týsdagur 11. januar 2005síða 13

Nr. 6 - 11. januar 2005 13 NØVN Í VIKUNI Telefon 341800 - Fax 341801 - Fartelefon 216135 e-mail: maggi@sosialurin.fo Á hesum síðum bera vit tíðindi um merkisdagar, so sum rundar føðingardagar, brúdleypsdagar, starvssetanir o.t. Dagurin 11. januar. Hyginus, deyður umleið ár 142. Valdur pávi í 138, men varð fyribeindur, tá ið keisarin Antonius Pius forfylgdi teimum kristnu Í dag, týsdagin 11. januar 2005, hevur Hermundur Zachariassen á Argjum 30 ára starvadag hjá Málinga- handlinum í J.C. Svabos- gøtu í Havn. Í 30 ár hevur hesin sera fryntligi og fyrikomandi "unglingin" gingið millum gardinstengur, rullugard- inur, persiennir og billakk í Málingahandlinum. Hóast Hermundur er deyvur, klárar hann seg sera væl í hesum starvi, hann er kvikur at lesa munnin av, tá kundarnir spyrja um eitt ella annað, og hann dugir væl at gera seg skilligan. Eisini brú- kar hann blýant og pappír at samskifta við. Hann hevur gott eyga fyri litum. Hóast billakk verður blandað eftir ávísum for- skriftum, er tað ikki altíð at tað líkist heilt. Tá er Her- mundur ein meistari í at fáa tað at líkjast. Hermundur er formaður í Deyvafelagnum, og nógv deyv koma inn á gólvið í Málingahandlinum til eitt hugnaligt "prát". Hermundur er føddur í Norðragøtu 20. august 1937. Foreldrini vóru Ják- up og Annelena Zacharias- sen. Tey fingu sjey børn, har fimm av teimum vóru deyv. 8 ára gamal fór hann til Danmarkar at ganga í deyvaskúla í Fredericia. Liðugur við skúlan fór hann í læru sum bakari. Tá hann kom heim til Føroyar, arbeiddi hann hjá Frants Restorff í Havn. Um hesa tíðina møtti hann Sólbjørg Mortensen av Argjum, sum bleiv kona hansara. Sólbjørg og Hermundur eigur 4 børn og 10 ommu- og abbabørn. Miðskeiðis í 60-unum hevði Hermundur bakaríið í Gøtu. Har bakaði hann breyð og køkur, og seldi bakaravørur til stóran part av bygdunum har um leiðir. Seinni arbeiddi hann á bakarínum hjá Hallgrím Miðberg í Saltangará. Síðan flutti hann aftur til Argjar, og fór at arbeiða í Málingahandlinum í 1975. Hermundur hevur nógv frítíðarítriv, hann hevur fingist nógv við at mála málningar, og honum dám- ar væl fótbólt - er GÍ-fan. Hann brúkar fleiri mánaðir av árinum við Leynarvatn, har hann fiskar laks. Hann fylgir sera væl við í hvat hendir úti í heimi, hyggur eftir tíðindasend- ingum í sjónvarpinum, samskiftir nógv við fartele- fon (sendir SMS) og sam- skiftir við telduposti. Nú hann er fyltur 67 ár, er hann farin at arbeiða hálva tíð í Málingahandlin- um, men hann keðir seg ongantíð. Hóast sítt brek, hevur hann ikki ligið á latu síðuni. Hann er ein glaður lívsnjótari. TÍÐINDASKRIV Í nøkur ár hevur samkoman Filadelfia í Havn havt heimasíðu. Filadelfia hevur júst gjørt eina nýggja heimasíðu. Samkoman metir, at tað er av stórum týdningi at fylgja við menningini inn- an kunningartøkni og sam- skifti. Filadelfia ynskir at vera ein viðkomandi, sjónlig og opin samkoma. Tískil er nýggj heimasíða smíðað og evnað til. Á heimasíðuni er fjøl- broytt og viðkomandi tilfar. Tey, sum vitja síðuna, fáa innlit í visjónir og virksemi hjá samkomuni. Skrá fyri møtini eru at síggja á síð- uni. Lýsing av sunnudags- skúla-, barna- og ung- dómsarbeiði er eisini tøk. Stutt tíðindi kunnu eisini lesast á síðuni. Undirvís- ingar um bíbilsk evni verða javnan løgd út á heima- síðuna. Áhugaverdar greinar um viðkomadi samfelagsevni eru at síggja á heimasíðuni. Vitjið heimasíðuna www.filadelfia.fo. Hermundur Zachariassen, Argir: 30 ára starvsdag hjá Málingahandlinum Í dag, 11. januar, fyllir vælkendi heimasands- maðurin Rólant Vidtfeldt 50 ár. Rólant er sonur Jóhan og Edith Vidtfeldt á Sandi. Sum ungur fór Rólant í læru sum rørleggjari hjá Herman Winther í Skop- un og fekk sveinabræv í 1975. Sama ár giftist Rólant við Svanhild Lassen úr Klaksvík, og settu tey búgv heima á Sandi og fingu tey børnini Jóhan, Anniku og Annu Elisa- beth. Sama ári sum Rólant fekk sveinaprógv, stovn- setti hann egið rørleggj- aravirki og fór eisini at fáast við oljufýrservice. Í 1977 fekk hann sær handil innan VVS vinn- una, og í 1983 víðkaði hann handilin, sum í dag umfatar so at siga alt utt- an matvørur. Í dag starv- ast eini 6 fólk hjá Rólanti. Rólant hevur røkt rættuliga nógv ábyrgdar- størv eisini, millum annað røkti hann sjúkrabilatæn- astuna í Sandoynni, sum Bil hevði um hendur, í 8 ár. Rólant er partaeigari í fyritøkunum Bil-& Mask- inverkstaðurin og í Bil Sandoy. Frítíðina hevur Rólant brúkt nógv innan Heima- missiónsarbeiðið, har hann í mong ár hevur sitið sum stýrislimur fyri Missiónshúsið á Sandi. Hann situr í dag í høvuðs- stýrinum hjá Heima- missiónini. Onnur álitisstørv hevur Rólant eisini, og kann nevnast, at Rólant í 1996 var valdur í umboðsráðið hjá Føroya Sparikassa og valdur í stýrið fyri Spari- kassan í 2002. Føðingardagin heldur Rólant heima, har opið hús verður. Rólant Vidtfeldt 50 ár www.filadelfia.fo Filadelfia við nýggjari heimasíðu