týsdagur 29. desember 2020síða 47

47 Sosialurin Hugskot og viðmerkingar – send sms til 225000 Mikudagur 30. desember 2020 · Nr. 91 TÍÐINDI HESAR ERU VÓNIRNAR Kundi hugsað mær at verið kreativari SJÚRÐUR Í KOLTRI, TÓRSHAVN: Hvar og hvussu heldur tú nýggjár í ár? - Eg haldi nýggjár í Havn saman við familjuni, og tað verður uttan rakettir. Kanska verður okkurt fýs á vegnum, sum børnunum dáma at bresta. Hvør var størsta hendingin - upplivingin - hjá tær í 2020? - Fleiri góðar upplivingar hava verið í árinum, eitt nú at vera í Sandsbjørgunum. Her er Lonin, har lomvigi, álka, lundi og havhestur búleikast í túsundatali - og í den grad, tann góði matur, sum er á hesum fugli. Og hvat var tað keðiligasta í 2020? - Tað keðiligasta var ikki at kunna vitja familju og kenningar! Hvørjar vónir hevur tú fyri 2021? - Eg havi eitt hav av vónum. Í fyrsta lagi, at tað ikki brotnar ov nógv burtur av, so vit menniskju ikki hanga saman! Gevur tú eitt nýggjárslyfti? - Ikki beinleiðis, men eg kundi hugsað mær at verið meira kreativur í mati. Og jú - eg ætli mær eisini at fáa mær ein hjall í nýggja árinum, sigur Sjúrður í Koltri. vilmund@sosialurin.fo BERGUR DEBES JOENSEN, ARGIR: Hvar og hvussu heldur tú nýggjár í ár? - Eg haldi nýggjár sum vanligt saman við konu, børnum og verbørnum hjá verfamilju míni. Á matskránni stendur fast: Ræst kjøt og súpan! Hvør var størsta hendingin - upplivingin - hjá tær í 2020? - At síggja heilsustarvsfólk fyrimyndarliga og við dirvi standa fram fyri tey veiku vegna covid-19. Og hvat var tað keðiligasta í 2020? - At síggja ovurfylt sjúkrahús í summum av heimsins londum, har tað stóð á at bjóða hjálp. Hvørjar vónir hevur tú fyri 2021? - At vit fara at takka meira - fyrst og fremst okkara skapara og frelsara, Jesusi Kristi, ið gav sítt lív fyri, at vit við trúnni á hann kunnu fáa fyrigeving, hjálp og ævigt lív. Gevur tú eitt nýggjáarslyfti? - Eg gevi einki nýggjárslyfti, men eg havi støðugt eitt mál: At eg við Guds hjálp kann gerast ein betri útgáva av mær sjálvum, sigur Bergur Debes Joensen. vilmund@sosialurin.fo DURITA POULSEN, HVANNASUND: Hvar og hvussu heldur tú nýggjár í ár? - Tað er ymiskt frá ári til ár, hvussu nýggjárið verður hildið. Í ár verður tað saman við vinfólki í Klaksvík, um alt gongur eftir ætlan. Hvør var størsta hendingin - upplivingin - hjá tær í 2020? - 2020 hevur verið svárt fyri bæði samfelag og fólk, men persónliga hevur árið verið mennandi fyri meg. Ein av stóru hendingunum var nokk at flyta heim aftur til Føroya í summar eftir átta árum uttanlands. Síðan eg kom heim, havi eg virkað sum lærari á Tekniska skúla í Klaksvík og havi havt lívsstílsskeið á kvøldskúla. Tað hevur verið deiligt at arbeitt á føroyskum og kunna verið saman við familju og vinum her heima aftur. Árið bleiv ikki verri við, at makin og eg hava funnið eina deiliga íbúð í Keypmannahavn, har eg flyti niður aftur fyrst í komandi ári. So, alt í alt kann eg avgjørt ikki klaga. Eisini havi eg følt meg hepna við, at vit hava livað relativt ótarnað av koronu her heima í mun til tey, eg plagi at halda saman við í Keypmannahavn, bæði viðvíkjandi at bera masku, at arbeiða heimanífrá og í samband við aðrar afturlatingar. Og hvat var tað keðiligasta í 2020? - Korona hevði tó eisini avbjóðingar fyri meg og míni, tá vit komu inn í desember. Henda tíðin varð merkt av sóttarhaldi, koronu í familjuni og millum míni - alt frá ymiskum smittuketum. Jú, hetta hevur havt sínar avleiðingar og avmarkingar, bæði fyri jól, um jólini og eftir jól. Tískil kundu vit heldur ikki vera saman um jólini, soleiðis sum vit plaga at vera. Hvørjar vónir hevur tú fyri 2021? - Tað er ógvuliga keðiligt at síggja, at nógv virksemi mátti lata aftur, og hvussu hart tað rakar fólk, bæði fíggjarliga og persónliga. Tískil vóni eg, at vit í 2021 fara at síggja munandi framgongd aftur. Persónliga dámar mær ótrúliga væl at hava møguleikan at fara til eitt hvørt, har nógv fólk koma saman. Mær dámar eisini at royna nýggj ferðamál og uppliva aðra mentan. Hetta er nakað, eg gjørdi og tók fyri givið fyri mars 2020. Eg havi tillagað meg til nýggja lívsstílin, men vóni virkuliga, at hetta verður møguligt aftur í 2021. Gevur tú eitt nýggjárslyfti? - Tað eru nógv ár síðani, eg gav eitt nýggjárslyfti. Sum bachelor í føðslu og heilsu livi eg við prinsippinum um, at vanabroytingar er vegurin fram til ein ynskiligan lívsstíl, og eg havi ta áskoðan, at “alt er lov við máta" gjøgnum alt árið. Hetta setir mín lívstíl í eina nøktandi javnvág, sigur Durita Poulsen. vilmund@sosialurin.fo Tað keðiligasta er at síggja ovur- fylt sjúkrahús Eitt svárt ár fyri samfelag og fólk KAJ OTTO FREDERIKSBERG, VIÐAREIÐI: Hvar og hvussu heldur tú nýggjár í ár? - Vit halda nýggjár heima á Viðareiði. Hvør var størsta hendingin - upplivingin - hjá tær í 2020? - At vit keyptu okkum hús. Og hvat var tað keðiligasta í 2020? - Tað keðiligasta hevur verið korona og ringvirkningarnir av farsóttini. Gevur tú eitt nýggjáarslyfti? - Neyvan. vilmund@sosialurin.fo Tað størsta var at vit keyptu hús