týsdagur 11. januar 2005síða 20

Tað eydnaðist VÍF at vinna ein sera tættan dyst móti H71 í Vestmanna sunnu- dagin, og tá ið Kyndil samstundis snávaði á Skála, eru vestmenn- ingar nú einsamallir á odda HONDBÓLTUR Terji Nielsen terji@sosialurin.fo Lagt var upp til ein spenn- andi dyst, tá ið VÍF og H71 hittust í høllini í Vestmanna sunnudagin. Hesi bæði liðini hittust eisini í sein- asta dystinum í grundspæl- inum, og tá endaði tað við javnleiki í Hoyvíkshøllini. Nógv skotstyrki Nógv fólk høvdu leitað sær í høllina í Vestmanna, og eins og strandingar høvdu teir í VÍF avgjørt, at allur peningurin, ið kom inn í atgongumerkjasøluni, fór óskerdur til Reyða Kross, og harafturat høvdu dóm- ararnir báðir eisini játtað, at dómarasamsýningar somu- leiðis fóru til Reyða Kross. Hjá vestmenningum kom tað væl við, at Sámal Joen- sen var við aftur, eftir at hann hevur sitið uttan fyri í eina tíð við skaða. Við Sámali aftur á liðnum fekk VÍF styrkt álopsspælið hjá sær munandi, og tað er neyvan ov nógv sagt, at vestmenningar í júst Sámali og Áka Olsen eiga tveir teir bestu bakkarnar í landin- um. Ikki tí, hoyvíkingar hava sanniliga eisini nakrar stór- ar og góðar skjúttar. Lið- skiparin og undangongu- maðurin á H71-liðnum, Halgir Dahl-Olesen, er altíð góður fyri nøkur mál, og tá ið H71 harafturat hevur menn sum Henrik Gerster og Piti Negu, so bilar skotstyrkini einki. Tað er heldur ikki ov nógv sagt, at ein rættuliga stórur partur av málunum í dystinum sunnudagin komu upp á langskot. Gekk javnt á Tað gekk annars rættuliga javnt á í dystinum í Vest- manna. Serliga í fyrra hálvleiki skiftust liðini um at hava leiðsluna, og sjáld- an vóru fleiri enn tvey mál á muni millum liðini. Tað var týðuligt, at vest- menningar høvdu stórar trupulleikar av stóru skjútt- unum hjá hoyvíkingum, og serliga vóru tað teir báðir Halgir Dahl-Olesen og Piti Negru, sum góvu verjuni og málverjanum hjá vest- menningum grá hár í høvdið. Tað skal tó eisini nevnast, at verjan hjá VÍF ikki hevði ein av sínum bestu døgum, og tí var málverjin Dejan Lacok ofta prísgivin. Í hinum endanum høvdu hoyvíkingar stórar trupul- leikar við at steðga einum sera væl uppløgdum Áka Olsen, sum nú av álvara tykist verða komin fyri seg eftir drúgva skaðan, og við Áka aftur í toppform eru vestmenningar styrktir munandi. Áki skeyt ikki færri enn 13 mál sunnu- dagin, og hevði tað ikki verið fyri einum vælleik- andi Levi Nybo í málinum hjá hoyvíkingum, so vóru málini óivað fleiri í tali. Eina løtu um miðjan fyrra hálvleik, hevði VÍF hug til at fara frá H71, men so svaraðu hoyvíkingar aftur, og tá ið komið var til hálvleiks, stóð á jøvnum 17-17. Spenningur til tað síðsta Í seinna hálvleiki helt javna gongdin fram. Onkuntíð vóru hoyvíkingar á odda, men sum oftast vóru tað vertirnir úr Vestmanna, sum høvdu leiðsluna, men talan gjørdist ongantíð um nakra avgerandi leiðslu Tað var ikki fyrr enn í seinastu løtu av dystinum, at avgerðin í veruleikanum fall. Gamaní vóru vest- menningar á odda við trim- um málum einar sjey minuttir fyri leiklok, men hoyvíkingar svaraðu aftur og minkaðu munin niður í eitt mál, og tá ið fýra minuttir vóru eftir at leika, var støðan 31-30 til VÍF. Men seinastu fýra minuttir- nar vóru tað bert vest- menningar, ið megnaðu at fáa bóltin í mál, og tað gjørdu teir tríggjar ferðir, soleiðis at endaliga úrslitið gjørdist 34-30 til VÍF, sum altso er einsamalt oddalið í Atlantic Airways kapping- ini, nú fyrsta umfar í enda- spælinum er farið aftur um bak. Aftur í eldin í morgin Bæði hesi liðini, sum dyst- aðust í Vestmanna sunnu- dagin, skulu