hósdagur 3. desember 2020síða 7

FRÍGGJADAGUR 4. DESEMBER 2020 SOSIALURIN 86 7 UM AT FÁA KÆRLEIKSKÚLUNA – Tað er umleið ein mánaður liðin, síðani eg fekk at vita, at eg fór at fáa kærleikskúluna. Tá tey ringdu frá Dugna og spurdu, um eg kendi kærleikskúluna, helt eg, at tey nú fóru at bjóða mær at keypa nakrar kúlur til Sjóndepilin. Man heldur, at man arbeiðir í eini lítlari boblu, og tí er tað er heilt fantastiska stuttligt at fáa eitt slíkt herðaklapp. Eg eri bæði rørd og ovfarin. Nú hongur kærleikskúlan í stovuvindeyganum, og hetta fari eg at liva upp á í eina tíð, sigur hon glað. RUTH FEKK KÆRLEIKSKÚLUNA Á hátíðarløtu í Listasavni Føroya fríggjadagin 27. november varð nýggja kærleikskúlan hjá Dugna avdúkað. Tað er listamaðurin  Eli Smith (f. 1955), sum hevur sniðgivið nýggju kúluna. Tá Kærleikskúlan verður avdúkað, verður somuleiðis ein serligur heiður sýndur einum persóni ella felagsskapi, sum fær fyrstu kærleikskúluna. Hesin skal á onkran hátt hava verið við til at betra umstøðurnar hjá fólki við skerdum førleikum og hava víst serligt framfýsni og áræði, sum ávirkar virkisøkið hjá Dugna. Aftur í ár kundi almenningurin senda inn uppskot til, hvør skuldi fáa heiðurin og heili 89 uppskot komu inn. Stýrið fyri Dugna, sum eru Jórun Gardar, Elkin Klettheyggj, Magni á Deild Olsen, Tóra við Keldu og Martin Karl Olsen valdu at heiðra Ruth Thomsen, ráðgeva í Sjóndeplinum og forkvinnu í Blindafelagnum. Um fyrimyndina verður sagt: – Hon er ein góð, virðilig rødd, sum er ein fantastisk umboðan fyri tey, hon arbeiðir fyri. Hon ber eitt brek, sum er ein partur av henni, men hetta er tó ongin forðing fyri at gera eitt megnarverk fyri nógv onnur menniskju. Kortini sær hon ikki forðingar, men dugir at skapa møguleikar. – Hon er altíð til reiðar at hjálpa, og so er hon sera arbeiðssom og íðin, og hon steðgar ikki, fyrr enn málið er rokkið. – Henni hevur eydnast at varpa ljós á umstøður hjá fólki, ið eru blind ella sjónveik, og hon er ein góð og virðilig talskvinna. – Hon er sera menniskjalig og hevur eitt gott lívsmót, sum smittar á okkum onnur. – Hon hevur skipað fyri fleiri tiltøkum fyri at skapa eina fatan av umstøðunum hjá teimum, sum eru blind ella sjónveik. Júst henda fatanin er við til at betra umstøðurnar og víðka um møguleikarnar hjá teimum, sum hon umboðar. Eg havi ikki sæð børnini við mínum egnu eygum, síðani tey vóru um fimm- seks ára gomul. Yngsta sonin havi eg ongantíð sæð