hósdagur 15. oktober 2020síða 13

FRÍGGJADAGUR 16. OKTOBER 2020 SOSIALURIN 73 13 TERJI NIELSEN T að gekk ikki long tíð, frá tí at miðvingurin Sverri Sandberg Niel­ sen gjørdist europa­ meistari í singlescullara á 2.000 metrum í rógving í Pólandi sunnudagin, til leið hansara gekk heim á klettarnar at heilsa upp á føroyingar. Fyri meg hevur tað alt at siga at sleppa heim at vitja eftir eina slíka kapping. Tá ið tað hevur gingið gott hjá mær, so gleði eg meg altíð at ringja heim. Eg bæði hoyri og merki, at fólk fylgja við, hvussu tað gong­ur hjá mær, og at tey gleðast mína vegna, tá ið tað gongur væl. Tað er ótrúliga deiligt at merkja, sigur Sverri Sandberg Nielsen. Æltaði at fáa Merkið á bátin Fleiri løgdu óivað til merkis, at Sverri hevði føroysku litirnar á bátinum hjá sær, tá ið hann róði í Pólandi sunnudagin, men upprunaliga ætlanin hjá Sverra var eitt sindur størri. Eg hevði ætlað at fingið mær Merkið á bátin, men tað bar ikki til, tí man sleppur ikki at hava flaggið hjá einum øðrum landi enn tí man umboðar á báti­num hjá sær, greiðir hann frá. Sjálvur sigur hann, at tað hevði borið til í sambandi við ein­stakar kappingar, men ser­ liga, tá ið tað snýr seg um OL, ber slíkt als ikki til. Danir høvdu tað annars fínt við tí, um eg koyrdi Merkið á bátin. Tað høvdu teir einki ímóti, sigur europameistarin. Fokuserar nú móti OL Stóra málið hjá Sverra í ár var annars OL, sum tó bleiv útsett í eitt ár orsaka av korona, so eitt skifti var alt avlýst, og hann hevði einki konkret mál fyri framm­an í ár. Men so bleiv EM hóast alt, og tað er tað einasta í ár, so eg skrúvaði upp fyri blussinum fram móti hesi kappingini. Kom­andi ár verður tað so OL, og so eftir at OL hevur verið, er heimsmeistarakappingini á skránni, greiðir miðvingurin frá. At Sverra gjørdist europa­ meist­ari gevur eisini góðar vónir um góð úrslit bæði til OL og HM komandi ár. Teir fremstu í heiminum eru so at siga allir europearar og vóru við nú um vikuskiftið. Har er gamaní ein úr Ný Sælandi, sum er sterkur, men eg ivist í, hvussu sterkur hann er í løtuni, sigur Sverri Sandberg Nielsen. Um vikuskiftið fer mið­ ving­urin at kappast til danska meistaraheitið, men annars fer næsta tíðin við at fyrireika kom­andi ár. Tað verður eitt spennandi ár, og tí ræður um at leggja alt so væl til rættis sum gjørligt, sig­ur Sverri Sandberg Nielsen, europa­meistari, at enda. Eg merki stuðulin úr Føroyum Fyri Sverra Sandberg Nielsen hevur tað stóran týdning at sleppa at heilsa uppá føroyingar. Tí hann merkir greitt, at nógvir føroyingar stuðla og fylgja honum í rógvingini