mikudagur 12. januar 2005síða 7

Nr. 7 - 12. januar 2005 7 – Eg vil pástanda, at ikki øll, men nógv fjølmiðlafólk eru ein beinleiðis forðan fyri demokratinum í Før- oyum. Tíðindaflutn- ingurin um bæði inn- lendis- og uttanríkis- mál er so einstáttað- ur, at eg haldi tað er ein trupulleiki fyri menningina av før- oyska demokratinum, heldur formaður Miðfloksins, Jenis av Rana FØROYSKIR FJØLMIÐLAR Páll Holm Johannesen pall@sosialurin.fo – Føroysk fjølmiðlafólk eru eftir mínum tykki ótrúliga einstáttað. Tú kanst gjøg- numgangandi siga, at jour- nalistiska manningin í Føroyum umboðar bert ein hugburð-tann sosialistiska humanistiska. Umstríddi formaður Miðfloksins, Jenis av Rana, tosar enn einaferð við stór- um bókstavuum. Hesaferð vendir hann kanónini ímóti føroyskum fjølmiðlafólk- um. – Humanisman og stórur partur av fjølmiðlafólkum eru talsfólk fyri tolsemi, men teirra tolsemi er bara einvegis. Í føroyska samfe- lagnum verður áhaldandi kravt av tær sum trúgvandi, at tú skalt vísa tolsemi, men vágar tú tær at vísa á skeivleikar, fært tú av at vita í fjølmiðlunum. Tað eru óteljandi dømi um, at hevur tú ikki sama hugburð sum humanisman ber fram, verður tú álopin í fjøl- miðlunum, heldur Jenis av Rana. Undir orðaskiftinum um samanleggingina av SvF og ÚF í desember mánaði vísti formaðurin í Miðflokkin- um bæði í tinginum og í kjaksending á, at føroysk fjølmiðlafólk í alt ov stóran mun lata seg ávirka av síni persónligu sannføring, tá tey skulu eitast at bera óheftan tíðindaflutning. - Tað er ikki bara millum føroysk fjølmiðlafólk, at ein yvirvág er av sosialist- iskum humanistiskum sjónarmiðum. Kanningar av fjølmiðlafólki í Noregi og Danmark vísa tað sama. Eg dugi ikki at siga um orsøkin er, at tað nærum bara eru fólk við humanist- iskum sjónarmiðum, sum sleppa inn á journalist- skúlarnar ella um tað er lærustovnarnir sum skapa tey, vísir Jenis av Rana á. Forða fólkaræði – Eg vil pástanda, at ikki øll, men nógv fjølmiðlafólk eru ein beinleiðis forðan fyri demokratinum í Før- oyum. Tíðindaflutningurin um bæði innlendis- og utt- anríkismál er so einstátt- aður, at eg haldi tað er ein trupulleiki fyri menningina av føroyska demokratinum, Tað eru ikki hissini skoðsmál, Jenis av Rana gevur føroyskum fjølmiðla- fólki. Hann heldur, at so- nevnd etisk mál sum fostur- tøka, samkynd, rúsdrekka- søla og heit uttanríkis- politisk evni sum George Bush og stríðið millum Ísrael og Palestina verða viðgjørd úr einum einstak- um sjónarhorni - tí persón- liga hjá fjølmiðlafólkinum: – Viðgerðin av hesum evnum er ótrúliga einstátt- að. Hesi mál verða viðgjørd úr einum sjónarhorni. Tað er í alt ov stóran mun persónligi sjónarmiðini hjá fjølmiðlafólkinum, sum ger av, hvussu málini verða lýst og viðgjørd, og tað er skaðiligt fyri demokratiið, tá hugsað verður um, at tað eru fjølmiðlafólkini, sum velja og vraka, hvørji tíð- indi, tey vilja bera fram. Tá vit verða noydd at rinda sjónvarps- og útvarpsgjald í dýrum dómum, mugu vit kunna krevja, at viðgerðin av málum ikki verður litað av persónligu sannføringini hjá fjølmiðlafólkinum, heldur Jenis av Rana. Formaður Miðfloksins leggur afturat, at ein grund- leggjandi súla í demokrati- num er, at allir minnilutar í samfelagnum sleppa til orðanna, men eftir 10 ár í landspolitikki staðfestir hann hinvegin, at tað er himmalvíður munur á, hvussu nógv pláss teir smærru flokkarnir fáa í føroyskum fjølmiðlunum, sammett við teir størstu flokkarnar. –Tað kemur javnan fyri undir aðalorðaskiftum í tinginum, at fjølmiðlarnir ikki vilja kennast við sjón- armiðini hjá smærru flokk- unum. Hvussu í allari víðu verð skulu nýggjar hug- sjónir, nýggir persónar ella nýggir flokkar fóta sær, tá progressivu kreftirnar ikki sleppa fram at í fjølmiðl- unum. Tað er so ómetaliga týdningarmikið at sleppa fram at í sjónvarpi, útvarpi og bløðunum, tí har verður lagt merkið til tín, og tað er stak óheppið, at vit ikki fáa somu rúmd sum størru flokkarnir, sigur Jenis av Rana. Galdandi hugburðurin hjá føroyskum fjølmiðla- fólki við at sýta smærru flokkunum somu rúmd sum teimum størru flokkunum, metir Jenis vera eitt tekin um, at føroysk fjølmiðla- fólk tilvitað royna at halda lív í gomlum hugsjónum og flokkum, heldur enn at lova nýhugsan fram at. Flokspolitisk uppvenjing Ein av orsøkunum til, at føroyskir fjølmiðlar eru so einstáttaðir í síni viðgerð av bæði innlendis- og uttan- ríkismálum, heldur Jenis kann vera í uppvenjingini á Sosialinum og Dimma- lætting. – Ein partur av fjøl- miðlafólkunum í dag fáa sína uppvenjing á føroysku bløðunum, áðrenn tey fara til loftmiðlarnar. Uttan mun hvat leiðslurnar á bløðun- um siga, eru føroysku bløð- ini framvegis politiskt stýrd, og hetta er við til at ávirka hugburðin hjá teimum fjølmiðlafólkum, sum arbeiða har. Tá hesi fjølmiðlafólk so einaferð eru leys av floksbindingun- um og fara til loftmiðlarnar, skuldi tú trúð, at tey gjørd- ist meira óheftir tíðinda- berarar, men tað vísir seg kortini hinvegin, at tey halda fast í teirra politisku sannføring, sum tey eru uppvand við á bløðunum, vísir formaður Miðfloksins á. Jenis av Rana leggur afturat, at flokspolitiska linjan hjá bløðunum kemur serliga til sjóndar í odda- greinunum. – Tá ástendur, vísa bløð- ini altíð sín sanna floks- politiskan lit. Tað eru ótelj- andi dømi um, at mál verða lýst einvíst í oddagreinun- um í bæði Sosialinum og Dimmalætting. Tú sært eis- ini javnan, at oddagreinar- nar verða nýttar til at verja avvarðandi flokkar og leypa á mótstøðuflokkar- nar, sigur Jenis av Rana at enda. Humanisman stórtrívist millum føroysk fjølmiðlafólk - Tað er ikki bara millum føroysk fjølmiðlafólk, at ein yvirvág er av sosialistiskum humanistiskum sjónarmiðum. Kanningar av fjølmiðlafólki í Noregi og Danmark vísa tað sama, sigur Jenis av Rana Mynd: Jens Kristian Vang