hósdagur 24. september 2020síða 61

29 Reinari frárensluvatn Í samband við, at krøvini til frárensluvatn eru vorðin strang­ari, hevur Nomatek ment útgerð til reinsing av frá­rensluvatni frá pelagisku virkjunum og frá kryvjing av laksi. Her er tað serliga feitt í vatninum, sum er ein trupul­leiki, og her hevur Nomatek í nógv ár støðugt ment nýggja útgerð. - Vit reinsa í dag frárensluvatnið frá øllum pelagisku virkj­unum og frá kryvjing av laksi. Frárensluvatnið verður fyrst filtrerað, og síðan verður tað reinsað við sonevndari DAF-flotatión, har smáar luftbløðrur verða blandaðar inn í vatnið fyri at fáa feitt og partiklar til at flóta upp til vatn­ yvir­flatuna. Síðan verða partiklar og feitt skavað omanav. Ragnar Magnussen sigur, at á henda hátt verður størsti parturin av feittinum og partiklunum skilt frá, áðrenn vatnið fer á sjógv. Vaskimaskina til alinótir Í løtuni er Nomatek í holt við at byggja eina nýggja og stóra nótavaskimaskinu til Vónina. Áður hevur fyri­tøk­ an bygt tvær slíkar maskinur til Vónina - eina við eini vaskitrumlu á 30 rúmmetrar og eina við einari vaski­ trumlu á 40 rúmmetrar. Nýggja nótavaskimaskinan hevur eina vaskitrumlu á 60 rúmmetrar. - Vaskivatnið frá vaskimaskinunum krevur eina serstaka reins­ing, har ávís evni skulu takast úr vatninum. Ragnar Magnussen vísir á, at til filtrering, bæði í sam­ band við flotatión, til frárensluvatn frá smoltstøðum og vaski­vatni frá nótavaski, hevur Nomatek ment eitt nýtt sonevnt bandfiltur við nýggjari tøkni við vakum, sum gevur eina betri turking av tí, sum verður filtrerað frá vatn­inum. - Tað er stórur áhugi í útlandinum fyri okkara útgerð til nótavask og reinsing av frárensluvatni, leggur stjórin í Noma­tek aftrat. Sóttreinsað drekkivatn Nomatek hevur í nógv ár projekterað og framleitt vatn­ reinsiverk við filtrering og sóttreinsing av vatni, og í dag reinsar útgerð frá fyritøkuni vatnið hjá umleið 50 bygdum í Føroyum, og beint í løtuni ger fyritøkan eitt reinsiverk til Dal og eitt til Húsavík. - Vatnið verður fyrst reinsað í sandfiltrum fyri at taka partiklar úr vatninum, og síðan verður vatnið strálað við UV-geislum, ið drepa bakteriurnar. Vatnið í Føroyum er yvirflatuvatn og inniheldur sostatt altíð stórt tal av bakt­eri­um, eitt nú e.coli, sum ikki mugu finnast í drekki­vatni ella fiski. Stjórin í Nomatek sigur, at hesar bakteriur doyggja av UV-strálunum. Í dag er tað lógarkrav, at ein vatnveitingarskipan skal hava løggilding frá Heilsufrøðiligu Starvsstovuni. - Øll reinsiverkini hjá okkum liva upp til hesi krøv, og í hesum sambandi hava vit serstaka útgerð og fólk til yvir­vaking og stilling av reinsiverkunum fyri at tryggja, at reinsingin lúkar treytirnar, sigur Ragnar Magnussen. Svimjihylar og reint vatn Sum eitt náttúrligt framhald av vatnreinsing projekterar og veitir Nomatek eisini kompletta útgerð til reinsing av vatni í svimjihylum. Her eru eisini strong krøv, sum skulu tryggja, at svimj­ ing ikki verður ein smittukelda. Vatnið verður reinsað við sandfiltrum fyri at fáa hár og annað úr vatninum. Eisini verður vatnið reinsað við kol­filtr­um fyri at taka burtur kloraminir. Hesi geva sviða í eyg­unum. Klor verður tilsett fyri at drepa bakteriur og virus. Privati marknaðurin Nomatek hevur eisini framleiðslur og tænastur til tann priv­ata marknaðin, og fólk eru altíð vælkomin at venda sær til fyritøkuna við hugskotum og fyrispurningum. Her eru nógvir ymiskir møguleikar úr rustfríum stáli, eitt nú altanir og terassur við rekkverki úr glasi ella stáli, trapp­ur, stór og smá portur og ymiskt annað. - Tað er bara hugflogið, sum setir mørkini. Møgu­leik­ ar­nir eru nógvir, har viðskiftafólk kunnu velja snið, stødd og til­far, sigur stjórin í Nomatek, Ragnar Magnussen. Eitt av starvfólkunum vísir okkum nýggju nótavaskimaskinuna »Stórur áhugi er í útlandinum fyri útgerðini hjá Nomatek til nótavask og reinsing av frárensluvatni« Ragnar Magnussen hevur verið stjóri í Nomatek síðan 2008, og tað er hann, sum í dag eigur fyritøkuna, ið hevur 32 fólk í starvi