hósdagur 10. desember 2020síða 8

FRÍGGJADAGUR 11. DESEMBER 2020 SOSIALURIN 88 8 - Eg havi altíð havt stóran áhuga fyri tí, sum rørist í lokalsamfelagnum, og nú eg eri leys av handlinum, og dóttirin er vaksin, helt eg, at løtan var hin rætta. Nú havi eg bæði tíð og orku til at gera mína ávirkan galdandi, og eg ætli mær eisini at ganga upp í starvið sum borgarstjóri við lív og sál, sigur nývaldi borgarstjórin í Sørvágs kommunu VILMUND JACOBSEN H on er fødd hin 12. mars í 1964. Foreldrini eru Oda og Havstein Ellingsgaard í Runavík. Tað var her, hon sleit sínar barna­skógv­ ar og vaks upp. Sum 24 ára gomul fekk hon starv sum flogterna hjá tá nýstovnaða før­ oyska flogfelagnum, Atlantic Airways, sum fleyg fyrsta túrin á føroyskum veingjum hin 28. mars í 1988. - Tað var júst henda dag fyri meira enn 32 árum síðan, at eg kom vestur í Vágar og skuldi við sum flogterna á fyrsta túri, og eg havi verið í Vágum síðan. Vit, sum høvdu fingið starv sum flogternur, høvdu verið á skeiði i januar og februar sama ár hjá Cimber Air, ið hjálpti Atlantic Airways í gongd. Í byrjanini flugu flogskiparar hjá Cimber Air føroyska flogfarið, og einasti føroyski flogskiparin, sum tá var knýttur at Atlantic Airways, var veteranurin, Hans Hansen. Tvær flogternur hjá Cimber Air flugu eisini saman við okkum tær fyrstu vikurnar, men donsku flogskipararnir vóru her yvir eina longri tíð. Hetta vóru alt roynd og dugnalig fólk, og Hans Hansen hevði drúgvar royndir við flúgving í Noregi. Tað sigur 56 ára gamla, Eyð Ellingsgaard, sum frá 1. januar 2021 verður nýggjur borgarstjóri í Sørvágs kommunu. Hon hev­ ur ongantíð verið uppstillað áður, men á komm­unuvalinum í november gjørdist hon topp­skorari við 126 persónligum atkvøð­ um. Varaborgarstjóri tey næstu fýra árini verður Elsebeth Davidsen, sum fekk 58 at­ kvøður. Sjey bygdaráðslimir eru í Sørvágs komm­ unu, sum umframt Sørvág eisini fevnir um Bø, Gásadal og Mykines. Tað var stórt Flúgving sum føroysk vinna hevur verið ein stórur partur av lívinum hjá komandi borgarstjóranum, tí tað var ikki fyrr enn í 2002, at hon gavst hjá Atlantic Airways. Tá høvdu hon og Sigurd Jan Tavsen í 1999 fingið eina dóttir, Biritu Ellingsgaard, sum í dag er 21 ára gomul, og Eyð Ellingsgaard helt, at nú vildi hon vera meira heima hjá familjuni. - Eg gjørdist sera glað, tá eg í sínari tíð fekk at vita, at eg hevði fingið starv sum flogterna. Tað var rættiliga stórt fyri meg at sleppa at vera við til at byggja upp eitt føroyskt flogfelag. Vit arbeiddu nógv, og vit vóru sum ein familja, ið gav seg 200 prosent fyri felagið. Hóast eg gavst í 2002, eru tað framvegis fleiri, ið seta meg í samband við mítt starv sum flogterna. Eg haldi, eg má siga, at tíðin, eg fleyg fyri Atlantic Airways, hevur verið besta tíðin í mínum lívi. Eyð Ellingsgaard vísir á, at tað var eingin møguleiki hjá henni at búgva í Runavík og røkja starvið sum flogterna, men hetta broyttist sjálvsagt alt, tá Vágatunnilin kom í 2002. - Sum partur av okkara arbeiði høvdu vit eisini stand-by vaktir, har tú skuldi kunna møta til arbeiðis innan ein tíma. Talan kundi eitt nú vera um forfall ella sjúkraflutning, og tað kom meira enn so fyri, at tú varð tilkallað á vaktini. Síðan til Smyril Line Eftir at hava starvast fyri Atlantic Airways sum flogterna øll árini frá 1988 til 2002, fór Eyð Ellingsgaard í starv hjá Smyril Line á hálvari tíð. Her var hon í sløk trý ár, og henni dámdi væl hjá felagnum. - Tá eg byrjaði hjá Smyril Line, var Vágatunnilin ikki latin upp, men hin 10. desember sama ár fingu vit fast samband. Áðrenn tunnilin læt upp, hevði eg langar dagar burtur frá húsum, tí dagurin mátti tillagast Sam, sum sigldi um Vestmannasund. Men, tað var ein fantastisk broyting og eitt stórt framstig, tá fasta sambandið kom. Við nýggja sambandinum tók tað mær trý korter at koyra til og úr arbeiði, og tú kundi koyra millum Vágar og meginlandið, tá tú hevði hug. ... Eg eri nýggj í hesum starvi, men eg eri partur av einum góðum liði og einari góðari umsiting... FLOGTERNAN ÚR RUNAVÍK SUM GJØRDIST BORGARSTJÓRI