hósdagur 19. november 2020síða 13

FRÍGGJADAGUR 20. NOVEMBER 2020 SOSIALURIN 82 13 VILMUND JACOBSEN T að vóru tveir listar til kommunuvalið í Sunda kommunu hesa­ferð, listi A, sum fekk átta umboð og listi B, sum fekk trý umboð. Fremstur á lista A gjørdist 41 ára gamli, Jógvan Kruse á Oyrar­bakka, við 103 atkvøðum. Hann hevði eisini flestar at­ kvøður av øllum nývaldu og aftur­valdu býráðslimunum og tvær atkvøður fleiri enn Marni Eyðolvsson Joensen á lista B, sum fekk 101 atkvøðu. Tilsamans fekk listi A 69,3 pro­sent av atkvøðunum og listi B 30,7 prosent. Í nýggja býráðnum eru heili átta nývald umboð og trý av teim­um, sum sita í núverandi býráði, eru afturvald. Tey aftur­ valdu eru Kári Tór Matthíasson (A), Trygvi Kallsoy (A) og Vinjard Dam (B). Øll hini eru nývald. Í nýggja býráðnum í Sunda kom­munu, sum tekur við hin 1. januar 2021, eru: Jógvan Kruse, Marni Eyðolvsson Joen­sen, Eyðstein Zachariasen, Rógvi Nybo, Esther Dahl, Kári Tór Mathíasson, Haraldur Símunar­ son Hammer, Trygvi Kallsoy, Jon­hard Ingolf Joensen, Rúni Kruse og Vinjard Dam. Samstarv og raðfestingar Nýggja býráðið í Sunda kom­ munu hevur skipað seg við Jógvani Kruse sum borgarstjóra og Eyðsteini Zachariasen sum vara­borgarstjóra. Breið semja er millum allar bý­ráðslimirnar um samstarv og framtíðarraðfestingar í kom­ munu­ni næstu árini. Nýggj vinnu-og um­hvørvis­ nevnd verður skipað undir leiðslu av Estheri Dahl. Tað verður Rógvi Nybo, sum kemur at hava leiðsluna í teknisku nevnd, og trivnaðarnevndin verð­ur undir leiðslu av Eyðsteini Zachariasen. Bústaðarmøguleikar Eitt av málunum, sum nýggja býráðið longu hevur sett sær fyri, er, at grundøki skulu verða tøk í allari kommununi, sam­ stund­is sum arbeiðast skal við fjøl­broyttum bú­staðar­møgu­ leikum. Semja er eisini um at raðfesta sam­ferðslu og ferðslutrygd og verkætlanir, sum ikki eru lidnar, skulu gerast lidnar. Í semjuni skal ferðavinnan skipast, og arbeiðast skal við fjølbroyttum starvs-og vinnu­ møguleikum í kom­mununi. Eldra­økið saman við skúla-og dag­stovnaøkinum skulu hava høga raðfesting. Útiøki og vetrarfriðing Í nýggja býráðnum ætla tey eisini at arbeiða fram ímóti vetr­ar­friðing, har ynski er um tað, og her skal arbeiðast fram ímóti at fáa fleiri útiøki og enn betri umstøður fram við sjóvar­ málanum, har bátadráttir og møgu­ligir bátahyljar skulu setast á skrá. Semja er eisini um, at dent­ur skal leggjast á smærru ítrótt­ arfeløgini og frí­tíðar­til­boðini til børn og ung og at samskiftið verður tikið upp um kommunalt sam­starv um bussleið í økinum. Arbeiðið at fullføra spilli­ vatns­ætlanina, sum hevur verið í gongd í fleiri ár, skal ger­ast liðugt í øllum bygdum í kommununi. SEMJA UM SAMSTARV OG RAÐFESTING Í KOMMUNUNI Tað verður Jógvan Kruse, sum skal leiða nýggja býráðið í Sunda kommunu, har bert trý av 11 halda fram, tá nýggja skeiðið byrjar hin 1. januar 2021. Øll hini átta eru nývald Nýggi skúlin og ítróttarhøllin á Oyrarbakka er ein varði í Sunda kommunu