hósdagur 10. september 2020síða 43

SEPTEMBER 2020 LÝSINGARBLAÐ FRÁ MIÐLAHÚSINUM HONDBÓLTUR 2020/21 19 U18 og U20- dreingir royna eftir endaspølum Ætlanin var, at føroyska U18-landsliðið við dreingjum, sum gjørdist heimskent við Eur­ opean Open-sigrinum í 2019, skuldi til Bulg­ aria at royna at spæla seg í eitt EM- og HM- endaspæl hetta summarið. U20-landsliðið skuldi til Bosnia at royna tað sama, men báðir hóparnir máttu síggja koronu koma ímillum. Tær kappingarnar eru útsettar til januar 2021, og sjálvandi hevur tað verið óvist hvat bar til og ikki. Nú skuldi tað tó verið vist, at føroysku tal­ entini sleppa at royna seg í januar, tó at nakrar tjóðir møguliga geva avboð. Landsliðsvenjarar hjá U18-landsliðnum eru Mark Marcher og Julian Johansen. Og Mark Marcher er ikki í iva: - Vit fara til Bulgaria fyri at vinna. Vit vilja spæla okkum til næsta endaspælið. - Tað er nógvir lutir, ið skulu ganga upp, um tað skal eydnast. Hepnið er umráðandi, ser­liga við skaðum. - Leikararnir hava drigist nógv við skað­ ar. Tað kemst millum annað av at leikararnir nú skifta frá ungdómshondbólti til vaksna­ manna­hondbólt. - Vit hava verið hart raktir, men nú tykist støðan at batna, sigur venjarin. Hann hevur sæð fleiri leikarar gera um seg farna kappingarár, og eitt nú Hákun West av Teigum og Elias Ellefsen á Skipagøtu hava skrivað sáttmálar við stór feløg í ávikavist Danmark og Svøríki. - Tað ger sjálvandi okkara fyrireikingar trupl­ari, tí professionellir leikarar eru bundnir at feløg­unum, og har eru reglugerðir fyri nær teir sleppa at fáa frí at venja við landsliðnum. -Men fyri menningina er tað fantastiskt, at teir nú royna seg á hægsta støði, sigur Mark Marcher. Kvinnurnar: Tvey av trimum fara víðari Tá ið føroyska kvinnulandsliðið tann 4. og 5. desember spælir ímóti Hvítarusslandi og Sveis, snýr tað seg bara um at ikki enda aft­ast. Tí tvey tey ovastu fara víðari til næsta stigið í HM-undankappingini, ið eru tveir dyst­ ir ímóti einum av vinnandi liðunum úr hin­um bólkunum. Vinnarin av teimum báðum dystum fer til HM-endaspælið í Spania í 2021. Seinast Føroyar spældu HM-undan­kapp­ ing, var tað eisini í Sveis. Tað var í fyrstu dystunum undir Ágústi Jóhanssyni í des­ember 2018. Føroyar byrjaðu við sera vónbrótandi tapi ímóti Finnlandi, men reistu seg við framúr sigri á Litava, ið var risastórur favorittur. Í sein­asta dystinum kundu Føroyar spæla seg víðari við sigri á Sveis, men vertirnir høvdu munin og vunnu 23-19. Altjóða ófriður broytir landsliðsferðirnar meira enn korona Tá ið føroyska manslandsliðið var drigið í sín bólk til komandi EM-undankapping, mundu fleiri hugsa sítt, tá ið Ukraina og Russland endaðu í sama bólki. Tað endaði við at Før­oyar vóru eisini drignar í hendan bólkin. Fyrstu boðini vóru, at Føroyar skuldu spæla ímóti Russlandi og Kekkia í november. Men tað mátti broytast, tá ið Ukraina noktaði at spæla í Russlandi, og Russland sýtti fyri at fara til Ukraina. Tann støðan verður loyst við, at Russ­land og Ukraina hittast tvær ferðir á uttan­velt­aðum leikvølli, og føroysku fyri­reik­ing­ar­nar verða ikki órógvaðar meira enn, at Føroyar nú spæla tvær ferðir ímóti Kekkia í november. Føroyska kvinnulandsliðið var drigið í bólk við Hvítarusslandi og Sveis í HM-undan­kapp­ ingini. Tann kappingin verður avgreidd upp á eitt vikuskifti, og í sama lutakasti vann Hvíta­ russland rættin at skipa fyri. Men hesa seinastu tíðina hevur uppreistur stungið seg upp í Hvítarusslandi, so neyvan verð­ur farið hagar at spæla. Sveis vann næsta rættin at skipa fyri kappingini, so tað verður óivað har, at Føroyar spæla HM-und­an­ kappingina. Úr Hondbóltssambandi Føroya sigur Mark Marcher, at hvørki støðan við Hvítarusslandi ella Russlandi og Ukraina hevur skakað fyri­ reikingarnar. Orsakað av støðuni við koronasmittuni, ansar Hondbóltssambandið sær. Eitt nú bí­ leggja tey ikki ferðirnar ov tíðliga, tí tað kann skjótt gerast dýrt, um dystir verða avlýstir ella fluttir. SKRÁ: HM-undankapping – stig 1 4. desember: Hvítarussland – Føroyar 5. desember: Sveis – Føroyar SKRÁ: M20-championship í Bosnia Hersegovina 11. januar – 17. januar Bólkur A: Føroyar Pólland Slovakia Bosnia Hersegovina SKRÁ: M18-championship í Bulgaria 25. januar – 31. januar Bólkur A: Føroyar Kekkia Bulgaria Stórabretland KVINNULANDSLIÐIÐ: U20-MENN: U18 MENN: