týsdagur 11. januar 2005síða 22

22 Nr. 6 - 11. januar 2005 Tey vóru neyvan mong, sum høvdu roknað við, at StÍF fór at koppa oddaliðnum Kyndil í fyrsta dystin- um í endaspælinum HONDBÓLTUR Terji Nielsen terji@sosialurin.fo Strandingar hava ikki víst tað stóra hondbóltsspælið í grundspælinum, og tá ið teir so í fyrsta dystinum í endaspælinum fingu vitjan av Kyndli, sum vann grund- spælið og helst eisini higartil í kappingini hevur víst tann besta hondbóltin, vóru tað neyvan mong, ið høvdu vænta stórvegis úrtøku burtur úr dystinum til StÍF. Men ikki gongur altíð sum prestur prædikar. Skerdir kyndilsmenn Talan var um ein serstak- liga spennandi og javnan dyst á Skála sunnudagin, hóast sjálvt hondbólts- spælið ikki var tað stóra at reypa um. Liðini fylgdust at kalla allan dystin, og viðhvørt vóru strandingar á odda, og aðrar tíðir vóru tað so føroyameistararnir úr Kyndli, sum høvdu leiðsl- una. Tað kom dátt við hjá Kyndli, at teir heilt tíðliga í dystinum mistu landsliðs- leikaran Høgna Klein, sum meiddi sær annan fótin illa. Tá ið vit seint sunnukvøld- ið frættu frá kyndilsmonn- um, søgdu teir, at tað sá einki serligt út hjá Høgna, og at hann verður ikki við aftur fyrstu dystirnar. Við missinum av Høgna misti Kyndil samstundis eina av sínum størstu skothóttan- um. Sum áðurnevnt var sjáld- an nakar serligur munur millum liðini bæði. Kynd- ilsmenn fingu als ikki glið á spælið hjá sær, og ferð aftaná ferð gjørdu teir óneyðug mistøk, sum strandingar vóru dugnaligir til at revsa. Ikki minst var ungi landsliðsleikarin Sveinur Justinussen hjá StÍF sera væl upplagdur sunnudagin, og hann gjørdist eisini toppskjútti hjá heimaliðnum við níggju málum. Tað er neyvan ov nógv sagt, at dysturin sunnudag- in var ein tann vánaligasti hjá føroyameistarunum í hesum kappingarárinum, og tá ið StÍF bleiv við at hanga í Kyndli, fekk hetta eisini frustratiónirnar fram á útiliðnum. Stríðsviljin sigraði Eftir at Kyndil hevði verið á odda við einum máli í hálvleikssteðginum, gekk tað framvegis javnt á eftir steðgin. Fyrsta partin av seinna hálvleiki var á odda við einum ella tveimum málum, men tá ið seinni hálvleikur var hálvrunnin, komu strandingar ájavnt við gestirnar, sum sam- stundis blivu enn meiri skerdir. Seinni hálvleikur var akkurát hálvrunnin, tá ið sterki strikuspælarin hjá Kyndli, Janus Einar Søren- sen, fekk reyða kortið. Alexandur Johansen var á veg gjøgnum verjuna hjá havnarliðnum, men Janus Einar fekk armin um kvika vongspælarin hjá strand- ingum, men armuruin var so mikið ovarlaga, at hann fór um hálsin á Alexandur, sum fór ógvusligani um koll. Dómararnir báðir, Dánjal og Kári Hansen, vóru eirindaleysir og vístu Janus Einari reyða kortið. Hetta var ein týðandi løta í dystinum, og tað var júst eftir henda tilburð, at StÍF aftur kom á odda í dystin- um, og tað eydnaðist ong- antíð aftur Kyndli at koma ájavnt við heimaliðið, sum vann dystin 26-23. Í stuttum kann sigast, at strandingar sunnudagin vístu tann eyðkenda stríðs- viljan, sum teir eru kendir fyri, men hinvegin var ikki tað stóra hondbóltsspælið at sígga, sum vit annars vita, at bæði liðini eru før fyri at spæla. Kyndil hevði ein av sín- um heilt vánaligu døgum, og um teir ætla sær at gera nakað við vestmenningar í fyrru hálvfinaluni sínamill- um í Coca-Cola kappingini, sum verður á Hálsi miku- kvøldið, so skulu teir taka annað skinn um bak. Vest- menningar eru væl fyri, og