hósdagur 22. oktober 2020síða 17

FRÍGGJADAGUR 23. OKTOBER 2020 SOSIALURIN 74 17 POLITIKKUR ER EITT LÍVSSTARV At vera politikkari snýr seg ikki um kyn, men um hugburð til politikk. Tað heldur Annika Olsen, sum er ein tann royndasti kvinnuligi politikkarin í Føroyum TERJI NIELSEN TERJI@SOSIALURIN.FO F ýra av sjey kvinnuligum borgarstjórum í Føroyum stilla ikki upp aftur til kommunuvalið komandi, og tær flestu av hesum hava bert sitið eitt valskeið í viðkomandi bý- og bygdarráðum. Tað kann tí tykjast sum um, at kvinnur hava ilt við at støðast ella trívast í kommunalpolitikki, men hesa áskoðan hevur borgarstjórin í Tórshavnar Kommunu, Annika Olsen, ikki. Snýr seg um hugburð Eg veit ikki, um tað er øðrvísi at vera kvinna enn mannfólk í kommunalpolitikki. Eg havi sjálv nokk so ymiskar royndir frá mínum politiska lívi. Sjálv haldi eg, at tað fyrst og fremst snýr seg um hugburðin til at vera í politikki. Tí eftir mínum tykki, so er tað at fara upp í politikk eitt lívsstarv, sigur Annika Olsen. Borgarstjórin í Tórshavnar Kommunu heldur ikki, at man skal blanda kyn upp í politiskar lívsleiðir. Fyri mítt viðkomandi er tað eitt lívsstarv, sum eg brenni fyri. Tað er fantastiskt at kunna gera mun. Tað er tað einasta, ið drívur verkið, og tí stilli eg upp aftur. Tað at kunna ávirka samfelagið tann vegin, ið man sjálvur heldur vera rætt, er nakað heilt serligt, sigur Annika Olsen. Framhald á síðu 18 Sjálv haldi eg, at tað fyrst og fremst snýr seg um hugburðin til at vera í politikki. Tí eftir mínum tykki, so er tað at fara upp í politikk eitt lívsstarv, sigur Annika Olsen Savnsmynd