týsdagur 29. desember 2020síða 22

Mikudagur 30. desember 2020 22 Sosialurin Brot og bitar úr árinum, ið fór Nýbygningur undirskrivaður í sóttarhaldi Anfinn Olsen, reiðari á Framherja, hevði verið í Norra og fundast um nýbygningin. Stutt eftir at hann var heimkomin, varð hann uppringdur av landslæknanum, at hann mátti í sóttarhald, tí hann hevði sitið tætt við ein smittaðan persón í flogfarinum. Nýbygningurin varð tí undirskrivaður í sóttarhaldi. Virus filmar hitta Fólk stroyma filmar sum ongantíð, og Netflix hevur í onkrum landi hótt við at avmarka atgongdina, tí stroymingarnar hava verið so nógvar og lagt trýst á servarar og dataferðslu. Síðani covid-19 veruliga fór at gera um seg kring heimin, er stroymingtølini fyri filmarnar »Outbreak« og Contagion« farin til skýggja. »Outbreak var í vikuni triðmest sæddi filmur á amerikanska Netflix, og báðir filmarnir eru ovarliga á hitlistanum hjá Apple TV her á okkara leiðum. Mars: Kaj var fyrsti føroyingurin smittaður við koronu – Eg kendi meg betri og ætlaði mær til arbeiðis mikudagin. Men so vórðu vit uppringd úr Fraklandi. Tá helt eg, at eg mátti lata meg kanna, sigur Kaj J. Skipanes úr Hoyvík, sum er fyrsti føroyingurin, ið hevur fingið staðfest koronu Tað var týskvøldið klokkan 18, at Kaj J. Skipanes var kannaður fyri koronuvirus. Mikumorgunin um sjey tíðina varð hann uppringdur, og sagt varð, at hann er positivur. – Eg havi fingið boð um at halda meg heima, men tað er ikki tað, ið eg havi hug til. Mær dámar nógv best at vera úti millum fólk, sigur Kaj J. Skipanes. Konan og báðar døturnar vórðu kannaðar mikudagin, men tær hava ikki fingið koronu. Aðrir persónar, ið Kaj J. Skipanes hevur verið í sam­ bandi við seinastu vikuna, vórðu eis­ini kannaðir fyrradagin, men tey vóru øll negativ. Í alt 14 fólk eru avbyrgd eftir boðum frá lands­ lækn­anum í 14 dagar. Tað er í París í Fraklandi, at Kaj J. Skipanes er vorðin smittaður. Hann var saman við konuni og báðum døtr­unum farin til París 14. februar. – Tað var konan, ið skuldi til við­gerð á sjúkrahúsi í París. Hon hev­ur verið har nakrar ferðir fyrr. Vit funnu út av, at ein kristilig ráð­ stevna var samstundis, og so valdu vit eisini at fara har. Tað vóru eini 3.000 fólk á ráðstevnuni, sum vardi frá mánadag til fríggjadag. Kona hansara er úr Togo, har tey tosa franskt. Børn teirra, ið eru níggju og fýra ára gomul, duga eis­ ini at tosa franskt. Kaj J. Skipanes og familjan komu heimaftur við Atlantic Air­ ways beinleiðis úr París mánadagin 24. februar. So byrjaði vanligi ger­ andis­dagurin, og tey fóru til ar­ beiðis, í skúla og í barnagarð. Ikki fyrr enn leygarkvøldið byrjaði Kaj J. Skipanes at fáa nøkur sjúku­eyð­ kenni. – Eg kendi meg eitt sindur kald­ an og var ikki so væl fyri. Tað byrj­ aði seint leygarkvøldið og var eisini sunnumorgunin. Eg fór ikki til arbeiðis mánadagin ella týsdagin. Eg hevði ikki fepur, og eg hostaði held­ur ikki, var bara kaldur. Eg vil kalla hetta fyri eitt vanligt for­ kølilsi. Høvdu tey ikki ringt úr Frak­landi, hevði eg verið farin aftur til arbeiðis, sigur Kaj J. Skipanes. Nú Kaj og familjan eru avbyrgd heima hjá sær sjálvum, gongur lívið sína vanligu gongd. – Eg taki tað púra róligt og geri tað, sum eg vanliga geri heima. Vit Korona leggur Føroyar í dvala Landsins myndugleikar hava gjørt av at seta herd tiltøk í verk fyri at forða fyri smittuspjaðing av koronu komandi vikurnar. Allir skúlar og ansingarstovnar lata aftur. Hetta er ein liður í nýggjari strategi, sum hevur til endamáls at avmarka smittuna. Allar almennar ferðir eru avlýstar og fólk í almennari tænastu, sum skuldu uttanlands á skeið hava fingið boð um at melda avboð. Løgmaður hevði tíðinafund hósmorgunin, har hann greiddi frá teimum tiltøkum, sum eru sett í verk. – Støðan verður alla tíðina eftirmett og tað verður hugt eftir um nakað meir skal gerast og vit kunna eisini alla tíðina um tað, sigur Bárður á Steig Nielsen, løgmaður Prestar gevast at taka í hond á fólki Føroya biskupur, Jógvan Fríðriksson, hevur sent skriv til allar prestarnar, har hann heitir á teir, at kunna kirkjufólkið um, at vegna vandan við koronu, fara prestar ikki at taka í hond á fólki, sum teir annars eru vanir við. – Har nógv fólk koma saman, er vandi fyri at smitta kann breiða seg. Eg haldi ikki, at vit hava havt eitt tílíkt mál fyri áður í kirkjuni, men vit hava valt at vera fyrivarin, sigur biskupur. Eg veit ikki hvat feilar fólki Soleiðis tekur Gunnar Mohr, stjóri í P/F Poul Michelsen Heilsølu til. Stjórin hevur júst samskift við kunda, sum keypir sínar vørur hjá heilsøluni, og prátið teirra millum snýr seg um, at fólk, sum eru farin at keypa ávísar vørur inn undir. – Vit merktu hetta hósmorgunin, og vit hava skilt á okkara viðskiftafyritøkum, at tað serliga vóru ávísar vørur, sum fólk fóru eftir, eitt nú breyð, mjøl, ger og wc- pappír, sigur Gunnar Mohr. MAR 2020 – Eg var tikin av bóli av, at tey kendu til grindadráp, Eivør og annað úr Føroyum. Sjálv ánaði eg lítið og einki um Conneticut. Steintóra G. Joensen, sum hevur tikið part av lesnaði sínum á Ivy League skúlanum Yale. – Tú mást viðganga, at tú einans er eitt menniskja, og tá verður sjónvarpið fólksligt og sameint. John Johannesen, sjónvarpsvertur, sum undir koronutíðini av Sosialinum varð kosin Føroya nýggi Mr. News.