mikudagur 5. januar 2005síða 22

22 Nr. 2 - 5. januar 2005 Hóskvøldið í seinastu viku var ein nýggjárs- konsert í Atlantis í Klaksvík. Ingibjørg, Mása, Karl Martin, Pætur, Steinvør og Arnfríð serveraðu ein vælblandaðan cockta- il við bæði festligum, stillum, blues og upp poppaðum klassisk- um sangum KONSERT Myndir: Bárður Lydersen Solby A. Eliasen solby@sosialurin.fo Klaksvík: Jólakonsertin í Christians- kirkjuni hevur í mong ár verið startskotið til jólini. Ikki hava klaksvíkingar gjørt so nógv burtur úr nýggjárinum framman und- an sjálvum gamla árs kvøldi, men í ár var nýggj- árskonsert hildin í Atlantis. Tað var ein frálík konsert, har fleiri kend nøvn fram- førdu festligar, stillar og nýggjárs sangir. Alt gekk upp í eina hægri eind, og tað var veruliga nýggjársstemn- ingur í mentanarhúsinum hesar tveir tímarnar konsert- in vardi. Einstaklingar og bólkar framførdu saman við einum væl uppløgdum húsaorkestri. Vertur var Gunnar Nolsøe. Teknikkurin argaði tó nakrar ferðir í gjøgnum kon- sertina. Av eini ella aðrari orsøk var tað í heilum, at mikrofonir ikki virkaðu, sum tær skuldu, tá tónleik- ararnir tóku tær. So hoyrdist øll ljóðførini hjá húsaork- estrinum ikki og ymiskt annað við. Hetta ørkymlaði óneyðuga nógv og gjørdi sítt til, at nakað langt var millum framførslurnar av og á. Fólkið í salinum tóktiskt tó ikki at nervast so nógv av tí, men fleiri høvdu hug at flenna til tíðir og ristu við høvdinum sum hvør skal siga: Hatta er bara typiskt teknikkur. Men teknikkurin var eis- ini tað einasta, sum argaði hetta kvøldið. Og tá alt riggaði, sum tað skuldi, fingu áhoyrararnir eina framúr góða og hugnaliga konsert. Kvinnurøddir Trettan ára gamla Ingibjørg Hansen úr Mikladali byrj- aði konsertina. Tað er við at vera hennara lutur eftir- hondini. Hon byrjaði eisini jólakonsertina í Christians- kirkjuni, og tað letur ikki til at nerva ungu gentuna yvir- høvur, at hon er tann fyrsta á pallin. Púra rólig og brosandi stóð hon á pallinum og bíðaði, til alt var tilreiðar, og hon kundi byrja at syngja lagið Crazy hjá Patsy Kline. Hetta er tað lagið, sum hon vann Nósa- barnaprixið við. Hennara tulking av hesum klassikar- anum er sera góð, og røddin hjá Ingibjørg má sigast at vera sum skapt til hetta lagið. Eftirhondini munnu tað vera mong, ið hava hoyrt Ingibjørg syngja hetta lagið, so tað var ein fragd at hoyra hana framføra kenda lagið Blue Bayou. Aftan á Ingibjørg kom Mása Tróndheim, sum vann Ársins Songrødd fyri tveim- um árum síðani. Mása hevur eina blueskenda rødd, sum á ein ella annan hátt bara fær fólk at kenna seg væl, meðan hon syngur. Mása sang tríggjar sangir, Diamond Ring, Winter´s Tale og Fields of Gold. Á konsertini sungu Stein- vør Fonn, Unnur Fonn, Erla Petersen, Súsanna Sivert- sen og Tóra við Keldu eis- ini. Steinvør greiddi frá, at tær fimm plaga at syngja saman av og á – umframt at allar eru í kvinnukórinum Suð. Fyrst sang Steinvør Christmas Song. Síðani sungu tær eina sirpu við I´ll be home for Christmas, Hallelujah úr Messias og so Down by the Riverside. Arnfríð Lützen sang tveir sangir. Tann fyrri var Once upon december og hin Leave a light on for me hjá Belindu Carisle. Til tann seinna fekk hon tríggjar afturat sær at syngja kór. Eivør yvirraskaði Karl Martin Samuelsen, sum nú hevur staðið á palli í 30 ár, luttók eisini á konsertini, og hann sang Love will keep us alive, Make up your mind og My one true love. Umframt at syngja dugir Karl Martin eisini sera væl at undir- halda. Tá hann var klárur at syngja, segði hann, at hann líka mátti hava sín førara- hund. Síðani bríkslaði hann eftir honum, og upp úr skjúrtulummanum tók hann so brillurnar. Hetta við at Karl Martin er komin nak- að longri upp í árini enn hinir luttakararnir á kon- sertini gekk so aftur í hans- ara viðmerkingum fleirir ferðir millum sangirnar. Pætur við Keldu byrjaði við at syngja ein sang, sum honum dámar avbera væl. What a wonderful world. Síðani fekk hann óvæntaða vitjan á pallin. Beddi við mandolin, Tóra systirin at syngja kór og Eivør Páls- dóttir. Saman sungu tey Beautiful star of Bethlehem og Field of Gold. Eivør var ógvuliga avslappað, berføtt sum vanligt í einum reyðum kjóla og hárið hekk púra leyst niður. Framførslan hjá teimum var sum væntað góð, og enn einaferð varð staðfest, at Eivør og Pætur supplera væl hvønnannan. Nýggjárskonsertin í At- lantis endaði við, at allir sangararnir sungu kenda nýggjárssangin hjá ABBA, Happy new year. Kvinnur- nar sungu versini, meðan øll sungu niðurlagið. Ein stak góð konsert var komin at enda. Men tó vildu teir um 100 áhoyrararnir hava eitt eykalag. So enn eina- ferð trinu Eivør og Pætur á pallin, áðrenn konsertin var liðug, og fólk kundu fara út aftur í illveðri, sum leikaði í uttanfyri. Nýggjárstónar í Atlantis Fýra kvinnur og tveir menn gjørdu sítt til saman við húsaorkestrinum at nýggjárskonsertin í Klaksvík livdi upp til sítt heiti Steinvør Fonn var væluppløgd hetta kvøldið, og hon má sigast at hava eina fantastiska góða rødd. Hon útstrálar eisini ein alsk til tónleikin, sum lýsir av henni, tá hon stendur á palli