hósdagur 26. november 2020síða 18

FRÍGGJADAGUR 27. NOVEMBER 2020 SOSIALURIN 84 18 VILMUND JACOBSEN N ývaldi borgarstjórin í Eysturkommunu, 30 ára gamli, Per Martin Gregersen, fyllir 31 ár hin 16. desember í ár. Hann er uppvaksin í Norðragøtu og er sonur Jógvan og Sigvør Greger­ sen. Pápin hevur í nógv ár verið í saltfiski og eigur saman við Jens Martini Knudsen Vaðhorn Sea­ food á Strondum. Tað er her, at Per Martin Greger­sen er í starvi sum sølu- og marknaðarleiðari, eftir fyrst at hava nomið sær mið­ náms­skúla­út­búgv­ing á Fiski­ vinnu­skúlanum í Vestmanna og seinni eina útbúgving sum mark­naðarføringøkonomur í Odense við starvsvenjing í Italia. Giftur og eigur børn Umframt at vera gøtumaður, tó at honum dámar best at vera róptur eysturbúgvi, nú hann er vorðin borgarstjóri í felags­kommununi, hevur Per Martin Gregersen eisini ættarbond í Leirvík, haðani abbin í móðurætt er. Nývaldi borgarstjórin er onga løtu í iva um, at bygdirnar í felagskommununi hava eina bjarta framtíð, tí hetta eru bygdir við røskum og dugnaligum fólki, ið hava víst sínar dygdir og prógvað síni virði, bæði í vinnu­ lívi, felagsítrótti og mentan. Per Martin Gregersen er giftur Ingu úr Fuglafirði, fødd Beder. Tey eiga synirnar, fýra ára gamla, Signar Gregersen og tvey ára gamla, Jóhann Gregersen. Ungu hjúnini hava verið saman heilt frá blaðungum av - ja, helst í eini 15 ár, og tey giftust í 2015, sum fyrstiføddi kom í 2016 - ella júst eftir bókini, vildi onkur sagt. Gjørdist fyrstvaldur Tríggir listar stillaðu upp á kom­ munuvalinum í Eystur­kom­ munu hesaferð og borgaralistin, sum hevði eina blanding av fólki úr ymiskum politiskum heraðs­ hornum, fekk seks av níggju býráðslimum, har Per Martin Greger­sen gjørdist fremstur við 122 atkvøðum - og Magnus Skoralíð endaði á øðrum plássi við 118 atkvøðum. Á kommunuvalinum í 2016 var Per Martin Greger­sen eisini uppstillaður á fólka­floks­lista­ num í Eystur­kommunu, men í fyrstu royndini gjørdist ungi maðurin nakað stuttur við 35 at­kvøðum. Listanum vantaði nakrar fáar atkvøður í at fáa fjórða umboðið. Jóan Magnus Ras­mussen í Leirvík gjørdist tá eykamaður, og Per Martin Greger­sen gjørdist næsti eyka­ maður. Í valskeiðnum, sum nú gong­ ur móti endanum, hevur tað kortini eydnast unga manninum nakrar ferðir at verið við til viðgerðum í býráðnum, tá Jóan Magnus Rasmussen sum fyrsti eykavaldur hevur latið honum sessin. Vildi royna aftur - Tað er eingin loyna, at mín áhugi fyri býráðsarbeiði er stórur og tíðin, eg eri sloppin at snodda til býráðsarbeiði, hevur styrkt mín áhuga. Eg havi altíð sagt, at ætlar tú tær at gera mun á teimum økjum, tú brennur fyri, mást tú vera har, sum av­ gerð­irnar verða tiknar. Eftir at Per Martin Gregersen fyrstu ferð hevði stillað upp í 2016, var hann ikki í iva um at royna aftur, og hann dylur ikki fyri, at hann hesaferð ætlaði sær inn at gera sína ávirkan gald­ andi. - Men, eitt er brennandi áhugin. Annað er at fáa undir­ tøku fyri tí, tú stendur fyri og teimum málum, sum liggja tær nær. Vit á borgaralistanum settu okkum nøkur mál, sum vit vilja arbeiða fyri, og eg fegnist um ta undirtøku, vit fingu á valinum. Per Martin Gregersen er sera fegin um møguleikan og álitið, hann hevur fingið at gerast borgar­stjóri hesi komandi fýra árini. - Vit eru øll vald sum eysturbúgvar at tæna okkara øki, og hóast vit á borgaralistanum koma úr ymiskum politiskum heraðs­hornum, síggi eg als ikki tað sum nakran trupulleika. Hetta snýr seg ikki um parta­ politikk, men um at tæna okkara felagskommunu sum best og mest, soleiðis at umstøðurnar hjá okkum øllum gerast tær bestu sum hugsast kunnu, sigur hann. Breiður veljaraskari Nývaldi borgarstjórin er takk­ samur fyri ta hjálp og tann stuðul, hann fekk í valstríðnum, bæði í familjuni, millum vinir og kring um í allari kommununi. - Eg royndi at vera sjónligur í valstríðnum. Eg vísti meg mill­ um fólk, prátaði við fólk, og eg hevði góð fólk at hjálpa mær og reka fyri meg, viðgongur Per Martin Gregersen, sum sigur seg vilja gera sítt til, at øll tey valdu í býráðnum verða saman um at lyfta tær uppgávur, sum liggja fyri framman. Á valkvøldinum vóru nógv fólk inni á gólvinum hjá unga manni­num í Norðragøtu, og tey vóru eisini mong, sum á annan hátt ynsktu honum tillukku við góða valinum. - Hóast eg eri ungur, havi eg eina kenslu av, at tær 122 at­kvøð­ ur­nar, sum fullu mær í lut, eru rætti­liga spjaddar, og tað eru fólk í øllum aldri, sum siga, at tey veittu mær stuðul. Tað eri eg serstakliga takksamur fyri, sigur Per Martin Gregersen, sum heldur tað vera hugaligt, at tað hesaferð eydnaðist at skipa ein sterkan borgaralista við ymiskum politiskum hug­ sjónum, sum fólk í breiðum høpi tóku undir við. Ein góð manning Nývaldi borgarstjórin ásann­ ar, at landspolitikkur og kom­ munal­politikkur er púrasta hvør sítt, og hann sigur seg ongan trupulleika duga at síggja við, at borgaralistin er ein saman­sjóðing av ymiskum polit­iskum hugsjónum. Hetta snýr seg um Eysturkommunu og eysturbúgvar í einari felags­ kommunu og ikki um lands­ - Mín áhugi fyri býráðsarbeiði er stórur og tíðin, eg eri sloppin at snodda til býráðsarbeiði í hesum valskeiði, hevur styrkt mín áhuga. Eg havi altíð sagt, at ætlar tú tær at gera mun á teimum økjum, tú brennur fyri, mást tú vera har, sum avgerðirnar verða tiknar, sigur Per Martin Gregersen, nývaldur borgarstjóri í Eysturkommunu BLAÐUNGUR BLAÐUNGUR MAÐUR MAÐUR VIÐ RÓÐRIÐ VIÐ RÓÐRIÐ Í EYSTURKOMMUNU Í EYSTURKOMMUNU