hósdagur 26. november 2020síða 9

FRÍGGJADAGUR 27. NOVEMBER 2020 SOSIALURIN 84 9 Eldraøkið fær hægstu raðfestingina hjá nýggja býráðnum í Fuglafirði F uglafjørður er ein av størstu ídnað­ar­bygd­ unum í Før­oy­um við nógvum stórídnaðaði, sæð í mun til føroyskar kom­ munur annars. Nógvar av fyritøkunum í bygdini eru tætt knýtar at havna­lagnum, har Havsbrún, Pelagos, oljuttangarnir, Vónin og Petur Larsen liggja. Hetta ger, at nógv vøra fer inn og úr Fuglafriði hvørt ár – í fjør eini 800.000 tons tilsamans. Hesin aktiviteturin munar væl í inntøkunum hjá kommununi. -Ja, her koma nógvir pengar inn, men ein kommuna av okkara stødd hevur eisini brúk fyri nógvum pengum, skal hon kunna veita tær tænastur, sum krevjast í dag, sigur Dávur Juul, sum í næstu viku verður vald­ur til nýggjar borgarstjóra í Fugla­ firði. Fíggjarætlanin hjá kom­mun­ uni í Fuglafirði javnvigar um 100 milljónir krónur og skuldin liggur um 60 milljónir krónur 1585 fólk búgva í Fuglafjarðar kommunu, sum umframt Fugla­ fjørð umfatar Kambsdal og Hellurnar. -Viðurskiftini í kommununi eru rættuliga góð, men semja haldi eg er millum øll í býráðnum um, at nú er túrurin komin til, at vit skulu uppráðfesta eldraøkið, sigur komandi borgarstjórin. Tað er eitt av teimum mál­ un­um, sum nú verður farið at arbeiða við, men onkur verk­ ætlan er, sum er um at at vera liðug. -Nýggjur skúli er bygdur og sum eg havi skilt verður tað arbeiðið liðugt í februar ella mars. Tað er eitt stórt tak, men so er ætlanin at fara at nú­ tímans­gera gamla skúlan – altso tann frá 1964. Eisini nýggja ítróttarhúsið við vøllin verður gjørt liðugt nú Kommunan er væl fyri tá ið tað snýr seg um barnaansing við barnagarði bæði í Fuglafirði og á Kambs­dali. -Men tað eru sjálvandi onnur viðurskifti, sum skulu uppdaterast. Millum annað er gjørd ein Helli-ætlan fyri Hellur­ nar, har ætlan er at hampa um og fáa áirnar framaftur í ljósið – tað arbeiðið er so smátt farið í gongd, men tað eru eisini onnur smærri ting, sum skulu gerast, sigur Dávur Juul. Havnin útbyggjast Sum nevnt er nógv virksemi í Fuglafirði knýtt at havna­lag­num. Havsbrún er stóra virki í bygdini og fyritøkan hevur brúk fyri meira plássi. Í fjør var sagt, at helst fer útbyggingini at kosta meira enn eina hálva milljard. -Vit kunnu sjálvandi ikki krevja, at kommunan byggir havn­ina út fyri so nógvar peng­ ar. Hinvegin má tað vera so­ leiðis, at gera vit havnarlagið og havnarútbyggingina, so eru tað vit, sum eiga tann partin av havn­ini, segði Regin Jacobsen, stjóri á Bakkafrost, sum eigur Havs­brún. Avtalan var gjørd í fjør. -Sum eg havi skilt, so eru øll loyvir, sum kommunan skal geva givin, men tað verður altso ikki kommunan, sum fer at gera útbyggingina, sigur Dávur Juul. Dávur Juul er spentur at sleppa í gongdc á nýggjárinum, sum nýggjur borgarstjóri. -Ja, tað verður nakað heilt annað enn tað, sum eg eri vanur við, men eg ætli at brúka alla mína tíð uppá uppgávuna, sigur Dávur Juul, sum nú aftur verður at síggja í túninum í Fuglafirði. Onnur viðurskifti skulu eisini raðfestast, men semja er um, at eldraøkið skal uppraðfestast FUGLAFJARÐAR KOMMUNA: Nr. Listi Navn Atkvøður 1 F Dávur Juul 78 2 B Eyðun á Lakjuni 71 3 Á Sonni á Horni 69 4 F David Andreasen 67 5 B Magni H. Jøkladal 56 6 Á Ólavur Larsen 52 7 Á Gudny Vang 50 8 B Edva Jacobsen 49 9 F Eivin Sigurð Breiðaskarð 49 Nógv virksemi er á havnalagnum í Fuglafirði. 800.000 fara um bryggjukantin hvørt ár Borgarstjórin í Fuglafirði Dávur Juul 62 ár Maskinmeistari Giftur við Elsu Trý børn - ein drongur doyði í ferðsluvanlukku í 2006 Málmaður hjá ÍF Formaður í róðrarfelagnum í mong ár FAKTA