mikudagur 12. januar 2005síða 17

Nr. 7 • mikudagur • 12. januar 2005 • 79. árgangur • www.sosialurin.fo OLJULEITING Jan Müller Mánadagurin 17. januar kann gerast søguligur dag- ur í føroyskari vinnusøgu. Tá verða helst loyvini latin oljufeløgunum, sum søktu í 2. útbjóðing á landgrunnin- um. H etta eru m.a. loyvi, sum liggja tætt upp at tí seinasta stóra oljufundinum við markið, og kann tí sig- ast, at talan er um eitt nýtt og spennandi kapittul í leitingini eftir olju og gass við Føroyar. Sigurð í Jákupsstovu, stjóri á Oljufyrisitingini sigur við Sosialin, at tað mesta av arbeiðinum í sambandi við 2. útbjóðing er liðugt. Okkurt smávegis er eftir at fáa uppá pláss, so hann heldur tað er sannlíkt, at loyvini kunnu latast mánadagin komandi. Men tað velds so aftur um, at alt er klárt og liðugt. Sum skilst hevur gingið væl at viðgera umsóknirnar frá teimum 8 oljufeløgun- um. Nú so stórt øki er boðið út kann roknast við, at feløgini hava søkt um nógvar ymsar teigar og tískil kunnu vit rokna við, at feløgini sum heild helst fara at fáa tey øki tey hava biðið um. Hetta vita vit tó ikki við vissu fyrr enn mánadagin. Tað eru umleið fimm ár síðani, at fyrstu loyvini til leiting eftir olju og gassi vórðu latin oljufeløgum. Tá varð stórt hátíðarhald í Norðurlandahúsinum. Hesaferð verður tað ikki gjørt so nógv burtur úr men Sosialurin skilur, at loyvini fara at verða latin feløgun- um við eitt hátíðarhald, sum helst verður seinna- partin mánadagin. Feløgini, sum hava søkt um leitiloyvi í 2. útbjóðing eru: Statoil, ChevronTexa- co, Shell, Dong, OMV, Faroe Petroleum, Atlantic Petroleum og Geysir. Týsdagin 18. januar verður oljuráðstevna í Norðurlandahúsinum og tá verður 2. útbjóðing ein týðandi partur av skránni. OLJUUMHVØRVI Jan Müller Oljufelagið Statoil, sum er ein av týðandi luttakarun- um í oljuleitingini við Før- oyar, fer í næstum at flyta inn í høli úti á Bryggju- bakka í Vágsbotni. Felag- ið, sum hevur hildið til í Tórsgøtu, fer ein av kom- andi døgunum at flyta inn í gamla smiðjubygningin, úti á Bryggjubakka 31, har Fiskasølan hevur hildið til í eina tíð. Sum skilst, so fær oljufelagið munandi betri pláss til sítt virksemi. Stat- oil er eitt av teimum stóru oljufeløgunum, sum er mest virkið í leiting á land- grunninum. Roknast kann við, at tað eisini verður tað oljufelagið, ið fær tillutað flest loyvi í 2. útbjóðingar- umfarinum, sum eftir øllum at døma verður kunngjørt komandi mánadag. Nú flutt verður inn á Bryggjubakka kann sigast, at økið er vorðið oljuum- hvørvi burturav. Framman- undan húsast í grannalag- num bæði italska oljufe- lagið AGIP og tað føroyska Føroya Kolvetni . Í síni tíð vórðu eisini oljufeløgini Texaco og Saga partur av umhvørvinu m í Vágsbotni. Tað hevur ikki eydnast okk- um at fáa nakra viðmerking frá Statoil til ætlanina at flyta. Nógva leitivirksemið hjá Statoil á landgrunninum setir størri krøv til høli. Nú flytur leitideildin hjá Statoil í gamla smiðjubnygningin úti á Bakka. Vinnusíður um ráðstevnu Vinnusíðurnar í komandi viku fara at snúgva seg um olju- og fiskivirnnuráðstevnuna, sum verður hildin í Norðurlandahúsinum týsdagin 18. januar. Tískil verða tær fluttar frá mikudegnum til týsdagsblaðið ístaðin. Tilfar og lýsingar skulu vera blaðnum í hendi í seinasta lagi fríggjadagin. Ætl- anin er at gera væl burtur úr ráðstevnuni í vinnu- síðunum. Nýtt kapittul í oljuleiting byrjar mánadagin Statoil flytur út á Bryggjubakka Sigurd í Jákupsstovu, stjóri á Oljufyrisitingini sigur, at ætlanin er kunngera leitiloyvini í 2. útbjóðing nú mánadagin.