týsdagur 8. desember 2020síða 8

Mikudagur 9. desember 2020 · Nr. 87 8 Sosialurin Hugskot og viðmerkingar – send sms til 225000 TÍÐINDI Terji Nielsen Myndir: Álvur Haraldsen Fyrrapartin mánadagin var stórt hátíðarhald á Bursa­tanga í Havn, tá ið nýggja avloysaraskipið hjá Strandferðsluni, Erla Kongsdóttir, bleiv navn­ givin og var fram­sýn­ ingar­túr. Fyrsta tríkiljan í Føroyum Tað var dóttir Jør­gen Niclasen, lands­stýris­ mann, Ásvør Vest Nicla­ sen, sum navngav nýgg­ja skipið hjá Strand­ferðslu­ ni. Erla Kongsdóttir er ein tríkilja, og er hetta fyrstu ferð, at ein slík verður roynd í føroyskum sjógvi. Harumframt er talan um eitt skip, sum kann sigla grønt. Tað merkir, at skip­ ið kann í avmarkaða tíð sigla uttan at brúka olju, men bara við elmotorum ístaðin. Í talu síni segði Hil­mar Eliasen, stjóri á Strand­ ferðsluni, at tað var Jørgen Niclasen, lands­ stýriusmaður, sum kom við navninum til nýggja skipið. Navnið Erla Kongsdóttir er ikki ókent í ættini hjá lands­stýris­ manninum, tí abbabeiggi Jørgen Niclasen, Dánjal Nicla­sen, taldist millum teirrra, sum stutt eftir sein­na veraldarbardaga tóku stig til at fáa fyrsta før­oyska flogfarið, og tað flog­farið fekk navnið Erla Kongsdóttir. ERLA KONGS­ DÓTTIR DOYPT OG SETT Í SIGLING Mánadagin fekk nýggja avloysara­ skipið hjá Strandferðsluni, Erla Kongsdóttir, formelt navnið hjá sær, og mánakvøldið bleiv skipið sett í sigling Terji Nielsen Stjórin á Strand­ ferðsluni, Hilmar Elia­ sen, var ein glaður mað­ ur mánadagin, tá ið nýggja avloysaraskipið hjá Strandferðsluni, Erla Kongsdóttir, bleiv navn­givið og var fram­ sýn­ingartúr. Vit hjá Strand­ferðslu­ ni hava í mong ár víst á, at tað hevur verið tørvur á einum eykabáti, sum kann koma inn og loysa av, tá ið hini skip­ini annaðhvørt eru á beding ella av aðrari orsøk tikin úr sigling, sigur Hilmar Eliasen. Kunnu veita eina betri tænastu At hava fingið eitt skip, sum er tókt bein­an­ vegin, tá ið onnur skip verða tikin úr sigling, hevur nógv at siga fyri Strand­ferðslu­na. Hetta gevur okkum ein betri fleksibilitet og alt annað líka eitt hægri tænastustøði, tí okkara viðskiftafólk fara beinan vegin at fáa eitt avloysaraskip inn á tær farleiðir, ið tey nýta, sigur Hilmar Eliasen. Spurdur um ikki tað er eitt sindur váðið at keypa eina tríkilju til at sigla í føroyskum sjógvi, heldur Hilmar Eliasen, at tað er tað ikki í hesum førinum. Hendan tríkiljan er bygd soleiðis, at hon tolir meiri aldu enn vanligt. Hevði hon verið bygd til bryggjukantarnar, soleiðis sum teir eru í dag, so høvdu sigl­ing­ ar­dagarnir verið nógv færri. Hendan er eitt sindur hægri, og tað má hon vera fyri at aldur­nar ikki skulu sláa uppundir. Tí er tað, at vit siga, at tillagingar mugu til á bryggjukantarnar í Føroyum, har hon skal sigla, sigur Hilmar Elia­ sen. Hann leggur afturat, at Erla Kongsdóttir er bygd til hægstu aldu­ hædd, men hon er bara best egnað til Nóls­oyar­ leiðina. So hvørt sum bryggj­ urnar verða til­lag­aðar kring landið, so fær hon eisini lagt at har, sigur stjórin á Strand­ ferðsluni. Ferðavinnan krevur skip nummar tvey Hilmar Eliasen sigur, at hendan loysnin, sum man hevur valt, eisini byggir á, at man við tíðini fær fleiri skip av slíkum slag, um tey royn­ast væl. Fáa vit fleiri skip, sum eru líka, so verður tað eisini lættari at viðlíkahalda alt. Og skulu vit inn í eina verul­iga ferðavinnu, so mugu vit hava skip numm­ar tvey, tí hesin verður rættiliga bundin av, at onnur skip eru í dokk, sigur Hilmar Eliasen. Hann leggur afturat, at Strandferðslan hevur longu gjørt samstarv við ymsar veitarar í Føroyum, so man alla­ tíðina kann halda alla servisering til Erlu Kongs­dóttir. Hetta gevur okkum fleksibilitet HILMAR ELIASEN: