hósdagur 24. september 2020síða 59

kenna seg fullvís í, at okkara reingerðarevni eru ment við serligum atliti til umhvørvið. Ovurviðkvæmi er ein stór­ur og veksandi trupulleiki í dag, men eingin av okkara húsar­ halds­sápum innihalda evni, sum standa á listanum hjá ES yvir allergielvandi evni. Debes Petersen hevur víst á, at Kemilux alla tíðina ar­ beiðir við at umhvørvis-og heilsumerkja vørur, sum fyri­ tøk­an framleiðir til húsarhaldini, og tískil hevur fyritøkan eis­ini leingi kunna framleitt húsarhaldssápu uttan lit og anga. - Litevnini, sum vit brúka í okkara húsarhaldssápum, eru tey somu, sum verða brúkt í matvøruframleiðslu. Okk­ara hugsjón er, at jú færri kemisk evni, sum latin vera út í umhvørvið, tess betri er tað. Øll reingerðarevni, sum skulu loysa sína rein­gerð­ar­ uppgávu, innihalda virkin evni, men her leggur Kemilux stóran dent á at fara væl um við at brúka lætt niðurbrótilig og náttúrlig evni úr plantuoljum í húsarhaldsvørunum. Føroyar og útheimurin Kemilux hevur egna starvsstovu ella laboratorium, og fyri­ tøka hevur samstarv við altjóða serkunnleika, sum hevur dag­liga eftirlitið við, at allar reglur verða fylgdar. Men, fyritøkan framleiðir sjálvsagt ikki bara til hús­ hald­ini, tí Kemilux er eisini góðkendur veitari til sera krav­miklu oljuvinnuna. Umframt at framleiða til føroyska privat­kundamarknaðin, stovnar og vinnulív í Føroyum, hev­ur fyritøkan eisini ein veksandi marknað uttan fyri land­oddarnar, har føroysku vørurnar vera seldar í fleiri ym­iskum londum. Allar uppskiftir hjá framleiðaranum eru føroyskar, og vør­urnar verða framleiddar við føroyskari arbeiðsmegi í Før­oyum. Hjá Kemilux eru tey ikki sørt errin av sínari framleiðslu og sínum vørum, og tey eru errin av, at henda framleiðsla, sum nú hevur meira enn 50 ár á baki, framvegis megnar at kapp­ast við aðrar vørur á marknaðinum, bæði her heima í Før­oyum og uttanlands. - Høga góðskan í samansetingini av okkara vør­um hevur alt at siga fyri okkum, og hetta er eisini høvuðs­or­ søk­in til, at vit megna at taka kappingina upp við aðrar veit­arar, sigur Debes Petersen, stjóri í Kemilux. Longu í byrjanini var fiski-og sjóvinna høvuðs­markn­ að­urin hjá Kemilux, og framvegis í dag er vinnan høvuðs­ grund­arlagið undir framleiðsluvirkseminum. Framleiða eisini dunkar Framleiðslan hjá Kemilux er býtt í tvey, har ein part­ur fevnir um sjálva framleiðsluna av reingerðar-og sótt­rein­ an­arevnum, og hin parturin fevnir um framleiðslu av íløt­ um ella dunkum. Meðan vit vitja á virkinum, vísir framleiðsluleiðarin, Dáv­ur Restorff Hansen, okkum, hvussu dunkarnir verða fram­leiddir. Her er lítil spilla - skilt á tann hátt, at petti, sum verða skorin frá í endunum, enda aftur í maskinuni og framleiðsluni av nýggjum dunkum. - Vit hava hugsað um endurnýtsluloysnir, soleiðis at dunk­arnir møguliga kunnu latast inn aftur og endurfyllast - ella møguliga umstoypast - men her eru vit ikki komin á mál, sigur framleiðsluleiðarin. Hóast fyritøkan stoypir ein stóran part av dunkunum, tey brúka, so verða kortini proppar og pumpur innflutt, og í hesum korona-tíðum hevur verið trupult at skaffa nóg mikið av pumpum til hondsápu og spritt. - Vit framleiða dunkar til eitt nú upp-og-niður vask, og hes­ir eru tá hvítir, brúnir og bláir. Haraftrat framleiða vit eis­ini størri dunkar, sum eru gráligir á liti. Teir kláru dunkarnir verða innfluttir, og í hesar tappa vit eitt nú spritt, har eftirspurningurin snøgt sagt er eksploderaður, síðan korona-kreppan tók seg upp í vár, sigur Dávur Restorff Hansen. SØLAN AV SPRITTI EKSPLOD­ER­AÐI Tá korona-farsóttin tók seg upp, vaks eisini sølan av eitt nú vaskievnum, hondsápu og gróðurreinsi G óðskuleiðarin, Jóhanna Zach­ariasen, vísir á, at sprittið, sum Kemilux sel­ ur, verður innflutt í størri nøgdum, og síðan verður tað virkað til ávikavist hondspritt og yvirflatuspritt, sum verður brúkt til at turka borð, stólar og annað við. Glyserinið, sum verður sett til sprittið ger, at hendurnar ikki torna. Hon vísir á, at alt sprittið, sum tey senda á marknaðin, er denatuerað, sum hon rópar tað, og tað merkir, at tað er gjørt ódrekkandi. Men, tað er ikki bara nú, korona-farsóttin hevur herjað, at spritt verður brúkt. - Spritt verður brúkt alla tíðina, tó at sølan seinasta hálva árið er eksploderað. Ídnaðurin brúkar nógv yvirflatuspritt, og eitt nú tannlæknar og barnagarðar brúka eisini nógv spritt. Jóhanna Zachariasen vísir á, at Kemilux sel­ ur spritt, sum er í 75 ml dunkum og upp í 5 litur dunkar. - Seinastu tíðina hevur sølan kortini ikki verið so ekstrem, sum hon var, tá sølan var upp á tað mesta. Nú er líkt til, at fleiri koronu- tilburðir eru aftur, og tí kann hugsast, at sølan aftur fer at veksa, sigur góðskuleiðarin. Sápa og gróðurreins Síðan korona-kreppan tók seg upp, er sølan hjá Kemilux av eitt nú vaskievnum, hondsápu og gróðurreinsi eisini vaksin. - Í byrjanini av umfarssóttini vóru fólk meira við hús. Mong arbeiddu heimanífrá, og skúlar og barnagarðar vóru stongd í rúma tíð. Hugsandi er, at meira varð vaskað innanveggja, eins og líkt er til, at fólk eisini fóru út í tún at vaska hús og kring húsini við gróðurreinsi, sigur góðskuleiðarin, Jóhanna Zachariasen. Jóhanna Zachariasen, góðskuleiðari, Dávur Restorff Hansen, framleiðsluleiðari og Ann Tordis K. Hellisdal, handils-og marknaðarleiðari Mynd: Álvur Haraldsen 27