mikudagur 5. januar 2005síða 8

8 Nr. 2 - 5. januar 2005 Nú um dagarnar kom Ása Andreasen úr Havn við einum heldur øðrvísi hugskotið um, hvussu føroyingar eisini kunnu gera mun í hjálpararbeiðinum í fjareystri ÁHEITAN Anna V. Ellingsgaard anna@sosialurin.fo »Fríggjadagin 7. januar 2005 millum 11.00-12.00 arbeiða vit øll ókeypis. Lønin fyri hendan tíman fer ístaðin til ein hjálparfelags- skap, sum tit á tínum ar- beiðsplássi verða samd um at tit vilja stuðla.« Soleiðis ljóðar áheitanin frá Ásu Andreasen, sum er ein av teimum mongu, sum ikki fær rist óhugnaligu sjónvarpsmyndirnar frá vanlukkuøkinum av sær. Og tað er hon í grundini takksom fyri, tí hon er vís í, at áhaldandi myndirnar hava fingið fólk at raknað við – Var tað ikki fyri allar hesar ræðuligu myndirnar – serliga tær frá CNN og BBC – hevði hendan áheitan helst ikki komið frá mær beint nú. Tað ber stutt sagt ikki til at lata eyguni aftur longur, tí við sjón- varpsmyndunum er hettta annars so fjara økið knapp- liga komið inn í stovnunar hjá okkum øllum, sigur Ása Ein tími fyri lív! Ása hevur givið sínum hugskoti heitið »Ein tími fyri lív!« Tankin er, at tú ar- beiðir á tínum vanliga arbeiðsplássi ein tíma, men ístaðin fyri, at tú fært løn fyri hendan tíma, verður tímalønin send einum hjálparfelagsskapi. Tú ar- beiðir ein tíma og ert so- leiðis við til at bjarga lív- um! – Um nóg nógv gera hetta, um vit fáa breitt hug- skotið út um landoddarnar eisini, hjálpa vit nógvum 1000 menniskjum. Og vón- andi kann hugskotið verða eitt afturvendandi átak, so at hjálparandin ikki bara hvørvir við tímanum fríggjadagin. Tað vilja altíð vera menniskju, ið hava brúk fyri hjálp, og hetta kann so verða ein máti at hava tey í huga aðrar tíðir enn bara í einum so ovur- honds stórum sorgarleiki, sum hesum, sigur Ása Symbolskt virði Hetta skal als ikki skiljast sum, at eg haldi mítt hug- skot vera betri enn øll hini, leggur Ása dent á. Sjálv heldur hon at vit hava ráð til at geva eitt íkast til hjálp- ararbeiðið bæði við at fara til konsertir, stuðla inn- savningini hjá Reyða Krossi umframt at lata eina tímaløn. Men »Ein tími fyri lív« hugskotið hevur eisini eitt symbolskt virði, heldur hon. – Tankin var, at tað skuldi vera einfalt og lætt, men samstundi hava ein djúpri týdning. Tá øll soleiðis sita og arbeiða á sínum vanliga arbeiðsplássi, uttan at nak- að hendir út yvir tað van- liga, trúgvi eg, tey flestu fara at lata tankarnar leita til tey, sum tímalønin fer til beint nú, sigur Ása, sum vónar at starvsfólk og ar- beiðspláss fara at taka væl ímóti hugskotinum. Tey hava ikki rópt hart upp um skúlan, men í komandi viku kann kristiligi felags- skapurin Youth With a Mission taka ímóti fyrstu næmingunum. Tey hava ognað sær eini sethús á Tvør- oyri, har sjey ungfólk, harav ein úr Vietnam, nú seta hvørjum øðrum stevnu við Bíbliuni í hond UNDIRVÍSING Snorri Brend Tað er ikki hvønn dag at farið verður undir nýggjar skúlar í Føroyum. Men mánadagin í komandi viku verður ein nýggjur skúli veruleiki á Tvøroyri. Henda dagin fara sjey næmingar at seta hvørjum øðrum stevnu í einum húsum á Hvítanesi, sum kristiligi felagsskapurin Youth With a Mission (stytt: YWAM) hevur keypt til endamálið. Teir flestu næmingarnir eru føroyingar, men eisini útlendingar hava víst áhuga fyri hesum nýggja skúlan- um. Gongst sum ætlað kemur nevniliga ein næm- ingur