hósdagur 24. september 2020síða 56

24 24 TEKSTUR VILMUND JACOBSEN MYND ÁLVUR HARALDSEN Barðið skapar nógv arbeiði á Vestaru Bryggju í Havn Tað er ikki nøkur sjálvfylgja, at ein høvuðsstaður hevur eina landingarmiðstøð, sum hevur væl av fólki til arbeiðis, tá landing er, og fiskur verður pakkaður. – Hetta hevði ikki borið til, um eg ikki hevði dugnalig fólk aftrat mær, sigur stjórin, Napoleon Falkvard Joensen N apoleon Falkvard Joensen, vanliga róptur Poli, er stjóri á P/F Barðinum, sum er land­ingarmiðstøðin á Vestaru Bryggju í Havn. Barðið hevur, sum aðrar landing­ ar­mið­støðir, eina góðkenda innvig­ ing­arskipan, og felagið bæði landar, skilir og pakkar fisk fyri viðskiftafeløg. Felagið veitir eisini ís til skip og bátar. Fiskurin, sum verður landaður á Barðinum og verður keypt­ur til framleiðslu á føroysku fiskavirkjunum, fer út um landið í bilum og ferjum, har fjørður skilir oyggjarnar. Keyparar av fiskinum, sum verður landaður í Havn, eru bæði framleiðsluvirkir og fiskaútflytarar. Pakka fyri kundar Men, Barðið tekur sær eisini av at pakka fisk, sum fiskakeyparar og útflytarar keypa til útflutnings, og tá eru tað fólk hjá landingarmiðstøðini, sum pakka í hølunum á Vestaru Bryggju. Her verður fiskurin skildur, ísaður og pakkaður og soleiðis gjørdur klárur til útflutnings. Tað eru eisini fiskakeyparar, sum keypa fisk á øðrum