Eg kann eisini leggja afturat her, at hann heldur ikki møtir upp á uppstillingarfundum. Eg haldi spurningurin er sera viðkomandi. Finnur váttar í sínum viðmerkingum, at so er. Finnur hevur eisini fyrr sagt, at stevnumið floksins kann hann heldur ikki taka undir við, tí tað er bara nak- að formaðurin hevur skriv- að. Skuldi tað hent, at Finn- ur møtir t.d. á eitt floksting, ja so er tað sum terna skýtst á egg. Altíð er tað ein hond- bólts- ella fótbóltsdystur, sum hevur størri áhuga. So var eisini leygardagin 18. desember. Hann var so leingi, sum rokið, rumblið og splitið vardi, men tá ið poltikkurin kom fyri, var hann horvin. Finnur Helmsdal kann gott siga, at eg og onnur eru viljaleys amboð í hondun- um á formanninum. Hann livir í síni egnu verð, uttan- fyri alt felags politiskt lív í Suðurstreymoy. Hann veit tí ikki, hvat fer fram, har sum limir floksin hittast. Hann er jú ikki har. Limir floksins hava ikki hansara áhuga. Hvar hann so til- evnar sítt politiska krotu- smíð, veit eg ikki. Finnur sigur, at øll onnur uttan hann eru viljaleys amboð í hondum formans- ins og gera bara tað, ið hann vil ella eftir boðum hansara. Her fer hann púra skeivur. Sum dømi um hetta, kann eg siga frá, hvat fór fram á uppstillingar- fundi 21. september 2004 í Suðurstreymoyar Tjóðveld- isfelag. Hetta var uppstill- ingarfundur til býráðsvalið 9. november. Í sambandi við býráðs- valið 2004 ynskti formaður floksins at seta ein løg- tingslim í Suðurstreymoy á listan. Formaðurin boðaði nevndin frá hesum framm- anundan, sum beint var. Nevndin í Suðurstreymoyar Tjóðveldisfelag kundi tí viðgera spurningin fyri uppstillingarfundin, og var hetta eisini gjørt. Nevndin samdist at ganga í móti hes- um ynski. Grundgeving- arnar vóru fleiri. Á upp- stillingarfundinum kom so formaðurin við uppskoti um at seta løgtingslimin á listan. Nevndin í S u ð u r s t r e y m o y a r Tjóðveldisfelag gekk ímóti hesum og royndi at fáa fundarfólkið at taka undir við sjónarmiðum sínum. Formaðurin royndi hinveg- in at sannføra fundarfólkið um, at tingmaðurin átti at vera á listanum. Nógv høvdu orðið, summi vóru fyri og onnur vóru ímóti. Fyrimunir og vansar vóru nevndir. Tað var tí trupult at meta um, hvussu samlaða niðurstøðan var. Semja var tí at niðurleggja fundin eina løtu og geva fólki høvi, óformelt at tosa saman, og aftaná skuldi so atkvøðast um spurningin. Tá ið fund- urin varð uppafturtikin, varð atkvøtt um spurningin: 62% søgdu nei og 38% ja. Tað vil siga, at fundarfólkið tók undir við nevndini í Suðurstreymoyar Tjóðveldisfelag og ikki for- manninum. Soleiðis var hetta málið avgreitt, og havi ikki hoyrt um tað síðani. Øll virdu niðurstøðuna. Øll vóru samd um mannagongdina, og at avgerðin skuldi virðast. Soleiðis hevði neyvan verið, um Finnur var á fundinum. Hann hevði uttan iva sett spurningar fram, um nú mannagongdin var røtt, og hann hevði uttan iva farið í bløðini og sátt iva um úr- slitið. Kanska ikki, tí for- maðurin ikki fekk viðhald. Hjá Finni hevur sjálvt mál- ið ongan týdning, men hel- dur um hann á ein ella annan hátt kann vinna formanninum neisur. Finn- ur veit sjálvsagt ikki av hesum, tí hann var, sum vanligt er, ikki á fundinum. Var hann á fundinum hevði hann neyvan tikið undir við einari skipaðaði gongd sum hesari, hvørs endamál er at greiða ósemjur, tí ósemjur, rumbul, illneiting er vøru- merki hansara. Øll onnur hava rætt bara ikki formað- ur floksins, hvør hann so er. Hvør hevur valt Høgna Hoydal til formann Finnur tikist at hava gloymt, hvør hevur valt Høgna Hoydal til formann floksins. Finnur er væl greiður um, at av teimum 48, sum hava valt Høgna Hoydal til formann, eru bara 8 tingmenn. Hini 40, sum hava valt Høgna til formann, eru álitisfólk í flokkinum kring landið. Sum ein av hesum fari eg ikki í framtíðini tigandi at góðtaka tíni persónligu álop á formann okkara. Bygnaður floksins er í fleiri liðum. Møguleiki er tí at loysa ósemjur í flokkinum, um vilji er til tess. Men bygnaður floksins er ikki avgerandi fyri, um ósemjur vera loystar ella ikki. Bygn- aðurin er amboðið. Um demokratiskar avgerðir í teimum ymisku liðum floksins ikki vera virdar Svar til Finn Helmsdal