hósdagur 29. oktober 2020síða 27

FRÍGGJADAGUR 30. OKTOBER 2020 SOSIALURIN 76 27 Politiskur vilji at betra um um­ støður­nar STEINAR PATURSSON U mframt fakligt orða­ skifti var eisini polit­iskt orðaskifti um umstøðurnar í Mjørka­dali við Christiani Andrea­sen, tinglimi fyri Fólka­ flokkin og formanni í rættar­ n­evndini, Rósu Samuel­sen, tingkvinnu fyri Sam­bands­ flokkin, sum saman við Djóna Nolsøe Joensen úr Javnað­ar­ flokki­num eru vald av tinginum at hava eftirlit við arrestini, og Barbaru Apol, varalimur í Fólka­ tinginum fyri Sjúrð Skaale. Christian Andreasen, sum umframt at sita sum formaður í rættarnevndini eisini hevur drúgvar royndir sum verji, vísti í orðaskiftinum á, at sum so er bygningurin í Mjørkadali fínur, og at starvsfólkini eru góð til sítt arbeiði. Kortini eru um­støðurnar ikki nøktandi, og bygn­ingurin uppfyllir ikki allar treytir, sum hann skal sum fongsul og arrest. Grundleggjandi er trupul­ leik­in tann, at varðhaldsfangar sita saman fangum, sum sita fonguls­dóm, og hetta hevur við sær órímiligar treytir fyri báðar partarnar. Fyri varð­halds­ fang­arnar merkir hetta, at teir í størri mun verða avbyrgdir, og fyri vanligu fangarnar hevur tað við sær, at teir missa nøkur frælsi, ið teir annars høvdu havt, sótu varðhaldsfangar ikki við teimum. Ov vánalig tilboð Rósa Samuelsen hevur tvær ferðir vitjað í Mjørkadali í sam­ bandi við eftirlitið, ið hon skal gera saman við Djóna Nolsøe Joensen, segði seg vera skelkaða av teimum umstøðunum, ið fang­arnir høvdu at livað undir. Til­boðini, ið fangarnar høvdu í fongslinum, vóru alt ov fá, og ítøkiliga vísti Rósa Samuelsen á, at munurin á fongslinum seinnu ferð, sum hon vitjaði, var, at eitt fitnessrúm var komið aftrat. Mugu samskifta betri við Danmark Barbara Apol gjørdi greitt, at hon var einasta panellimur, ið ikki hevði verið á vitjan í Mjørkadali, men sum út­gangs­ støði metti hon ikki, at tað var rætt, at avgerðirnar kring fongsul og varðhald vórðu tikn­ ar í Danmark, har tey ikki hava føling fyri, hvat gongur fyri seg í Føroyum, og hvørjar um­ støðurnar eru her. Hesum tók Christian Andrea­ sen undir við og gjørdi greitt, at umstøðurnar eru so ymiskar í Danmark og í Føroyum, at Før­ oyar hava ikki tørv á somu loys­ num, sum tey hava í Dan­mark. Rósa Samuelsen vísti í hes­ um sambandi á, at føroyingar mugu vera betri at formidla síni fongsulsynski til danskar myndugleikar, sum hóast alt fram­vegis varða av økinum. STEINAR PATURSSON T að hevur avleiðingar fyri fangar í Før­oy­ um, at um­støðurnar í Mjørka­dali eru av­ markaðar. Tað sigur Magni Højgaard, sum er ráðgevi hjá átakinum Megna títt lív. Megna títt lív er eitt átak undir almannaverkinum, sum hevur til endamáls at vera eitt tilboð til ung við sálarligum avbjóðingum og rúsevnis- og rúsdrekkatrupulleikum. Ein partur av virkseminum hjá Megna títt lív gongur sostatt fyri seg innan fyri fongsulsveggirnar, har roynast skal at fáa fatur á teimum, ið hava tørv á hjálp fyri at kunna bjarga sær og fyri at fáa ein nøktandi gerandisdag uttan rúsevni og kriminalitet. Magni Højgaard vísti í framløguni á, at tá fangar verða avbyrgdir, sita teir í grundini einsamallir við einum per­sóni, ið teir ikki kunnu flýggja frá. Og dámar tær ikki tann per­ sónin, so er støðan ring, segði Magni Højgaard. Magni Højgaard gjørdi eisini greitt, at royndirnar, ið Megna títt lív hevði við avbyrgdum fangum, vóru, at fangarnir vóru verri fyri, eftir at teir høvdu sitið avbyrgdir, og í so máta var eisini verri hjá Megna títt lív at arbeiða við teimum fang­unum. Størsta avbjóðingin hjá Mjørka­dali er kortini tann, at fongsulsmøguleikarnir eru so avmarkaðir, at fangar verða sendir til Danmarkar at sita dóm. Ofta er hetta í sam­ bandi við langar dómar ella fangar, ið ikki eru so lættir at stýra. Tá missir Megna títt lív sambandið við fangan, og møguleikin at gera ein bata lívinum hjá fanganum hvørv­ ur, segði Magni Højgaard. FANGARNIR MUGU SITA Í FØROYUM Avbyrging í varðhaldi í Føroyum Avbyrging í varðhaldi í Danmark