týsdagur 3. november 2020síða 35

KOMMUNUVAL 2020 MIKUDAGUR 4. NOVEMBER 2020 · NR. 77 Sosialurin 35 vinnu, og vit hava stór­ar og dygg­ar veitarar í handil­s­vinnu­ ni, eins og vit hava eina góða tæn­astuvinnu. Jógvan Skorheim sigur, at tá Bakkafrost legði einar 700- 800 miljónir krónur í nýggju smoltstøðina, gav hetta sjálv­ sagt stórar ringvirkningar í økinum, har veitarar av ymisk­ um slag seldu ymiskar tænast­ ur til felagið. - At vit hava heimsins størstu smoltstøð í okkara kom­munu, fer altíð at hava týdn­ing í okkara umhvørvi. Eitt slíkt virksemi, sum ein smolt­støð er, steðgar ongantíð upp, og her verður altíð okkurt at taka hond um, sigur hann. Jógvan Skorheim sigur, at býráðið altíð hevur roynt at havt góð viðurskifti við vinnulívið í økinum, tí vinnu­ lívið er ryggurin í býar­sam­ felag­num. - Vit hava tískil regluligar fundir við vinnulívið í nærumhvørvinum, har vit hoyra um ynskir og tørv­ ir, og hetta er sjálvsagt eisini galdandi fyri ymiska handverksvinnu og aðra vinnu í kommununi, leggur hann aftr­at. Stórar avbjóðingar Jógvan Skorheim ásannar, at hetta er ein spennandi tíð í Klaksvíkar kommunu. - Fólkatalið veksur, og tað gera inntøkurnar hjá kom­mun­ uni eisini. Men, tá fólkavøkstur er, gevur tað sjálvsagt eisini kommununi avbjóðingar. Vit hava fingið eini 100 nýggj dagstovnapláss seinastu fimm árini, og nú er longu tørvur aftur á fleiri plássum. Hetta er sjálvsagt positivt, men er eisini av­bjóðandi og spennandi. Hann fegnast um, at tað hevur eydnast kommununi at skapa grundarlag fyri nýggj­um bústaðarmøguleikum við eitt nú leigubústøðum og íbúðar­ bygging, sum privatir taka sær av. - Vit arbeiða eisini við nýggj­ um útstykkingum, og her hava vit eitt nú gongd í einari útstykking Uppi á Fossum, har pláss verður fyri umleið 34 nýggjum sethúsum. Stórur eftirspurningur er eftir hesum grund­stykkjum, og hetta er ein ætlan, sum væntandi verður liðug um eitt lítið ár ella so. Hann sigur, at Klaksvíkar kom­muna eisini samstarvar við privatar fyritøkur, sum bygg­ja íbúðir, og soleiðis eru 30 íbúð­ir, ávikavist Undir Fossum og á úti Norðoyri, sum kunnu seljast. - Vit eru ógvuliga fegin um tað samstarv, vit hava havt við Bústaðir um Biskupstorg, og tað eru framvegis fleiri, sum ynskja leigubústaðir. Bú­staðar­ politikkurin verður avgjørt eitt fokusøkið hjá býráðnum, sum tekur við hin 1. januar. Jógvan Skorheim heldur, at ein onnur avbjóðing næstu fýra árini verður at lyfta enn meira undir eldraøkið og dagstovnaøkið. Norðurhavnin Ein onnur ætlan, sum liggur frammalaga hjá býráðnum, er Norðurhavnin. Her hevur kommunan gjørt avtalu við Lands­verk um grót, sum fer at koma frá tunnilsbyggingini Norður um Fjall. - Avtalan snýr seg um, at vit fáa grót og koyring ókeypis, og tískil er hetta ein fantastiskur møguleiki til at útbyggja Norður­havnina. Vit vænta, at vit longu til várs kunnu fáa fyrstu bilarnar við gróti, og ætlanin hjá okkum er at leingja bryggju­kantin einar 200 til 300 metrar norðureftir, sigur Jógvan Skorheim, borgarstjóri í Klaksvíkar kommunu. Norðurhavnin skal útbyggjast, og her hevur Klaksvíkar kommuna gjørt eina góða avtalu við Landsverk Vit hava fingið eini 100 nýggj dagstovnapláss seinastu fimm árini, og nú er longu tørvur aftur á fleiri plássum Biskupstorg hevur broytt umhvørvið og miðbýin í Klaksvík