hósdagur 3. desember 2020síða 3

FRÍGGJADAGUR 4. DESEMBER 2020 SOSIALURIN 86 3 – SKIPANIN SKAL TAKA OKKUM INN Í 21. ØLD STEINAR PATURSSON T að var ein fegin Michael Boolsen, fúti, sum í dag fekk handað nýggju samskiftisskipanina, Kima, frá Føroya Tele. Tað var á vári í fjør, at Føroya Tele vann útboðskapping frá ríkis­løgregluni um at menna nýggja samskiftisskipan, og nú er arbeiðið so at siga komið á mál. Og tað er ikki hissini mál, sigur Michael Boolsen. – Skipanin skal taka okkum inn í 21. øld. Hon skal geva okkum teir møguleikar, sum tú hevur í dag sum vanligur borgari til at stroyma, senda myndir og so framvegis. Tað hava vit nú møguleika fyri at gera á skipanini, og tað fer at hava stóran týdning fyri okkum, sigur Michael Boolsen. Nýggja skipanin varð í fyrsta umfari handað løgregluni, og eftir ætlan skulu hinir partarnir av tilbúgvingina upp í skipanina sum skjótast. Men tað verður løgreglan, sum verður fyrsti partur at nýta skipanina í gerandisdegnum, og har fer hon at gera mun, metir Michael Boolsen. – Fyri tað fyrsta fáa vit eina støð­uga radioskipan, og tað er stórur fyrimunur. Fyri tað næsta fáa vit hesar møguleikarnar, sum verða greiddir frá í filminum, sigur hann og sipar til lýsingarfilmin, ið Føroya Tele hevur latið gjørt, sum greiðir frá teimum ymsu lutunum í skipanini. – Ein mynd sigur meira enn túsund orð, og um vit til dømis senda eina mynd, so kann vakt­ arleiðarin senda fólk avstað út frá teirri myndini, heldur enn at skula lýsa støðuna við nógvum orðum. Tað tekur nógva tíð, sigur Michael Boolsen. Tá spurdur um, hvørt løg­ reglu­fólkini hava fingið høvi at royna skipanina og tær ymisku "leikurnar", ið fylgja við, svarar fútin við einum brosi, at tað hava tey. – Tey eru heilt glað fyri tað, sigur Michael Boolsen, fúti. Kima til hvønn annan í tilbúgvingini Nýggja samskiftisskipanin, Kima, skal syrgja fyri, at ymsu partarnir í føroysku tilbúgvingini kunnu samskifta væl og lætt. Talan er um slóðbrótandi skipan um okkara leiðir STEINAR PATURSSON F øroya Tele handaði fyrra­partin hósdagin løg­regluni nýggju sam­ skiftisskipanina, sum Før­oya Tele hevur ment í sam­ starvi við svenska Ericsson. Neyðugt hevur verið við nýggjari samskiftisskipan, sigur Hans Jákup Langgaard, stjóri í FT Samskifti, tí higartil hava part­ arnir í tilbúgvingini havt hvør sína skipan, sum ikki kann samskifta tvørtur um hvørja aðra. – Einki samskifti er ímillum til­búgvingina í løtuni. Tað vil til dømis siga, at løgreglan og landssjúkrahúsið mugu ringja sína­millum, um okkurt er áfatt, tí tey hava onga felags útgerð. Nú kunnu tey við einari útgerð senda informatión sínamillum og samskifta, sigur Hans Jákup Lang­gaard. Hans Jákup Langgaard vísir eisini á, at tá tað hava verið venj­ ingar, ella neyðugt hevur verið við tilbúgvingini til okkurt meira álvarsligt, hevur samskiftið partanna millum altíð verið ein forðing fyri góðari tænastu, rætt og slætt tí partarnir hava ikki felags skipan at samskifta við. Skipanin kann nógv Men umframt at veita eina felags skipan til samskifti millum til­ búgvingarpartarnar, kann nýggja skipanin eisini so nógv meira, ger Hans Jákup Langgaard greitt. – Til dømis kanst tú fáa eitt gott yvirblikk við dronuni, sum verður sent til sentralin, sum sendir tað víðari til øll, sigur Hans Jákup Langgaard og vísir til dronuna, ið telist millum ta nógvu útgerðina, ið fylgir við skipanini. – Tað, sum tú hevur samskift við; video, boð og annað, tað verður goymt á einum servara. Til eftirmetingina kanst tú spæla alt tilfarið, og tú fært allar upplýsingarnar aftur. Valdu sterka útgerð Og tað er nógv útgerð, ið kann fylgja við skipanini. Men skipanin er bygd á ein standard, sum ger, at tað ber til at velja sær ta útgerð, ið tørvur er á, og útgerðin, sum sum er tikin í brúk eftir ynski frá løgregluni, er útgerð frá Sonim, sum er sterk, kraftig, og heldur væl, sigur Hans Jákup Lang­gaard og peikar móti nógva útbúnaðinum, ið Føroya Tele hevur frammi til framløguna. Grundskipanin handan ar­ beiðið hjá Føroya Tele kemur frá svenska Ericsson, og aftrat tí stóra arbeiðinum, ið longu liggur aftanfyri skipanina, skal Føroya Tele eisini veita tænastusupport 24 tímar um døgnið, tí tað er eitt krav. Framleiðslan av skipanini fer at mala runt hja Føroya tele, sig­ur Hans Jákup Langgaard og metir, at hon fer at kosta 10 til 12 milliónir komandi árini. Í dag var skipanin bert handað løgregluni, men ætlanin er, at øll tilbúgvingin skal knýtast uppí. Og tað skal henda, so skjótt teir ymsu partarnir eru klárir. –Tað kann vera innan fyri nakrar vikur. Og tað verður sløkki­ liðið, sum fyrst kemur aftrat, sigur Hans Jákup Langgaard.