tá ið so Kyndil samstundis noyðist at verða bæði Janus Einar Sørensen og Høgna Klein fyriuttan, tykist upp- gávan ómetaliga trupul. Strandingar skulu eisini spæla hálvfinalu miku- kvøldið. Tá verður talan um eina endurtøku av finaluni frá í fjør, sum strandingar vunnu á hoyvíkingum. Um søgan fer at endurtaka seg í ár, skal verða ósagt, men við sigrinum á Kyndli sunnudagin, er lítið at ivaast í, at StÍF hevur fingið vind í segluni, og tá ið tað er, so kunnu strandingar basa øllum liðum í Føroy- um. StÍF-Kyndil 26-23 (11-12) StÍF: Sveinur Justinussen 9, Leivur Justinussen 6, Bent Djurhuus 3, Alex- andur Johansen 3(1), Borg- ar Danielsen 2, Bárður Danielsen 2, Pauli G. Hansen 1 Kyndil: Jacob Jónsson 5, Josef Abrahamsen 5, Hans Áki Dahl-Christiansen 5, Ragnar Stakksund 2, Rókur Akralíð 2, Finnur Hansson 2, Hans A. Thomsen 1, Høgni Klein 1 Brotskøst: StÍF 2(1) Útvísingar: StÍF 3, Kyndil 5 Reytt kort: Kyndil 1 Dómarar: Kári Hansen og Dánial Hansen Hóast Kyndil fylgdi væl við í fyrra hálv- leiki, so gjørdist talan kortini um ein trivaligan sigur til Neistan, tá ið grannadystur var í Havn í Sunset- kappingini HONDBÓLTUR Terji Nielsen terji@sosialurin.fo Ikki óvæntað vunnu neistakvinnur ein trygg- an sigur á grannunum úr Kyndli sunnudagin. Neistin sær út til at verða tað liðið, sum kann geva teimum báðum oddalið- unum báðum, Stjørnuni og VB, størstu mótstøð- una, meðan Kyndil er eitt av avgjørdu botnliðun- um, og tí var úrslitið av dystinum sunnudagin ikki ringt at spáa um. Kyndlakvinnur fylgdu væl við Størsta partin av fyrra hálvleiki var tað tó ikki nógv, ið bendi á, at Neist- in skuldi vinna væntaða stórsigurin. Gamaní løgdu tær seg á odda tíðliga í dystinum, men tað gekk heldur striltið við at fáa lagt sjógv millum seg og Kyndil hjá neistakvinnunum. Hvørjar ferð Neistin hótti við at fara frá Kyndli, svaraðu tær grønu aftur, men tá ið fyrri hálvleikur fór at halla, fekk Neistin avger- andi leiðsluna, ið sløkti seinastu vónirnar hjá Kyndli um at fáa stig burtur úr dystinum. Seinastu fimm minutt- irnar av fyrra hálvleiki økti Neistin úr 14-12 upp í 18-12, og so var dyst- urin avgjørdur. Í seinna hálvleiki helt Neistin fram við at økja um leiðsluna, og ikki kann sigast annað, enn at tað sær heilt gott út hjá teimum bláu úr Havn, sum til tíðir sunnudagin vístu heilt gott spæl. Við teimum trimum sentralu spælarunum á liðnum, Marjun Trónd- arson, Simonu Petersen og Ásu á Neystabø á odda, kann Neistin verða liðið, sum fer at seta fót fyri gulldreymunum hjá antin Stjørnuni ella VB. Næsta uppgávan hjá Neistanum verður tó ikki í Sunset-kappingini, men í Coca-Cola steypakapp- ingini, har Neistin í annaðkvøld skal spæla fyrru hálvfinaluna móti Søljuni. Kyndil er ikki longur við í steypakapp- ingini. Kyndil-Neistin 20-33(12-18) Kyndil: Randi Wardum 9(1), Anja Midjord 4, Ann Mari Wang 4, Linda Weihe 1, Súsanna Petersen 1, Kari-Ann Petersen 1 Neistin: Marjun Tróndarson 8, Simona Petersen 8(5), Ása á Neystabø 5, Kára á Dunga 4, Unn Krage- steen 3, Annika Thom- sen 3, Jórun Ludvig 1, Lív Sørensen 1 Brotskøst: Kyndil 3(1), Neistin 6(5) Útvísingar: Kyndil 2, Neistin 2 Dómarar: Brandur Johansen og Heri Petersen Kyndil-Neistin 20-33(12-18) Avgreiðslusigur í grannauppgerð StÍF-Kyndil 26-23(11-12) Strandingar koppaðu oddaliðnum Heldur óvæntað noyddust kyndlamenn at lúta fyri strandingum á Skála sunnudagin í fyrsta dystinum í endaspælinum savnsmynd