hósdagur 26. november 2020síða 17

FRÍGGJADAGUR 27. NOVEMBER 2020 SOSIALURIN 84 17 EIN SKYLDA Joel Undir Leitinum, 48 ár: - Svarið er ja. Eg hevði latið meg koppsett, og tað haldi eg, at vit hava skyldu til. Fyllir spurningurin um møgulig hjáárin nakað? - Nei, hann fyllir einki. IKKI FREMST Í RØÐINI Lív Jacobsen, 66 ár: - Eg fari neyvan at stilla meg fremst í køini til koppseting. Heilsan er góð. Eg taki ongan heilivág og hevði heldur viljað, at fólk, sum veruliga eru í vandabólki, sleppa fyrst framat. GJARNA FYRSTUR Sverri Láadal, 78 ár: - Ja, eg fari at lata meg koppseta. Tá læknar siga, at hetta er ein fyrimunur, serliga hjá eldri fólki, geri eg tað eisini. Eg hevði einki havt ímóti at verið fyrstur, um so var. Eg havi siglt kring knøttin og havi fingið koppsetingar fyri bæði eitt og annað, og eg veit einki um nøkur hjáárin yvirhøvur. KENNA IKKI ÁRIN Malan Oscarsdóttir úr Dalinum, 34 ár: - Nei, eg fari ikki at lata meg koppseta. Koppsetingin er nýggj, og hjólini mala sera skjótt. Eingin veit, hvørji langtíðarhjáárin kunnu verða. Umframt hetta, eru danskar kanningar, sum vísa, at møguleikin fyri deyðsfalli av koronu fyri fólk undir 70 ár er 0.00082%. Fyri tey, ið eru eldri enn hetta, eru tølini tó hægri. Støðan við smittu í Føroyum er góð í løtuni, og eg haldi, at vit eiga at vísa serligan ans fyri teimum eldru og veiku í samfelagnum - ikki við koppseting, men við vanligum skilagóðum atliti. Tað finst einki svart ella hvítt, rætt ella rangt. Tí er umráðandi, haldi eg, at øll hava frælsi til at ráða yvir egnum kroppi. HAVI HAVT KORONU Jóhannes Jensen, 58 ár: - Nei, eg fari ikki. Eg havi havt koronu og havi andevni móti virusinum. Sannlíkt eri eg ikki millum tey, sum gerast álvarliga sjúk av koronu.eg, at øll hava frælsi til at ráða yvir egnum kroppi. VIL VERJA ONNUR Sólvá Lindeskov Róadóttir, 25 ár: - Ja, eg vil lata meg koppseta, um tað verður tilrátt mær. Eg havi eina ommu á ellisheimi og ein abba, sum eg gjarna vil gera alt fyri at verja. Um mín koppseting kann verða við til at verja onnur rundan um meg, geri eg tað gleðiliga. SKYLDA Í RØKTINI Anja T. Vidtfeldt Kvilt, 42 ár: - Við tað, at eg starvist í eldrarøktini, føli eg tað sum mína skyldu at lata meg koppseta. Hevði eg havt annað starv enn á heilsuøkinum, hevði eg helst bíðað, til størri vitan var um møgulig hjáárin. JA - EG FARI Olaf á Stongunum, 68 ár: - Ja, tað hevði eg, tá eg hoyri upp í tann bólkin, sum er omanfyri 60. ERI Í VANDA­ BÓLKI Hanus Vang, 73 ár: - Ja, eg fari, tí eg eri í vandabólki. Men, hevði eg verið sloppin til blóðroynd fyri at vita, um eg havi havt koronu, sum eg haldi, at eg havi havt, hevði verið lættari at gjørt av, um eg hevði tikið av koppseting. Eg haldi tað vera løgið, at kommunulæknar ikki kunnu senda fólk til hesa blóðroynd. HAVI SJÚK LUNGU Gunnvá Eiriksdóttir, 60 ár: - Ja, eg fari at koppseta meg, tí eg havi sjúk lungu. Eri eitt sindur stúrin fyri hjáárinum, nú alt er so nýtt. Men, eg stúri meira fyri koronu enn koppsetingini. Eg heilsi koppsetingini vælkomnari - og ynski koronu, har piparið grør. EG TORI IKKI Turið í Kongsbø, 31 ár: - Nei, eg fari ikki, tí eg tori ikki at verða koppsett, fyrr enn vitanin um koppsetingina og um covid-19 yvirhøvur er vorðin størri. Hevði ein lækni vent sær til mín beinleiðis og hevði mælt mær til koppseting, hevði eg framvegis ivast.