hósdagur 24. september 2020síða 16

FRÍGGJADAGUR 25. SEPTEMBER 2020 SOSIALURIN 67 16 EYÐUN KLAKSTEIN H annis Martinsson man vera millum kend­astu fiktivu per­són­ar í Føroyum, og ivaleyst eru eisini mong, ið kenna William Hammer. Hannis og William eru høvuðs­persónar í krimisøgum, sum Jógvan Isaksen hevur skriv­að. Higartil hevur hann skrivað 10 bøkur við Hannisi og 6 bøkur við Williami og hansara skansa­deild. Nú fara Hannis og William at hittast í somu krimibók, tí Jógvan Isaksen situr júst nú og leggur seinastu hond á eina krimi­søgu, har bæði Hannis og William eru høvuðspersónar. Hetta er fyrstu ferð, at Hannis og William hittast í einari krimibók. – Onkur hevur nevnt hendan møgu­leikan, at Hannis og William skulu vera við í somu søgu, og eg havi hugsað um tað í eina tíð. Nú skrivi eg so eina søgu, har báðir eru við, sigur Jógvan Isaksen. – Pultispælið verður størri, tá ið tú skalt fylgja tveimum linj­um, sum av og á krossast, men stundum fara hvør sín veg. Hetta er í grundini meira krevj­ andi, enn eg hevði ímyndað mær frammanundan. Eg byrjaði at skriva í summar og hevði roknað við, at eg var liðugur nú, men eg má helst brúka ein mánað afturat at fáa søguna lidna, sigur hann. Byrjaði av tilvild Jógvan Isaksen, sum er lektari í føroyskum bókmentum á lærda háskúlanum í Keypmannahavn, hevur síðani sjeyti árini verið virkin rithøvundur, og hann hevur skrivað fleiri enn fimmti bøk­ur. Nógvar av bókunum eru um bókmentir, listafólk og mentan, men í breiðu fjøldini er Jógvan Isaksen helst best kendur fyri krimibøkurnar, sum hann byrjaði at skriva –  mest sum av tilvild – í 1990. – Mær hevur altíð dámt væl at lisið krimibøkur og havi lisið, síðani eg var smádrongur, men tað var av tilvild, at eg fór at skriva krimi. Eg fekk eina teldu, sum hevði floppy disk, og fólk høvdu sagt mær, at tað var stór­ ur vandi fyri at missa til­farið. – Tí tordi eg fyrstu tíðina ikki at skriva mítt ordiliga tilfar á teldu­na, tí eg stúrdi fyri at missa tað. Eg helt fram at skriva á skrivi­maskinu, men fyri at læra meg at brúka telduna, byrjaði eg at skriva eina krimisøgu. Ætlanin var als ikki at skriva eina skaldsøgu, men tað kom ein kapitul fyri og annar eftir, og eg mundi vera komin í helvt, tá ið tað gekk upp fyri mær, at her var ein bók á veg. Eg upplivdi tað sum eina fullkomna tilvild, at eg skrivaði »Blíð er summarnátt á Føroya­landi«, sigur Jógvan Isak­ sen. Hannis Martinsson var høvuðs­persónur í hesari fyrstu krimi­søguni, og hann er síðan vorðin landskendur sum tann váttligi blaðmaðurin, sum dugir at loysa fløktar krimigátur. Saman­lagt eru 10 bøkur við Hannis Martinsson. Í 2012 skrivaði Jógvan Isak­ sen fyrstu bókina um William Hammer og sonevndu Skansa­ deildina. Nú var ein nýggjur høvuðs­persónur komin í krimi­søgur­nar hjá Jógvani, og samanlagt eru seks bøkur við Williami Hammer. Paranoia Jógvan Isaksen skrivar nú nýggja krimibók, ið hevur ar­ beiðs­heitið »Paranoia«. Tað ser­ merkta og spennandi við hesari bók er, at nú hittast Hannis Martins­son og William Hammer um­síðir í somu bók. Jógvan Isaksen hevur áður nevnt hetta hugskotið í samrøðu við Sosialin, og nú ger hann álvara av tí, hóast hann hevði síni ivamál um tað. – Eg havi ivast í, hvussu eg skuldi fáa tað at rigga. Eitt nú eru manningarnar á politi­ støð­ini ymiskar í søgunum um Hann­is og William, men av tí, at tað er aldursmunur millum teir, fái eg tað at passa soleiðis, at út­skifting hevur verið í politi­num seinnu árini. Onkur er pensjóneraður, onkur farin í annað arbeiði, og onkur er deyð­ ur. Tí verður tað manningin úr bók­unum um William, sum man­ na politistøðina í nýggju søguni, men aðrir kenningar hjá Hannisi eru við í søguni. – Eg skrivi um Hannis í fyrsta per­sóni og um William í triðja per­sóni. Eg skifti ímillum teirra sjón­ar­horn, sum tað passar best fyri søgugongdina. Hetta er øðr­ vísi enn vanligt, tí eg eri van­ur skriva við at skriva um báðar í fyrsta persóni, sigur Jógvan Isaksen. – Eg umhugsaði at skriva um báðar í fyrsta persóni, men eg stúrdi fyri, at eg fór ikki at duga nógv væl at skilja ímillum teir, at teir fóru at líkjast ov nógv, hóast teir eru sera ymiskir. Tí valdi eg hesa loynsina, sigur hann. »Rache auf der tiefe des meeres«. Tað er heitið á krimi­bók, sum í vikuni kom út á týska marknaðin. Hetta er krimisøgan »Hevnd­in úr havsins dýpi«, sum Steintór Rasmussen skriv­aði, og sum nú er út­ givin á týskum máli. »Hevndin úr havsins dýpi« er partur av sonevndu bindi­ klubbarøðini, sum er krimi­ røð við fimm bókum. Tann fyrsta bókin var »Deyðin fer í bindiklubb«, sum kom út í 2016, og tann seinasta bókin, sum kom úr í fjør, var »Ein er tíð­in at liva«. »Deyðin fer í bindiklubb« var týdd til týskt og út­giv­ in í fjør. Hon hevði heit­ið »Hass stirbt nie«. Nú kemur so onnur bókin út á týsk­um máli. Tað er Martin Schür­ holz, sum hevur týtt bøkur­ nar til týskt. – Eg kann ikki annað enn vera eitt sindur errin av hesum, men ikki minni takk­ sam­ur fyri, at hetta hevur bor­ið á mál, sigur Steintór Ras­mussen á facebook vanga­num. Steintór Rasmussen er sera virkin høvundur, og hann gav í heyst út bók við søgum og krimigátum til familju­na. Bókin kallast »Mín gløggi vinur«. Í bókini eru 77 stuttar krimisøgur, sum fylgja álmanakkanum. Eydna J. Steinberg hevur gjørt tekningar til bókina. Steintór verður lisin á týskum Onnur krimibókin hjá Steintór Rasmussen er nú útgivin á týskum máli Jógvan Isaksen hevur skrivað 16 krimibøkur um Hannis Martinsson og William Hammer hvør sær, men nú verða báðir við í nýggjari krimibók. Hetta gevur høvundanum nýggjar avbjóðingar, tá ið hann skal snikka saman krimisøguna NÚ HITTAST NÚ HITTAST HANNIS OG HANNIS OG WILLIAM WILLIAM