hósdagur 3. desember 2020síða 35

11 Samrøða Broytingartilgongdin Niels Mortensen sigur, at tað skuldi ein tilgongd til at røkka málinum. Atlantsflog var eitt vælrikið felag og bæði stjórin tá, Magni Arge, og starvsfólkini høvdu gjørt eitt gott arbeiði, men nú skuldu broytingar henda. Tað endaði við, at táverandi stjórin varð sagdur úr starvinum og ein nýggjur stjóri varð settur, danin Jørgen Holme. Valið av nýggja stjóranum fekk ikki nakra serliga góða móttøku í almenninginum, men nevndarformaðurin sig­ ur, at ætlanin alla tíðina var, at hann bert skuldi sita eitt styttri tíðarskeið, - Hann skuldi ganga á odda fyri rationaliseringunum í felagn­um og leggja rutunetið um, meðan hann var stjóri. Tað tók rættuliga langa tíð, tiil almenningurin fekk nakað at vita um broytingarnar, sum fóru at koma, men tað var arbeitt málrættað við broytingunum. - Tað var rættuliga nógv órógv og nógvar atfinningar móti okkum ta tíðarskeiðið. Eg var á nógvum fundum við fólk og fyritøkur, men vit hildu tíbetur fast og tað endaði við einum fundi í hangarinum á flogvøllinum, har vit løgdu ætlanirnar fram, sigur Niels Mortensen. Norðurruturnar vóru settar í gongd og sum felagið tá segði, so kom Atlantsflog heim. - Ja og prísirnir fóru eisini rættuliga nógv niður. Nú bar eisini til at fáa tilboðsprísir alt árið – nakað sum ikki var fyrr. Eg haldi, vit í dag kunnu siga, at fólk tóku rættiliga væl ímóti broytingunum, sigur Niels Mortensen. Nýmótansgjørdu flotan Ferð var sett á at nútímansgera flotan av flogførum hjá felagnum undan hesum hendingunum. Felagið hevði í mong ár flogfør frá British Aerospace, men tey fyrst flogførini frá Airbus-verksmiðjuni vóru farin at flúgva fyri føroyska felagið. Ein partur av felagnum er eisini tyrluflúgving – bæði við ferðafólki, men eisini sum bjargingarflúgving. Felagið hevði tyrlur av merkinum Bell 412, men sambært nevndarformanninum, so vóru tær ikki serliga egnaðar til umstøðurnar í Føroyum. - Var veðrið eitt sindur sjaskut, so kundu tær ikki flúgva við ferðafólki. Var tað bjargingararbeiðið, so kundu tær sjálv­andi leggja meira fyri, men tær vóru ikki tað besta, sigur nevndarformaðurin. - Tí fóru vit í samráðingar við landið um ein sáttmála um bjarging. Hesin sáttmáli segði, at tyrlurnar skulu standa klárar til bjarging 24/7. Vit kundu tá keypa nýggjar tyrlur og í dag eru vit ómetaliga væl fyri við tyrl­ unum, bæði tá ið tað snýr seg um oyggjaflúgving og bjarg­ ing­arflúgving, sigur Niels Mortensen. Felagið fekk eisini fleiri nýggj flogfør og í dag er flotin hjá felagnum tann mest nýmótans í Evropa. - Men tað er neyðugt, tí umstøðurnar í Føroyum eru rættuliga torførar at arbeiða í, sigur hann. -Í dag er tað soleiðis, at fólk grenja um vit eru ein hálvan tíma seinkaði. Tað er gott, tí tað vísir hvussu gott okkara reglusemi annars er, sigur hann. Kapping Atlantsflog fekk aftur kapping, tá ið SAS fór at flúgva uppá Føroyar. Tá lækkaðu ferðaseðlaprísirnir aftur. -Tað er rætt, men eg má undirstrika, at prísirnir vóru lækkaðir áðrenn SAS fór at flúgva, sigur nevnddarformaðurin. Nýggjasta beinið hjá føroyska flogfelagnum er Hotel Hilton Inn í Havn. Hann sigur, at Føroyar eru blivnar eitt ferðafólkaland. Her var ein fløskuhálsur við gistingarmøguleikunum, so farið var undir at byggja eitt hotel í Havn. -Vit valdu at gera hetta. Ikki fyri at gera meira av tí sama, men fyri at royna at fáa onnur ferðafólk hendanvegin enn fólk úr Evropa, men eisini úr USA og úr Asia, sigur Niels Mortensen. Hann sigur, at Visit Faroe Islands hevur gjørt stór átøk og fingið nógv fólk til Føroya úr fyrst og fremst Evropa. Hann ivast ikki í, at gistingarhúsini sum nú eru fara at hava ovmikið at gera. -Vit royna at fáa fólk hendanvegin gjøgnum Hilton- ketuna, sum er sterk í USA og Asia. Hetta er fyri ikki at gera meira av tí sama. Korona hevur sjálvandi broytt viðurskiftini í ár, men nevndarformaðurin sigur, at hann ikki ivast í, at øll gistingarhúsini fáa nóg mikið av gestum, tá ið korona er farin afturum. -Nú eru fleiri góð hotel í Havn og tað er sjálvandi ein partur av ferðavinnuni at vit hava hesar gistingarmøguleikarnar. Tað er grundarlagið undir ferðavinnuni. -Vit fáa skotið í skógvarnar, at vit eru eitt alment partafelag, men vit arbeiða eftir partafelagslógini – eins og øll onnur partafeløg. -Sjálvur haldi eg, at Atlantsflog í dag er eitt moderna felag, sum vit sum føroyingar kunnu vera stoltir av, sigur Niels Mortensen, sum altso hevur sitið sum nevndarformaður síðani 2013. Fundurin í hangarinum í Vágum varslaði nýggjar tíðir Atlantsflog flýgur nú við við Airbus-flogførum. rðaseðlum