aftur í eldin longu í annaðkvøld. Tá eru tað nevnliga fyrru hálv- finalurnar í Coca-Cola kappingini, sum eru á skránni. Vestmenningar skulu til Havnar, har teir skulu spæla móti arvafíggindunum úr Kyndli. Mett út frá úrslit- unum um vikuskiftið, má sigast, at VÌF fer á vøllin í Havn sum favorittar, men vit hava áður sæð, at tað kann verða sera trupult at spáa um úrslitið av dystum millum júst hesi bæði lið. Hoyvíkingar ætla sær óivað í finaluna, og skulu teir røkka hesum máli, er neyðugt hjá teimum at basa strandingum í annaðkvøld. Júst hesi bæði lið hittust í finaluni í fjør, men í ár verður altso bert pláss fyri tí eina liðnum, og hvør tað verður, er ógvuliga ilt at meta um. StÍF hevði eina vánaliga byrjan upp á kappingarárið, men er so líðandi komið fyri seg, og sigurin á Kyndil sunnu- dagin bendir á, at strand- ingar aftur nærkast gomlum hæddum. VÍF-H71 34-30 (17-17) VÍF: Áki Olsen 13(3), John Zachariassen 6, Ingi Olsen 6(1), Sámal Joensen 4, Agnar Joensen 3, Harald Bjørgvin 1, Jákup S. Andreasen 1 H71: Halgir Dahl Olesen 10(3), Piti Negru 9(1), Johnny Durhuus 4, Henrik Gerster 4, Chr. Eli Zachariassen 1, Niels Viggo Niclasen 1, Sigtór Andreasen 1 Brotskøst: VÍF 4(4), H71 8(4) Útvísingar: VÍF 5, H71 4 Dómarar: Andreas F. Hansen og Eyðun Samuelsen - dømdu ein fínan dyst 20 Nr. 6 - 11. januar 2005 Leingi sá tað út til, at VÍF fór at fáa bæði stigini, tá ið Søljan vitjaði í Vestmanna, men miðskeiðis í seinna hálvleiki, koppaði dysturin HONDBÓLTUR Terji Nielsen terji@sosialurin.fo Á pappírinum var dyst- urin millum VÍF og Sølj- una tann mest áhugaverdi kvinnudysturin hetta vikuskiftið. Søljan hevur verið eitt positivt yvir- raskilsi í hesum kapping- arárinum, meðan tað hevur gingið minni gott hjá VÍF. Tó tykist tað sum um, at vestmanna- kvinnurnar eru við at fóta sær eitt sindur, og ein sigur á Søljuni kundi verið eitt stig á røttu leiðini. Framúr VÍF-byrjan Tá ið fyrri hálvleikur var komin væl áleiðis, var einki, sum bendi á, at vágakvinnur fóru at fáa nakað sum helst við sær yvir um sundið aftur. Heimaliðið var snøgt sagt nógv betri í fyrra hálvleiki, og gestirnir úr Vágum megnaðu als ikki at fóta sær.VÍF var á odda við fýra ella fimm málum ein stóran part av fyrra hálvleiki, og tá ið komið var til steðgin, var heimaliðið á odda 12-8. Gestirnir úr Søljuni vóru sum hamskiftar eftir steðgin. Longu tá ið fimm minuttir vóru leiktir av seinna hálv- leiki, høvdu tær minkað um munin niður í eitt mál, men VÍF svaraði aftur og legði seg á odda 15-12, tá ið átta minuttir vóru leiktir, men so kom stígur í hjá heimaliðnum. Tað gingu nú ikki færri enn 14 minuttir, har VÍF als ikki skoraði, og sam- stundis megnaði Søljan at skora sjey ferðir, so- leiðis at tær nú bráddliga vóru á odda við fýra mál- um, 19-15! Vestmanna- kvinnur reistust tó aftur og fingu skorað tríggjar ferðir á rað, men tær megnaðu ongantíð at koma upp á javnt aftur, og tí gjørdist drúgva oyðimarkargongdin hjá VÍF í seinna hálvleiki avgerandi fyri úrslitið av dystinum, sum Søljan vann 22-20. VÍF-Søljan 20-22(12-8) VÍF: Ioana Rapa 9(1), Fríða Marjunardóttir 6(1), Eyðritt Andreasen 3, Linda Johannesen 2 Søljan: Lina Andrilulyte 10(4), Nicoleta Radu Hansen 6, Hertha Jónsdóttir Simonsen 3, Jana Jacobsen 1, Fía Selma Nielsen 1, Kristianna Petersen 1 Brotskøst: VÍF3(2), Søljan 5(4) Útvísingar: VÍF 4, Søljan 4 Dómarar: Andreas F. Hansen og Eyðun Koppaði í seinna hálvleiki VÍF-H71 34-30(17-17) Vestmenningar einsamallir á odda Agnar Joensen og VÍF eru nú einsamallir á odda í Atlantic Airways kappingini, nú farið er undir endaspælið savnsmynd