hósdagur 5. november 2020síða 15

FRÍGGJADAGUR 6. NOVEMBER 2020 SOSIALURIN 78 15 Av tí at nógvar kanningar skulu framvegis gerast, og nógv skal fáast upp á pláss, áðrenn nøkur verkætlan kann ítøkiligerast, er neyðugt at halda fast við verandi vind­orku­loysn­ um, ger Terji Nielsen greitt. – Tað er umráðandi, at vit halda fast í gongdini á landi, til tað hevur víst seg, at hetta ber til. Vit kunnu ikki steðga øllum á landi og siga, at vit seta allar okkara vónir á hetta, sigur Terji Niel­sen, sum kortini leggur aftrat, at ætlaða lundin á sjónum loysir heilt nógvar av teimum trupul­leikunum, ið SEV hevur havt við grønari orku higartil. Vænta øðrvísi fígging Í framløgutilfarinum hjá SEV um vindmyllulundina verður róð uppundir, at føroyska vinnan skal virka sum íleggjari til stóru verkætlanina, sum sam­ bært SEV fer at kosta millum 1,4 og 1,9 milliard krónur. Terji Nielsen ger kortini greitt, at SEV hevur ikki verið í sambandi við nakrar vinnu­fyri­ tøkur um fígging enn, men at møgu­leikin er har. – Tað kundi verið gjørt sum eitt samstarv, har vit fingu før­oyskar íleggjarar við, og so kunnu teir koma við teimum peng­unum, sum teir nú kunnu. Um spurningin hvat privat­ar vinnufyritøkur skulu fáa burt­ urúr at seta pening í almenna infrakervið, sigur Terji Nielsen, at til dømis kunnu fyritøkurnar nýta tað, at tær er CO2 neutralar í framleiðsluni til søluna. – Um vit sum hugsað dømi siga, at Bakkafrost brúkar 50 giga­watttímar, og felagið keypir seg inn við 50 gigawatttímum, so kann Bakkafrost á teirra grøna roknistykki og á fakturanum, ið verður sendur til keypararnar, seta eitt stempul, ið sigur, at teir eru CO2 neutralir. Tað hevur nógv at siga, sigur Terji Nielsen. Eitt dømi, sum Terji Nielsen nevnir aftrat, er, at bæði Magn og Effo kunnu keypa seg inn í verk­ætlanina svarandi til ta orku­na, ið feløgini skulu brúka til elbilar og hitapumpur. – Eitt hugsað dømi kundi verið - og hetta er nakað, ið politiska skipanin má taka støðu til - at teir fingu eitt avkast svarandi til tann eginpeningin, sum teir koma við. Fimm prosent ella eitt ella annað, sum er í øllum førum meira, enn teir fáa í bankanum í dag. Tað kundi verið gularótin hjá teimum, sigur Terji Nielsen. – Tað er nógvur leysur kapi­ talur í Føroyum. Tað eru nógv­ ar fyritøkur, sum eiga nógv­ar pengar. Um alternativið er bara hava pengarnar í bankanum, so kostar tað í dag. Eitt avkast á nøkur prosent hevði verið betri hjá teimum í dag, sigur Hákun Djur­huus, stjóri í SEV. Útlendingar vilja sleppa framat Umframt hugsaðu føroysku íleggjararnar ber eisini til at fáa útlendskar íleggjarar upp í spæl, tí ongantíð áður hevur so stórur áhugi verið fyri einari verkætlan hjá SEV sum við hesari. – Vit vita tað, at tey standa sum gribbar uttan fyri Føroyar og vilja sleppa upp í part, sigur Terji Nielsen. Og tað er heldur ikki uttan or­søk, leggur Hákun Djurhuus aftrat. – Hetta er trygt avkast og verður sæð sum tryggar íløgur, tí hetta er infrakervi, sigur Hák­un Djurhuus og dregur ein paralell til Eysturoyartunnilin og ætlanirnar við CIP. – Tað bleiv eitt mál í løg­tingi­ num, og ein føroysk loysn varð funnin upp á tað. Men tað er eitt útrykk fyri, at har, sum avkast er - og hetta er eitt trygt avkast - so eru tey øgiliga áhugað í hesum, sigur Hákun Djurhuus og vísir á, at tað skapar ein tryggleika fyri íleggjararnar, at SEV hevur lógar­regulerað yvirskot. Sambært ætlanunum hjá SEV skal verkætlanin vera liðug í 2025, um alt gongst sum ætlað. VINDMYLLULUND Hví hyggja vit eftir offshore vindorku? Vit hava havt avbjóðingar við lendi og ampagjøldum. Vit vita, at har eru rættiliga nógvur drunnhvíti í Nólsoy, og vit mugu tí kanna, hvussu migrantiónin hjá fuglinum er