hósdagur 19. november 2020síða 14

FRÍGGJADAGUR 20. NOVEMBER 2020 SOSIALURIN 82 14 VILMUND JACOBSEN N ýggi borgarstjórin í Sunda kommunu, 41 ára gamli, Jógvan Kruse, hevur ongan­ tíð verið uppstillaður áður, hvørki til kommunuval, ei held­ ur til løgting ella fólkating. Men, kortini er hann ikki ókend­ur í kommunalpolitiskum høpi, tí í sløk fýra ár var hann fíggjar­ leiðari í Sunda kommunu við Heðini Zachariasen sum borgar­ stjóra. - Eg byrjaði í starvinum sum fíggjarleiðari hin 1. januar í 2014 og fór formelt úr aftur starvinum hin 5. juli í 2017. Eg var tó í ávísan mun knýttur at kom­ mununi fyri at seta nýtt fólk inn í tingini fram til 1. november í 2017, sigur hann. Jógvan Kruse stórtreivst í starvinum í Sunda kommunu, og hann dylur ikki fyri, at hann hevði eitt sera gott samstarv við borgar­stjóran, sum hann eisini hevur stóra virðing fyri. Nývaldi borgarstjórin letur eisini væl at samstarvinum, sum var á kommunuskrivstovuni sum heild, og hann rósar teim­ um fólkum, ið starvast fyri kom­ mun­una. - At eg treivst so væl í starvi­ num í Sunda kom­munu, var eisini ein av høvuðs­or­søk­un­um til, at eg læt meg stilla upp til kom­munuvalið hesaferð, sigur hann. Nógvur politikkur á skrá Jógvan Kruse býr saman við konu síni, Eyðgerð Mørkøre, í gomlu húsunum hjá abbanum og ommuni á Oyrarbakka. Sam­ an eiga tey trý hálvvaksin og vaksin børn. Tey keyptu húsini, sum eru dagførd og í góðum standi. Í fleiri ár búðu tey í Hósvík, haðani konan er, og tað var í 2015, at tey fluttu til Oyrarbakka. Tað er eisini á Oyrarbakka, at hann er vaksin upp og sleit sínar barnaskógvar. Foreldrini hjá Jógvani Kruse eru Ólajákup og Jonhild Kruse, og tey búgva eisini á Oyrarbakka. Verfaðir komandi borgar­ stjóran, Jógvan Mørkøre í Hós­ vík, sat fýra setur í táverandi Hós­víkar kommunu, harav tríggjar sum borgarstjóri, og hann sat eisini fyrstu setuna í Sunda kommunu eftir saman­ legg­ingina. Kona Jógvan Kruse, Eyð­gerð Mørkøre, hevur eisini sitið eitt skeið í býraðnum í Sunda kom­munu. Aftrat hesum tilknýti til ávika­vist Hósvíkar kommunu og seinni eisini Sunda kommunu, var vermóðir Jógvan Kruse, Ragn­hild Mørkøre, skrivari í Hós­víkar kommunu í fleiri ár, og eftir samanlegging í Sunda kommunu hevur hon verið í starvi hjá kommununi sum journal­førari. - Tað er greitt, at áhugin fyri kom­munalpolitikki byrjaði tíð­ liga. Eg kom sum 15 ára gamal til Hós­víkar, har politikkurin fylti rætti­liga nógv í heiminum hjá ver­foreldrunum. Jógvan Kruse vísir til stutt­ leikar á, at tá hann og konan sita við eitt døgurðaborð saman við verforeldrunum, kann av røtt­ um sigast, at eingin við borðið nakrantíð hevur valt onnur fólk enn ávikavist Jógvan, Eyð­ gerð og so - nú - nývalda borgar­ stjóran. Hevur ymiskar royndir Jógvan Kruse er útbúgvin banka­maður, og hann hevur eisini eina víðkaða útbúgving innan fígging. Árini 2002 til 2008 starvaðist hann í Føroya Banka - sein­ni Banknordik - og árini, áðrenn hann fór í starv sum fíggj­ar­ leiðari í Sunda kom­mu­nu, starv­ aðist hann sum deild­ar­leið­ari hjá Føroya Tele, har hann hevði handilsøkið undir sær. - Seinnu árini havi eg havt egna fyritøku - terminal.fo - ið byrjaði sum eitt hobby við ymiskum loysnum innan gjalds­ kort og terminalar. Hetta byrjaði longu, áðrenn eg fór í starv sum fíggjarleiðari og í 2016, tá eg fekk Mourits Clementsen at selja fyri meg, vaks fyritøkan. Jógvan Kruse leggur dent á, at tað var ikki tí, hann ikki treivst í kommununi sum fíggjarleiðari, at hann segði seg úr starvi og fór at arbeiða meira í síni egnu fyritøku, tvørtur ímóti. - Eg stóð faktiskt við valinum, um eg skuldi fylgja mínum hobby ella ei. Mítt hobby var løn­andi, og eg hugsaði, at um eg ikki tók henda møguleika tá, so bleiv tað helst ongantíð. Hetta var ein ógvuliga trupul og tung avgerð. Men, eg hevði hug at gerast sjálvstøðugur vinnu­ rekandi, og eg visti, at her var ein møguleiki, ið var lønandi. Vit bankafólk eru kanska ávísir trygg­leikanarkomanar, og sá eg ikki møguleikar við terminal.fo, hevði eg heldur ikki kastað meg út yvir hetta. Eg segði meg úr starvi­num í Sunda kommunu og fylgdi mínum dreymi. Jógvan Kruse ásannar, at tað var eitt stórt lop at fara úr ein­ um góðum og føstum starvi til at gerast sjálvstøðugur vinnu­ rekandi. Hevði sín leiklut Men, hvussu kennist tað so at hava verið fíggjarleiðari í Sunda kommunu í nøkur ár - og so at - Tað er fantastiskt, at Sunda kommuna í skjótt farna skeiði hevur gjørt íløgur fyri umleið 150 miljónir krónur - og so kortini bert skyldar umleið 60 miljónir. Her er óvanliga nógv fingið burtur úr, og tað er eingin loyna, at skúlin, ítróttarhøllin og leikvøllurin við Margáir eru megnarverk, sigur komandi borgarstjórin í Sunda kommunu, Jógvan Kruse Eg kom sum 15 ára gamal til Hósvíkar, har politikkur fylti rættiliga nógv í heiminum hjá verforeldrunum... SUNDA KOMMUNA ER SUNDA KOMMUNA ER FRAMTÍÐARTRYGGJAÐ FRAMTÍÐARTRYGGJAÐ Á NÓGVUM ØKJUM Á NÓGVUM ØKJUM