heilt úr Vietnam at ganga í skúla á Tvøroyri. Hóast hetta er fyrsti skúl- in av slíkum slagi í Føroy- um, so hevur YWAM fleiri slíkar skúlar kring allan heimin. Upplýst verður, at einir 10.000 næmingar taka henda skúlan á hvørjum ári kring allan heimin. Fleiri føroyskir ungdóm- ar hava gjøgnum árini verið á slíkum lærusveinaskúlin í øðrum londum. Ein slíkur skúli finst í Noregi, sum fleiri føroyingar kenna. Fyri fáum árum síðani var ein miðvingur á hesum skúlanum, har hann sum ein partur av einum teami m.a. vitjaði í vesturafri- kanska landinum Mali. Óansæð um skúlin liggur á Tvøroyri, Noregi ella øðrum heimspørtum, so er endamálið tað sama, nevni- liga at menna næmingarnar til eina tænastu í Guds ríki, úti og heima. Heima og úti Fólk á Tvøroyri hava helst lagt merki til eitt økt virk- semi í einum av sethúsun- um á Hvítanesi. Her hava fólk frá felagsskapinum nevniliga arbeitt í eina tíð við at fyrireika móttøkuna av teimum sjey næmingun- um. Nú er alt tilbúgvið, og mánamorgunin byrjar so undirvísingin, sum fer at halda fram til 28. juni í ár. Og tað er ikki hissini upp- livingar, sum bíða hesum sjey næmingunum. Skúlatíðin verður nevni- liga skipað í tveimum, - ein partur við undirvísing og upplæring, meðan ein í hinum partinum fer í onnur lond at virka innan missión. Tann seinasta vikan er sett til eftirmeting av skúlatíð- ini. Av tí at næmingarnir ikki bert koma at verða í Før- oyum, er kostnaðurin eisini hareftir – 35.000 kr. Í hes- um er gjald fyri undirvís- ingina, undirvísingartilfar, mat, uppihald og ikki minst fyri ferðingina í onnur lond. Lovsangur og missión Fyri at kunna hava ein skúla av slíkum slagi og eina undirvísing á røttum støði, er sjálvandi neyðugt við undirvísarum. Av tí at skúlin er tvímæltur, verður undirvísingin bæði á ensk- um og á føroyskum máli av bæði føroyskum og út- lendskum undirvísarum. Mong áhugaverd evni verða tikin fram, m.a. um Guds persónleika og eyð- kenni, um profetiska bøn og um lovsang. Eitt annað av stóru evnunum er um heimsáskoðanina í Bíbliuni og um heimsmissión. Hetta seinasta er jú ein natúrlig fylgja av at næm- ingarnir í helvtini av skúla- tíðini skulu út í onnur lond at virka. Her verður undir- vísingin skipað sum bønar- hald fyri tí landinum, sum Gud leggur teimum á hjarta at fara til. Úr Vietnam Hesin føroyski lærusveina- skúlin er higartil royndur tvær ferðir í Havn. Úrslitið hevur verið so mikið gott, at ein í YWAM nú leggur til brots á triðja sinni. Endamálið við undirvís- ingini er at tann einstaki næmingurin skal mennast, bæði andaliga og menniskj- ansliga. Talan er jú um ein altjóða skúla, og tí er ynsk- ið at útlendingar eisini verða við, soleiðis at ein frá ymiskum bakgrundum, tungumálum og mentanum koma at búgva og virka saman. Ætlanin er, at ein næm- ingur skal koma ta longu leiðina úr Vietnam til skúl- an á Tvøroyri. Men tá vit mánadagin høvdu samband við leiðsluna fyri skúlan, vóru ikki øll viðurskiftini við innferðarloyvinum fingin til vega. - Vit miðað tó eftir, at alt hetta fer at laga seg, so at hesin vietnamesarin kann fara úr heimlandi sínum mikudagin, sigur Sanna Hammer, umboð fyri YWAM í Føroyum. Nýggjur skúli byrjar á Tvøroyri mánadagin Tvøroyri verður karmur um nýggja altjóða og kristiliga skúlan, har næmingar úr fleiri londum fara at ganga Eina tímaløn til tey neyðstøddu Ása Andreasen