týsdagur 29. desember 2020síða 14

Mikudagur 30. desember 2020 · Nr. 91 14 Sosialurin Hugskot og viðmerkingar – send sms til 225000 TÍÐINDI SOLEIÐIS ROYNDIST OG Hvussu eydnaðist 2020, og hvørjar eru vónirnar fyri 2021? Hvussu mong geva eitt nýggjárslyfti við ársenda - og halda tey lyfti, sum verða givin gamlaárskvøld? Ein djóralækni á vakt nýggjásaftan INGIBJØRG JOANA ÁRANTSDÓTTIR, NÓLSOY: Hvar og hvussu heldur tú nýggjár í ár? - Í ár verið eg til arbeiðis í Havn nýggjársaftan. Eg eri djóralækni og arbeiði á Djóralæknatænastuni. Tað er altíð ein djóralækni á vakt til tey, ið hava tørv á bráðfeingishjálp, og í ár fari eg at standa klár at veita hesa tænastu. Hvør var størsta hendingin - upplivingin - hjá tær í 2020? - Størsta hendingin hjá mær í 2020 er helst, at eg havi keypt mær eitt grundstykki í Nólsoy og soleiðis havi tikið stig til saman við sjeikinum at byggja okkum eini nýggj hús. Og hvat var tað keðiligasta í 2020? - Tað keðiligasta ella tyngsta, sum hendi í 2020, var at missa ein kæran í familjuni. Hvørjar vónir hevur tú fyri 2021? - Eg vóni, at samfelagið verður meira opið í 2021. At korona ikki kemur at avgera, um vit kunnu vitja okkara nærmastu á ellisheimum og sjúkrahúsum. At vit kunnu verða saman í gaman og álvara - uttan at stúra fyri at verða smittað ella at smitta onnur. At vit aftur kunnu ferðast um landamørk sum áður. Og so vóni eg eisini, at ferðasambandið til Nólsoyar verður betri í 2021, tí í 2020 hevur tað verið út av lagi vánaligt. Gevur tú eitt nýggjárslyfti? - Í fjør var nýggjárslyftið hjá mær at gevast við at roykja, og hetta lyftið havi eg higartil klárað at hildið. Eg haldi, at í ár fari eg bara at halda á fram við at halda tað lyftið. Og so røra meg eitt sindur meira. Tað finst einki betur enn ein góður langur gongutúrur í føroysku náttúruni. vilmund@sosialurin.fo ANNIKA BRIMHEIM, KEYPMANNAHAVN: Hvar og hvussu heldur tú nýggjár í ár? - Vit halda nýggjár heima við hús í Keypmannahavn, maðurin, sonurin og eg. Hvør var størsta hendingin - upplivingin - hjá tær í 2020? - Sjáldsamasta hending í árinum var at súkkla gjøgnum Keypmannahavn í mars uttan at síggja eitt eyga. Hetta var næstan ævintýrakent. Og hvat var tað keðiligasta í 2020? - Frástøðan og óttin fyri covid-19. Hvørjar vónir hevur tú fyri 2021? - Eg vóni, at vit eftir 2020 eru betur bjálvað til okkara tilveru. Havi gjøgnum alt 2020 verið takksom fyri, at eg ikki eri flóttafólk í Morialeguni og seti eyka prís upp á ta tilveru, eg havi. Gevur tú eitt nýggjárslyfti? - Nei, tað geri eg ikki, og tað havi eg ongantíð gjørt. Men, eg hugsi altíð um at finna gleði í tí dagliga. vilmund@sosialurin.fo Hugsi um gleðina í tí dagliga Gevi lyftinum ein kjans aftrat ODD FÆRØ, HOYVÍK: Hvar og hvussu heldur tú nýggjár í ár? - Eg rokni við, at vit halda nýggjár heima í Hoyvík. Kanska eisini nakrar løtur saman við báðum døtrunum og familjum teirra, bæði her í Hoyvík og á Argjum. Kanska verður hetta fyrsta nýggjárið úti á Argjum, har yngra dóttirin hevur tikið bústað. Eg taki tað rímiliga róligt um nýggjarið, njóti sjónina av fýrverki og hugni mær saman við familjuni. Hvør var størsta hendingin - upplivingin - hjá tær í 2020? - Størsta upplivingin í 2020 var, at yngra dóttirin fekk prógv sum cand.scient.biochem, og so var tað eisini spennandi at taka nýggja "slanguleysa" insulinpumpu av slagnum “medtrum” í nýtslu. Og so sjálvandi, at Liverpool FC gjørdist enskur meistari í fótbólti! Og hvat var tað keðiligasta í 2020? - Tað keðiligasta í 2020 var ivaleyst covid-19. Hvørjar vónir hevur tú fyri 2021? - Eg havi góðar vónir um 2021. Gleði meg at uppliva árið við øllum tí, sum tað fer at bera okkum. Gevur tú eitt nýggjáarslyfti? - Eg hugsi, at eg hvørt ár í nøkur ár havi givið nýggjárslyfti um at gera nakað við fysiska formin, sum kundi verið betri, enn hann hevur verið í nøkur ár. Tað lyftið er brotið líka so ofta, sum tað er givið, men hvør veit - kanska vit geva tí ein kjans aftur hetta ársskiftið. vilmund@sosialurin.fo