hósdagur 17. desember 2020síða 12

FRÍGGJADAGUR 18. DESEMBER 2020 SOSIALURIN 90 12 - Eg kenni meg at eiga ein lut í rundkoyringini Sum landsstýriskvinna í innlendismálum legði Annika Olsen stóra dent á, at Eysturoyartunnilin skuldi upp á báðum ørmum við Skálafjørðin. - Styrkin í verkætlanini var at binda báðar armarnar saman, sigur borgarstjórin í Tórshavnar kommunu VILMUND JACOBSEN A nnika Olsen, borg­ar­ stjóri í Tórshavnar kommunu, sigur, at um vit eina lítla løtu gloyma størstu avbjóðingina við Eysturoyartunlinum, sum verður økta ferðslan, so verður tunnilin, ið letur alment upp leygardagin, eitt fantastiska stórt framstig fyri Føroyar. - Tað er ótrúliga stórt, at ein so stórur partur av Føroyum, sum Skálafjørðurin og alt norðurøkið er, verður knýtt tættari at Havnini. Hetta er ógvuliga spennandi, og hetta fer at geva rúm fyri nógvum nýggjum - bæði hugsandi og óhugs­andi - møguleikum, sigur borg­arstjórin. Fær stóran týdning Í einari handavend hugsar Annika Olsen bæði um handilsmøguleikar, renovatión, skúla og eldraøkið - ja, her verður ein hópur av nýggjum møguleikum, sum lata seg upp. - So sanniliga fer Eystur­oy­ar­ tunnilin eisini at fáa stóran týdn­ ing fyri fólk á Skálafjørðinum og aðrastaðni í norðurøkinum, sum arbeiða í Havn, eins og tað verður munandi styttri hjá fólki í høvuðsstaðnum at vitja handilsøkið á Skálafjørðinum og í norðurøkinum annars. Borgarstjórin vísir á, at ikki minst fyri flutningsvinnuna kem­ur tunnilin at fáa ein velduga stór­an týdning - við styttri farleið, sum merkir spardari tíð og minni sliti á bilar og vegir. - Sum borgarstjóri í Tórshavnar kommunu eri eg leygardagin bjóðað við til hátíðarhaldið við ser­merktu og fantastiska flottu rund­koyringina, og her eri eg eis­ ini biðin at siga nøkur orð, sigur hon, samstundis sum hon gleðir seg til hátíðarhaldið. Privat gjørdist alment Sum landsstýriskvinna í inn­ lendis­málaráðnum ar­beiddi Ann­ika Olsen nógv við tí fyrsta upp­skotinum um Eysturoyar­ tunn­il, og hetta endaði við ein­um lógaruppskoti um eina priv­ata loysn, sum løgtingið sam­tykti við 25 atkvøðum fyri í 2011. Tá høvdu Føroyar eins og meg­in­ part­urin av heiminum verið í ein­ ari fíggjarkreppu, sum gjørdist drúgv­ari enn mong høvdu væntað. Tískil fekst ikki neyðug fígg­ing til ta privatu verkætlanina, sum soleiðis datt niðurfyri. - Úrslitið gjørdist, at eitt al­ ment partafelag varð stovnað, sum skuldi byggja bæði Eyst­ur­ oy­ar­tunnilin og Sand­oyartunnilin. Mun­urin á hesum báðum verk­ætl­ anum var jú, at við privatu loysn­ ini hefti landskassin ikki fyri ein­ari krónu, og her var soleiðis einki landskassaveðhald, leggur hon aftrat. Helt fast um rundkoyring Nú sermerkta og flotta rund­koyr­ ingin í Eystur­oyar­tunlin­um hevur fingið so nógv uppmerksemi, kennir Annika Olsen seg sum tá­ ver­andi landsstýriskvinnu at eiga ein ávísan lut í, at tunnilin fekk eina so fantastiska rundkoyring. - Eg var við í nógvum sam­ráð­ ing­um um privatu verk­ætlanina, og her var nógv snakkað um trygd­ina í tunlinum. Eg legði alla tíð­ina stóran dent á, at vit áttu at lurta eftir fólkinum á báðum ørm­um við Skálafjørðin. Styrkin í verkætlanini var at binda báðar armarnar saman, og eisini her legði eg stóran dent á, at vit skuldu hava eina rundkoyring, haðani ein armur fór upp á eysturarminum við Skálafjørðin - og ein annar fór upp á Strondum. Sum kunnugt mælti Landsverk til heldur at byggja eina brúgv millum Saltnes og Strendur, men hesum settu eisini kommunurnar við Skálafjørðin seg upp ímóti, tí hetta hevði avmarkað framtíðar atgongdina til Skálafjørðin, sum Føroya størstu náttúruhavn. Ein long tilgongd Sum landsstýriskvinna legði Ann­ ika Olsen stóran dent á, at fólk á báðum ørmum við Skálafjørðin vórðu hoyrd, og hon helt tað vera púrasta burtur við, um Eyst­ur­ oyartunnilin ikki bæði kom upp á eystara-og vestara armi á Skála­ fjørð­inum. - Eg eri sannførd um, at um eg ikki stóð rimmarfast við rund­ koyr­ingina, so kundu vit tað sama havt mist hana, og so er eisini spurn­ingurin, hvussu tað hevði verið við sambandinum millum Salt­nes og Strendur. Borgarstjórin vísir á, at tá so priv­ata verkætlanin ikki bar á mál, og vit fingu eitt alment partafelag, sum skuldi byggja tunlarnar, livdi rundkoyringingin víðari í teirri verkætlanini eisini, tíbetur. - Eysturoyartunnilin er ein long tilgongd, sum í fyrsta lagi hug­sjón­ ar­menn við Skálafjørðin birtu und­ir, og nú henda verkætlan er liðug og verður alment tikin í nýtslu leygardagin, eri eg ómeta­ liga glað - ja, eg haldi, at henda verk­ætlan er so fantastisk, at hon heilt avgjørt fer at fáa aft­ur­ ljóð kring um heimin, sigur borg­ ar­stjórin. - Eg eri sannførd um, at um eg í landsstýrinum ikki stóð rimmarfast við rundkoyringina, so kundu vit tað sama havt mist hana, sigur Annika Olsen, borgarstjóri, sum eisini hevur verið landsstýriskvinna í innlendismálum ... Eg haldi, at henda verkætlan er so fantastisk, at hon heilt avgjørt fer at fáa afturljóð kring um heimin...